ರಿಯಲ್ ಸ್ಟಾರ್ ಉಪೇಂದ್ರ, ಗುಳಿಕೆನ್ನೆ ಬೆಡಗಿ ರಚಿತಾ ರಾಮ್, ಸೋನು ಗೌಡ ಅಭಿನಯದ ‘ಐ ಲವ್ ಯು’ ಸಿನಿಮಾ ಬಿಡುಗಡೆಯಾದಗಿನಿಂದ ಇಲ್ಲಿಯವರೆಗೂ ಯಶಸ್ವಿ ಪ್ರದರ್ಶನದ ಜೊತೆಗೆ ಬಾಕ್ಸ್ ಆಫೀಸ್ ಲೂಟಿ ಮಾಡುತ್ತಿದ್ದು, ಚಿತ್ರತಂಡ ಸಕ್ಸಸ್ ಖುಷಿಯನ್ನ ಹಂಚಿಕೊಂಡಿದೆ.
ನಿರ್ದೇಶಕ ಆರ್.ಚಂದ್ರು ನಿರ್ದೇಶಿಸಿರುವ ‘ಐ ಲವ್ ಯು’ ಚಿತ್ರ ಸುಮಾರು 325 ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಿ ಎಲ್ಲಾ ಕೇಂದ್ರಗಳಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಬಿಡುಗಡೆಯಾದ ಎರಡನೇ ವಾರಕ್ಕೆ ಸಿನಿಮಾ 20 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆ ಎಂದು ಚಿತ್ರ ತಂಡ ತಿಳಿಸಿತ್ತು. ಇದೀಗ ಗಲ್ಲಾ ಪಟ್ಟಿಗೆಯನ್ನು ಕೊಳ್ಳೆ ಹೊಡೆಯುತ್ತ ಸಿನಿಮಾ ಸಾಗುತ್ತಿದ್ದು, ಚಿತ್ರತಂಡ ಪತ್ರಿಕಾಗೋಷ್ಠಿ ಮಾಡುವ ಮೂಲಕ ತಮ್ಮ ಖುಷಿಯನ್ನು ಹಂಚಿಕೊಂಡಿತು.
ಈ ಸಿನಿಮಾದಲ್ಲಿ ರೀಯಲ್ ಸ್ಟಾರ್ ಉಪೇಂದ್ರ ತಮ್ಮ ಹಳೆ ಮ್ಯಾನರಿಸಂನಲ್ಲಿ ಕಾಣಿಸಿಕೊಂಡಿದ್ದು, ಉಪ್ಪಿ ಫ್ಯಾನ್ಸ್ಗೆ ಇಷ್ಟವಾಗಿದ್ದಾರೆ. ಐ ಲವ್ ಯೂ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಒಳ್ಳೆ ಕಲೆಕ್ಷನ್ ಆಗಿದ್ದು, ಎರಡು ವರ್ಷಗಳ ಬಳಿಕ ನನ್ನ ಆಕ್ಟಿಂಗ್ಗೆ ಅಭಿಮಾನಿಗಳು ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ. ಸಿನಿಮಾದ ಸಕ್ಸಸ್ಗೆ ಇಡೀ ಚಿತ್ರತಂಡದ ಸಹಕಾರ ಮುಖ್ಯವಾಗಿದೆ. ಪ್ರತಿಯೊಬ್ಬರು ಚಿತ್ರಕ್ಕಾಗಿ ದುಡಿದಿದ್ದಾರೆ. ಈ ಬಗ್ಗೆ ಮಾತನಾಡಿ ಸ್ವತಃ ಉಪೇಂದ್ರ ದಿಲ್ ಖುಷ್ ಆದ್ರು.
ರಿಯಲ್ ಸ್ಟಾರ್ ಉಪೇಂದ್ರ, ನಿರ್ದೇಶಕ ಆರ್ .ಚಂದ್ರು ವಿತರಕರಾದ ಧೀರಜ್ ಎಂಟರ್ ಪ್ರೈಸಸ್, ಸಂಗೀತ ನಿರ್ದೇಶಕ ಡಾ. ಕಿರಣ್ ಹಾಗೂ ಹಿನ್ನಲೆ ಸಂಗೀತಗಾರ ಗುರು ಕಿರಣ್ ಸೇರಿದಂತೆ ನಾಯಕಿಯರ ಅನುಪಸ್ಥಿತಿಯಲ್ಲಿ ಇಡಿ 'ಐ ಲವ್ ಯೂ' ಚಿತ್ರತಂಡ ಶ್ಯಾಂಪೆನ್ ಓಪನ್ ಮಾಡುವ ಮೂಲಕ ಸಕ್ಸಸ್ ಖುಷಿಯನ್ನ ಸೆಲೆಬ್ರೆಟ್ ಮಾಡಿತು.
