ಕನ್ನಡ ಬಿಗ್ ಬಾಸ್ ಸೀಸನ್ 8 ಆಗ ಶುರುವಾಗತ್ತೆ ಈಗ ಶುರುವಾಗತ್ತೆ ಎಂದು ಕಾದು ಕುಳಿತಿದ್ದ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಸಿಕ್ಕಿದೆ. ಕೆಲವು ದಿನಗಳ ಹಿಂದೆ ಬಿಗ್ ಬಾಸ್ ಪ್ರೋಮೋ ರಿಲೀಸ್ ಮಾಡುವುದಾಗಿ ಹೇಳಿದ್ದ ಕಲರ್ಸ್ ಕನ್ನಡ ಬ್ಯುಸಿನೆಸ್ ಹೆಡ್ ಪರಮೇಶ್ವರ್ ಗುಂಡ್ಕಲ್ ಇಂದು ಕನ್ನಡದ ಬಿಗ್ ಬಾಸ್ ಪ್ರೋಮೋ ರಿಲೀಸ್ ಮಾಡಿದ್ದಾರೆ.
ಬಿಗ್ ಬಾಸ್ ಶುರುವಾಗುತ್ತಿದೆ ಎಂಬುದನ್ನು ವಿಶೇಷ ರೀತಿಯಲ್ಲಿ ಪ್ರೋಮೋ ಮೂಲಕ ಹೇಳಲಾಗಿದೆ. ಸುದೀಪ್ ಜೆರಾಕ್ಸ್ ಮಿಷನ್ ಬಳಿ ನಿಂತು ಒಂದು ಪ್ರಿಂಟ್ ತೆಗೆದುಕೊಡು ಎಂದು ಹೇಳುತ್ತಾರೆ. ಆಗ ಅಸಿಸ್ಟೆಂಟ್ ಪಾತ್ರ ಮಾಡಿರುವ ಮಜಾಭಾರತ ಖ್ಯಾತಿಯ ಶಿವು ಪ್ರಿಂಟ್ ತೆಗೆದುಕೊಡುತ್ತಾರೆ. ಅದ್ರಲ್ಲಿ ಪದೇ ಪದೆ 8 ಎಂಬ ಅಕ್ಷರ ಪ್ರಿಂಟ್ ಆಗುತ್ತದೆ. ಈ ಮೂಲಕ ಬಿಗ್ ಬಾಸ್ ಸೀಸನ್ 8 ಬರುತ್ತಿದೆ ಎಂದು ತಿಳಿಸಿದ್ದಾರೆ.
- " class="align-text-top noRightClick twitterSection" data="">
ಇದನ್ನೂ ಓದಿ : 'ಕಿಲಾಡಿ'ಗೆ ವಿಲನ್ ಆಗ್ತಾರಾ ಅರ್ಜುನ್ ಸರ್ಜಾ?
ಇದೇ ಪ್ರೋಮೋದಲ್ಲಿ ಮತ್ತೊಂದು ಮಾತು ಹೇಳಿರುವ ಸುದೀಪ್, ಸ್ವಲ್ಪ ದಿನ ರಿಲ್ಯಾಕ್ಸ್ ಮಾಡ್ಕೊಂಡು ಬರ್ತಿನಿ ಕಣ್ಣಾಕ್ಬಿಡ್ಬೇಡಿ ಎಂದಿದ್ದಾರೆ. ಈ ಮೂಲಕ ಇನ್ನು ಕೆಲವೇ ದಿನಗಳಲ್ಲಿ ಬಿಗ್ ಬಾಸ್ ಸೀಸನ್ 8 ಪ್ರಾರಂಭವಾಗಲಿದೆ ಎಂದು ಸುಳಿವು ನೀಡಿದ್ದಾರೆ.
