ಬಾಲಿವುಡ್ನ ಬಿಗ್ ಬಿ ಅಮಿತಾಬ್ ಬಚ್ಚನ್ ನಡೆಸಿಕೊಡುವ ಜನಪ್ರೀಯ ಗೇಮ್ ಶೋ 13ನೇ ಆವೃತ್ತಿಯ 'ಕೌನ್ ಬನೇಗಾ ಕರೋಡ್ ಪತಿ' ಈಗಾಗಲೇ ಆರಂಭಗೊಂಡಿದ್ದು, ಅನೇಕ ಸ್ಪರ್ಧಾಳುಗಳು ಭಾಗಿಯಾಗಿ ತಮ್ಮ ಅದೃಷ್ಟ ಪರೀಕ್ಷೆ ಮಾಡಿಕೊಳ್ಳುತ್ತಿದ್ದಾರೆ.
ಈ ಶೋನಲ್ಲಿ ಭಾಗಿಯಾಗಿರುವ ಆಗ್ರಾದ ದೃಷ್ಟಿಹೀನ ಸ್ಪರ್ಧಿ ಹಿಮಾನಿ ಬುಂದೇಲಾ ಈಗಾಗಲೇ 1 ಕೋಟಿ ರೂಪಾಯಿ ಪ್ರಶ್ನೆಗೆ ಸರಿಯಾದ ಉತ್ತರ ನೀಡಿದ್ದು, ಇದೀಗ 7 ಕೋಟಿ ರೂಪಾಯಿ ಪ್ರಶ್ನೆಗೆ ಉತ್ತರ ನೀಡಲು ಸಜ್ಜಾಗಿದ್ದಾರೆ.
ಆಗಸ್ಟ್ 23 ರಿಂದ 13ನೇ ಆವೃತ್ತಿ ಕೌನ್ ಬನೇಗಾ ಕರೋಡ್ ಪತಿ ಶೋ ಆರಂಭಗೊಂಡಿದ್ದು, ಇದರಲ್ಲಿ ಭಾಗಿಯಾಗಿರುವ ದೃಷ್ಟಿ ಹೀನ ಶಿಕ್ಷಕಿ ಹಿಮಾನಿ ಎಲ್ಲ ಪ್ರಶ್ನೆಗಳಿಗೆ ಸರಿಯಾದ ಉತ್ತರ ನೀಡಿದ್ದು, ಇದೀಗ ಕೊನೆ ಹಂತಕ್ಕೆ ಬಂದು ನಿಂತಿದ್ದಾರೆ. ಇದರ ಪ್ರೋಮೋ ಸದ್ಯ ರಿಲೀಸ್ ಆಗಿದ್ದು, ಅವರು ಕೊನೆಯ 7ಕೋಟಿ ರೂಪಾಯಿ ಪ್ರಶ್ನೆಗೆ ಉತ್ತರ ನೀಡುವರೆ? ಎಂಬ ಪ್ರಶ್ನೆ ಉದ್ಭವವಾಗಿದೆ.
13ನೇ ಆವೃತ್ತಿ ಕೌನ್ ಬನೇಗಾ ಕರೋಡ್ ಪತಿ ಶೋನಲ್ಲಿ ಕೋಟಿ ರೂಪಾಯಿ ಗೆದ್ದಿರುವ ಮೊದಲ ಸ್ಪರ್ಧಿ ಇವರಾಗಿದ್ದು, ಈಗಾಗಲೇ ಎಲ್ಲ 15 ಪ್ರಶ್ನೆಗಳಿಗೆ ಸರಿಯಾದ ಉತ್ತರ ನೀಡಿದ್ದಾರೆ. ಇದೀಗ 16ನೇ ಪ್ರಶ್ನೆಗೂ ಉತ್ತರ ನೀಡಲು ಮುಂದಾಗಿದ್ದು, ಇದರ ಶೋ ಇನ್ನು ಪ್ರಸಾರಗೊಂಡಿಲ್ಲ.
