ಸ್ಯಾಂಡಲ್​ವುಡ್​ನಲ್ಲಿ ಮತ್ತೆ ಸುದ್ದಿಯಾಗ್ತಿದೆ 'ಲಾಕಪ್ ಡೆತ್'

ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಈಗಾಗಲೇ ಶೀರ್ಷಿಕೆಯನ್ನ ಹರಿಕೃಷ್ಣ ಮತ್ತು ಚಿತ್ರತಂಡ ರಿಜಿಸ್ಟರ್ ಮಾಡಿಸಿದ್ದಾರೆ. ಸದ್ಯಕ್ಕೆ ಟೈಟಲ್ ರಿಜಿಸ್ಟರ್ ಮಾಡಿಸಿರೋ ನಿರ್ದೇಶಕ ಹರಿಕೃಷ್ಣ , ಸದ್ಯದಲ್ಲೇ ಚಿತ್ರದ ತಾರಾ ಬಳಗದ ವಿವರ ಹಂಚಿಕೊಳ್ಳಲಿದ್ದಾರೆ..

1994ರಲ್ಲಿ ಕನ್ನಡ ಸೇರಿದಂತೆ ಬೇರೆ ಭಾಷೆಗಳ ಚಿತ್ರರಂಗ ತಿರುಗಿ ನೋಡುವಂತೆ ಮಾಡಿದ ಲಾಕಪ್ ಡೆತ್ ಸಿನಿಮಾ ದೇವರಾಜ್ ಅಭಿನಯದಲ್ಲಿ ನಿರ್ದೇಶಕ ಓಂಪ್ರಕಾಶ್ ರಾವ್ ನಿರ್ದೇಶನದಲ್ಲಿ ಮೂಡಿ ಬಂದಿತ್ತು.

ಇದೀಗ 'ಲಾಕಪ್ ಡೆತ್' ಗಾಂಧಿನಗರದಲ್ಲಿ ಮತ್ತೊಮ್ಮೆ ಸುದ್ದಿಯಾಗ್ತಿದೆ. ಈ ಚಿತ್ರದ ಟೈಟಲ್ ಮರು ಬಳಕೆಯಾಗುತ್ತಿದೆ. ಜಗ್ಗೇಶ್ ಅಭಿನಯದ 8 ಎಂಎಂ ಚಿತ್ರ ನಿರ್ದೇಶನ ಮಾಡಿದ್ದ ಹರಿಕೃಷ್ಣ ಅವರು 'ಲಾಕಪ್ ಡೆತ್' ಹೆಸರಿನ ಹೊಸ ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ.

ಲಾಕಪ್ ಡೆತ್ ಸಿನಿಮಾ ಟೈಟಲ್ ರಿಜಿಸ್ಟರ್

ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಈಗಾಗಲೇ ಶೀರ್ಷಿಕೆಯನ್ನ ಹರಿಕೃಷ್ಣ ಮತ್ತು ಚಿತ್ರತಂಡ ರಿಜಿಸ್ಟರ್ ಮಾಡಿಸಿದ್ದಾರೆ. ಸದ್ಯಕ್ಕೆ ಟೈಟಲ್ ರಿಜಿಸ್ಟರ್ ಮಾಡಿಸಿರೋ ನಿರ್ದೇಶಕ ಹರಿಕೃಷ್ಣ , ಸದ್ಯದಲ್ಲೇ ಚಿತ್ರದ ತಾರಾ ಬಳಗದ ವಿವರ ಹಂಚಿಕೊಳ್ಳಲಿದ್ದಾರೆ.

ಮೋಗ್ಲಿ ಟಾಕೀಸ್ ಬ್ಯಾನರ್‌ ಅಡಿಯಲ್ಲಿ ಮೋಹನ್ ಗೌಡ ಚಿತ್ರ ನಿರ್ಮಿಸಲಿದ್ದಾರೆ. ಅಂದಿನ 'ಲಾಕಪ್ ಡೆತ್' ಸಿನಿಮಾಗೂ, ಹರಿಕೃಷ್ಣ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲ.