ಸಾಮಾನ್ಯವಾಗಿ ಸ್ಟಾರ್ ನಟರ ಮಕ್ಕಳು ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುವುದು ಈ ಹಿಂದಿನಿಂದಲೂ ನಡೆದು ಬಂದಿದೆ. ಭಾರತೀಯ ಚಿತ್ರರಂಗದಲ್ಲಿ ಈ ಸಂಸ್ಕೃತಿ ಬಹಳ ಕಾಲದಿಂದಲೂ ಇದೆ. ಸದ್ಯ ಅಮಿರ್ ಖಾನ್ ಪುತ್ರ ಜುನೈದ್ ಖಾನ್ ಬಾಲಿವುಡ್ ಚಿತ್ರಾಂಗಣಕ್ಕೆ ಎಂಟ್ರಿ ಕೊಟ್ಟಿದ್ದಾರೆ.
ಇದನ್ನೂ ಓದಿ : 'ನಯನ'ದಲ್ಲೇ ಗಾರುಡಿ ಮಾಡ್ತಾಳೆ ಈ 'ಸೂಪರ್' ಲೇಡಿ
ಅಮೀರ್ ಪುತ್ರ ಜುನೈದ್ 'ಮಹಾರಾಜ' ಎಂಬ ಚಿತ್ರಕ್ಕೆ ಬಣ್ಣ ಹಚ್ಚಲು ಸಂಪೂರ್ಣವಾಗಿ ಸಿದ್ಧರಾಗಿದ್ದಾರೆ. ಈ ಚಿತ್ರವು ಯಶ್ ರಾಜ್ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣ ಆಗುತ್ತಿದ್ದು, ಹಿಚ್ಕಿ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದ ಸಿದ್ಧಾರ್ಥ್ ಮಲ್ಲೋತ್ರಾ ಈ ಸಿನಿಮಾಕ್ಕೆ ನಿರ್ದೇಶನ ಮಾಡುತ್ತಿದ್ದಾರೆ.
ಈ ಸಿನಿಮಾವು ಮುಂದಿನ ವರ್ಷ ಅಂದ್ರೆ 2021ಕ್ಕೆ ಸೆಟ್ಟೇರಲಿದ್ದು, ಜುನೈದ್ಗೆ ನಾಯಕಿಯಾಗಿ ಶಾರ್ವರಿ ವಾಗ್ ನಟಿಸಲಿದ್ದಾರೆ. ಈ ಹಿಂದೆ ಒಂದು ಸುದ್ದಿ ಹರಿದಾಡಿದ್ದು, ಅರ್ಜುನ್ ರೆಡ್ಡಿ ಖ್ಯಾತಿಯ ನಟಿ ಶಾಲಿನಿ ಪಾಂಡೆ ನಟಿಸುತ್ತಾರೆ ಎಂಬ ಮಾತು ಕೇಳಿ ಬಂದಿತ್ತು.
