ಬೆಂಗಳೂರು: ಭಾರತವು 72ನೇ ಗಣರಾಜ್ಯೋತ್ಸವವನ್ನು ಆಚರಿಸಲು ಸಜ್ಜಾಗುತ್ತಿದ್ದು, ಭಾರತದ ಮೊದಲ ಮತ್ತು ಪ್ರಮುಖ ನೈಜ-ಜೀವನ ಮನರಂಜನೆ ಮತ್ತು ಕಲಿಕೆಯ ಅಪ್ಲಿಕೇಶನ್ ಆದ ಡಿಸ್ಕವರಿ ಪ್ಲಸ್ 2021ರ ಜನವರಿ 21 ರಂದು 'ಮಿಷನ್ ಫ್ರಂಟ್ಲೈನ್' ಎಂಬ ಬಹು ನಿರೀಕ್ಷಿತ ಶೋ ಆರಂಭಿಸಲು ಸಿದ್ಧವಾಗಿದೆ.
ಹಲವು ಪ್ರಶಸ್ತಿಗಳಿಗೆ ಭಾಜನರಾದ ನಟ ಮತ್ತು ನಿರ್ಮಾಪಕ ರಾಣಾ ದಗ್ಗುಬಾಟಿ ಮುಖ್ಯವಾಗಿ ಕಾಣಿಸಿಕೊಳ್ಳುತ್ತಿರುವ 'ಮಿಷನ್ ಫ್ರಂಟ್ಲೈನ್' ಶೋ ದೇಶವನ್ನು ಸುರಕ್ಷಿತವಾಗಿಡಲು ಗಡಿಯಲ್ಲಿ ಹೋರಾಡುವ ಗಡಿ ಭದ್ರತಾ ಪಡೆ, ನಮ್ಮ ಕದನ ವೀರರ ಜೀವನ ಸಾಧನೆಯನ್ನು ತೋರಿಸಲಿದೆ.
ಈ ವಿಶೇಷ ಸಂಚಿಕೆಯಲ್ಲಿ, ರಾಣಾ ದಗ್ಗುಬಾಟಿ ಅವರು ಬಿಎಸ್ಎಫ್ ಜವಾನರ ಕಷ್ಟದ ಜೀವನಕ್ಕೆ ನೇರ ಸಾಕ್ಷಿಯಾಗಲಿದ್ದಾರೆ. ಈ ಷೋಗಾಗಿ ನಟ ದಗ್ಗುಬಾಟಿ ಜೈಸಲ್ಮೇರ್‌ನ ಮುರಾರ್ ಪೋಸ್ಟ್ನಲ್ಲಿ ಗಡಿ ಯೋಧರೊಂದಿಗೆ ತಂಗಿದ್ದಾರೆ. ಅಲ್ಲದೇ ಗಡಿಭಾಗದಲ್ಲಿ ಸೈನಿಕರು ಎದುರಿಸುವ ಕಷ್ಟಗಳನ್ನು ಅವರೊಂದಿಗೆ ಇದ್ದು ಅನುಭವ ಪಡೆದುಕೊಂಡಿದ್ದಾರೆ.
"ಜೈಸಲ್ಮೇರ್‌ನ ನನ್ನ ಅನುಭವಗಳ ಪ್ರಕಾರ, 'ಮಿಷನ್ ಫ್ರಂಟ್ಲೈನ್' ಆ ಯೋಧರ ಛಲ ಮತ್ತು ಚೈತನ್ಯಕ್ಕೆ ಗೌರವ ನೀಡುವ ಕಾರ್ಯಕ್ರಮವಾಗಿದ್ದು, ಬಹುತೇಕ ಸಂದರ್ಭದಲ್ಲಿ ಈ ಯೋಧರ ಸೇವೆಯನ್ನು ಹಗುರವಾಗಿ ತೆಗೆದುಕೊಳ್ಳುತ್ತೇವೆ. ಆದರೆ ಈ ಶೋ ಮೂಲಕ ಸ್ಫೂರ್ತಿಯನ್ನು ಪಡೆಯುವುದು ಮತ್ತು ರಕ್ಷಣಾ ಪಡೆಗಳಿಗೆ ಕೃತಜ್ಞತೆಯನ್ನು ಸಲ್ಲಿಸುವುದು ಇದರ ಉದ್ದೇಶವಾಗಿದೆ'' ಎಂದು ಜೈಸಲ್ಮೇರ್ ಅನುಭವದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.
ಡಿಸ್ಕವರಿ ಪ್ಲಸ್ ಕುರಿತು: ‘ಡಿಸ್ಕವರಿ +’ ಎನ್ನುವುದು ಅತ್ಯಾಕರ್ಷಕ ಹೊಸ ಡಿ 2 ಸಿ ಸ್ಟ್ರೀಮಿಂಗ್ ಅಪ್ಲಿಕೇಶನ್. ಇದು ಪ್ರೀಮಿಯಂ ನೈಜ-ಜೀವನ ಮನರಂಜನೆಯನ್ನು ನೀಡುವ ವಿಭಿನ್ನ ಅಪ್ಲಿಕೇಶನ್ ಆಗಿದೆ. ವಾರ್ಷಿಕವಾಗಿ 299 ರೂಪಾಯಿಗಳ ಪರಿಚಯಾತ್ಮಕ ಕೊಡುಗೆಯೊಂದಿಗೆ ಸ್ಪರ್ಧಾತ್ಮಕವಾಗಿ ಬೆಲೆಯಿರಿಸಲಾಗಿರುವ ಈ ಅಪ್ಲಿಕೇಶನ್ ಅನ್ನು ವಿಶೇಷವಾಗಿ ಭಾರತಕ್ಕಾಗಿ ಅಭಿವೃದ್ಧಿಪಡಿಸಲಾಗಿದೆ ಮತ್ತು ನಿರ್ದಿಷ್ಟವಾದ ಭಂಡಾರವನ್ನು ಸಂಗ್ರಹಿಸಲಾಗಿದೆ.
ಡಿಸ್ಕವರಿ ಪ್ಲಸ್ ಹಿಂದಿ, ಇಂಗ್ಲಿಷ್, ತಮಿಳು, ತೆಲುಗು, ಮಲಯಾಳಂ, ಕನ್ನಡ, ಬಂಗಾಳಿ ಮತ್ತು ಮರಾಠಿ ಸೇರಿದಂತೆ 8 ಭಾಷೆಗಳಲ್ಲಿ ವಿಜ್ಞಾನ, ಸಾಹಸ, ಆಹಾರ ಮತ್ತು ಜೀವನಶೈಲಿ ಸೇರಿದಂತೆ 40ಕ್ಕೂ ಅಧಿಕ ಪ್ರಕಾರಗಳಲ್ಲಿ ಸಾವಿರಾರು ಗಂಟೆಗಳ ವಿಶೇಷ ವಿಷಯವನ್ನು ಪ್ರೇಕ್ಷಕರಿಗೆ ನೀಡುತ್ತಿದೆ.
