ಕ್ರೇಜಿಸ್ಟಾರ್‌ ರವಿಚಂದ್ರನ್, ತಮ್ಮ ಪುತ್ರ ಮನೋರಂಜನ್ ರವಿಚಂದ್ರನ್ ಅವರ 33ನೇ ಹುಟ್ಟುಹಬ್ಬವನ್ನು ಕನಕಪುರದ ರೆಸಾರ್ಟ್ವೊಂದರಲ್ಲಿ ವಿಶೇಷವಾಗಿ ಆಚರಿಸಿದ್ದಾರೆ.
ಮಗನ ಬರ್ತ್ ಡೇಯಂದು ಕುಟುಂಬದವರೊಂದಿಗೆ ಕ್ರಿಕೆಟ್ ಆಡಿದ ಕ್ರೇಜಿಸ್ಟಾರ್‌
ಇದೇ ಡಿಸೆಂಬರ್ 13 ರಂದು ಮನುರಂಜನ್ ರವಿಚಂದ್ರನ್ ತಮ್ಮ 33ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಮಗನ ಹುಟ್ಟುಹಬ್ಬವನ್ನು ಕನಕಪುರದ ರೆಸಾರ್ಟ್ವೊಂದರಲ್ಲಿ ಕುಟುಂಬ ಸದಸ್ಯರೊಂದಿಗೆ ಆಚರಿಸಿದ ಕ್ರೇಜಿಸ್ಟಾರ್‌, ಬಳಿಕ ಮಕ್ಕಳು, ಅಳಿಯ ಹಾಗೂ ಸ್ನೇಹಿತರ ಜೊತೆಗೂಡಿ ಕ್ರಿಕೆಟ್ ಆಡುವ ಮೂಲಕ ಸಖತ್ ಎಂಜಾಯ್ ಮಾಡಿದ್ದಾರೆ.
ಈ ಅಪರೂಪದ ಕ್ಷಣಗಳನ್ನ ಚಿತ್ರೀಕರಣ ಮಾಡಿದ್ದು, ಆ ವಿಡಿಯೋವನ್ನ ಮನೋರಂಜನ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ ನಮ್ಮ ಅಪ್ಪ ಸರ್ಪ್ರೈಸ್ ಆಗಿ ಈ ಬರ್ತ್ ಡೇಯನ್ನು ಅರೆಂಜ್ ಮಾಡಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.
ಈ ಸಂಭ್ರಮದಲ್ಲಿ ಕನ್ನಡಿಗ ಚಿತ್ರದ ನಿರ್ಮಾಪಕ ಎನ್.ಎಸ್. ರಾಜಕುಮಾರ, ನಿರ್ದೇಶಕ ರಘು ರಾಮ್, ರವಿಚಂದ್ರನ್ ಸಹೋದರ ಬಾಲಾಜಿ ಸೇರಿದಂತೆ ಇತರರು ಭಾಗಿಯಾಗಿದ್ದರು.
