ಬೆಂಗಳೂರು : ದೇಶದಾದ್ಯಂತ ಲಾಕ್ಡೌನ್ ಆದೇಶ ಜಾರಿಯಾಗಿರುವುದರಿಂದ ಬೀದಿ ನಾಯಿಗಳೂ ಸಂಕಷ್ಟಕ್ಕೊಳಗಾಗಿವೆ. ಸರಿಯಾದ ಆಹಾರ ಸಿಗದೆ ಪರಿತಪಿಸುವಂತಾಗಿದೆ. ಈ ಹಿನ್ನೆಲೆ ಇಂದು ಇಂತಹ ಬೀದಿ ನಾಯಿಗಳನ್ನು ಗುರುತಿಸಿ ಅವುಗಳಿಗೆ ಆಹಾರ ನೀಡುವ ಕಾರ್ಯಕ್ಕೆ ಸ್ಯಾಂಡಲ್ವುಡ್ ತಾರೆಯರು ಮುಂದಾಗಿದ್ದಾರೆ.
ಲಾಕ್ಡೌನ್ ಎಫೆಕ್ಟ್.. ಬೀದಿ ನಾಯಿಗಳ ಹಸಿವು ನೀಗಿಸಿದ ಸ್ಯಾಂಡಲ್ವುಡ್ ತಾರೆಯರು..
ಸ್ಯಾಂಡಲ್ವುಡ್ ನಟಿ ಭಾ ಮ ಹರೀಶ್ ಹಾಗೂ ನಟಿ ರೂಪಿಕಾ ಬೆಂಗಳೂರಿನ ರಾಜಕುಮಾರ್ ರಸ್ತೆಯಲ್ಲಿ ಆಹಾರವಿಲ್ಲದೆ ನಲುಗಿದ್ದ ಬೀದಿ ನಾಯಿಗಳ ಹೊಟ್ಟೆ ತುಂಬಿಸುವ ಕಾರ್ಯ ಮಾಡಿದ್ದಾರೆ. ಈ ಕಾರ್ಯಕ್ಕೆ ನಟಿಯರ ಜೊತೆ ಅವರ ಸ್ನೇಹಿತರೂ ಸಹಾ ಕೈ ಜೋಡಿಸಿದ್ದು, ಹಸಿದ ಪ್ರಾಣಿಗಳಿಗೆ ಆಹಾರ ನೀಡಿ ಮಾನವೀಯತೆ ಮೆರೆದಿದ್ದಾರೆ.
