ಮಹೇಶ್ ಬಾಬು ಅಭಿನಯದ ‘ಮಹರ್ಷಿ‘ ಸಿನಿಮಾವನ್ನು ಇತರ ಭಾಷೆಗಳಲ್ಲೂ ರೀಮೇಕ್ ಮಾಡಲು ಡಿಮ್ಯಾಂಡ್ ಬಂದಿದೆಯಂತೆ. ಈಗಾಗಲೇ ತಮಿಳು ಫಿಲಮ್ ಮೇಕರ್ಗಳು ‘ಮಹರ್ಷಿ‘ ರೀಮೇಕ್ ಹಕ್ಕನ್ನು ಪಡೆದಿದ್ದು ಚಿತ್ರದ ಕೆಲಸಗಳು ಆರಂಭವಾಗಿ ವಿಜಯ್ ಈ ಸಿನಿಮಾದಲ್ಲಿ ನಾಯಕನಾಗಿ ನಟಿಸುತ್ತಿದ್ದಾರೆ ಎನ್ನಲಾಗಿದೆ.
ಇದರೊಂದಿಗೆ ಬಾಲಿವುಡ್ನಲ್ಲಿ ಕೂಡಾ ಈ ಸಿನಿಮಾ ರೀಮೇಕ್ ಮಾಡಲು ಎಲ್ಲಾ ಸಿದ್ಧತೆಗಳು ಆರಂಭವಾಗಿದೆ ಎನ್ನಲಾಗಿದೆ. ಸಲ್ಮಾನ್ ಖಾನ್ ಮಹೇಶ್ ಬಾಬು ಪಾತ್ರವನ್ನು ಮಾಡಬೇಕು ಎಂಬುದು ಚಿತ್ರ ನಿರ್ಮಾಪಕರ ಆಸೆಯಾಗಿದ್ದು ಅವರಿಗೆ ಚಿತ್ರವನ್ನು ತೋರಿಸಲು ಪ್ರತ್ಯೇಕ ಪ್ರದರ್ಶನವೊಂದನ್ನು ಏರ್ಪಡಿಸಲಾಗಿದೆ ಎಂದು ತಿಳಿದು ಬಂದಿದೆ. ಒಂದು ವೇಳೆ ಚಿತ್ರವನ್ನು ನೋಡಿ ಸಲ್ಮಾನ್ ಮೆಚ್ಚಿದರೆ ಆದಷ್ಟು ಬೇಗ ರಿಮೇಕ್ ಕೆಲಸಗಳು ಆರಂಭವಾಗಲಿವೆ ಎನ್ನಲಾಗಿದೆ.
ಕೆಲವು ವರ್ಷಗಳ ಹಿಂದೆ ಸಲ್ಮಾನ್ ಕೆರಿಯರ್ನಲ್ಲಿ ಸಾಲು ಸಾಲು ಚಿತ್ರಗಳು ಸೋಲುವ ಪರಿಸ್ಥಿತಿ ಎದುರಾದಾಗ ಮಹೇಶ್ ಬಾಬು ಅಭಿನಯದ ‘ಪೋಕರಿ‘ ಹಿಂದಿ ರೀಮೇಕ್ ‘ವಾಂಟೆಡ್‘ನಲ್ಲಿ ಸಲ್ಲು ನಟಿಸಿದ್ದರು. ಆ ಸಿನಿಮಾ ಸಲ್ಮಾನ್ಗೆ ಬ್ರೇಕ್ ನೀಡಿತ್ತು. ಇದೀಗ ‘ಮಹರ್ಷಿ‘ ರೀಮೇಕ್ಗೆ ಕೂಡಾ ಸಲ್ಮಾನ್ ಗ್ರೀನ್ ಸಿಗ್ನಲ್ ನೀಡುವ ಸಂಭವವಿದೆ ಎನ್ನಲಾಗುತ್ತಿದೆ.
