ಪೈಲ್ವಾನ್ ಎಂಬ ಟೈಟಲ್ನಿಂದ್ಲೇ ಇಷ್ಟು ದಿನ ಒಂದು ರೀತಿ ಸೆನ್ಸೇಷನ್ ಹುಟ್ಟುಹಾಕಿದ್ದ ಸಿನಿಮಾ. ಟ್ರೈಲರ್, ಸಾಂಗ್ಸ್ಗಳ ಮೂಲಕ ಸಿನಿಮಾ ಮೇಲಿನ ನಿರೀಕ್ಷೆಯನ್ನ ಡಬ್ಬಲ್ ಮಾಡ್ಬಿಟ್ಟಿದೆ. ಸಿನಿಮಾ ರಿಲೀಸ್ಗೆ ಇನ್ನೊಂದು ವಾರವಷ್ಟೆ ಬಾಕಿಯಿದ್ದು, ಕಿಚ್ಚಾಭಿಮಾನಿಗಳಿಗಿದೋ ಮತ್ತೊಂದು ಸರ್ಪೈಸ್ ಕೊಟ್ಟಿದೆ ಪೈಲ್ವಾನ್ ಟೀಂ..
ಪೈಲ್ವಾನ್.. ಪೋಸ್ಟರ್ ಹಾಗೂ ಟೀಸರ್ಗಳಿಂದ್ಲೇ, ಭಾರೀ ನಿರೀಕ್ಷೆ ಹುಟ್ಟುಹಾಕಿರೋ ಸಿನಿಮಾ. ಹೇಳಿ ಕೇಳಿ ಇದು ಕಿಚ್ಚ ಸುದೀಪ್ ನಟನೆಯ ಚಿತ್ರ.. ಅಂದ್ಮೇಲೆ ನಿರೀಕ್ಷೆ ಕುತೂಹಲ ಸಹಜ. ಕುಸ್ತಿ ಅಖಾಡದಲ್ಲಿ ಕಿಚ್ಚ ಮೀಸೆ ಮೇಲೆ ಕೈ ಇಟ್ಟು, ತೊಡೆ ತಟ್ತಿರೋದೇ ಮೈನ್ ಅಟ್ರ್ಯಾಕ್ಷನ್. ಸಂಕ್ರಾಂತಿ ಸ್ಪೆಷಲ್ ಆಗಿ, ಕುಸ್ತಿ ಅಖಾಡದ ಟೀಸರ್ ರಿವೀಲ್ ಮಾಡಿತ್ತು ಚಿತ್ರ ತಂಡ. ಅದು ಯುಟ್ಯೂಬ್ನಲ್ಲಿ ಭಾರೀ ಟ್ರೆಂಡ್ ಕ್ರಿಯೇಟ್ ಮಾಡಿತ್ತು.
ಅದ್ದೂರಿ ಸೆಟ್ನಲ್ಲಿ ಪೈಲ್ವಾನ್ ಹಾಡಿನ ಶೂಟ್ ಮಾಡಲಾಗಿದ್ದು. ಸುದೀಪ್ ಜೊತೆ ಸುಮಾರು 250 ಸಹ ಕಲಾವಿದರು, ಈ ಹಾಡಿನಲ್ಲಿ ಹೆಜ್ಜೆ ಹಾಕಿದ್ದಾರೆ. ಅದ್ರಂತೆ ಬಹುಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿರೋ ಈ ಸಿನಿಮಾ, ಬಹುಭಾಷೆಗಳಲ್ಲಿ ತೆರೆಕಾಣ್ತಿರೋದು ಮತ್ತೊಂದು ಸ್ಪೆಷಲ್. ಇನ್ನು ಪೈಲ್ವಾನ್ ಸೆಟ್ಟಿಗೆ ವಿಸಿಟ್ ಮಾಡಿರೋ ಸೆಂಚುರಿ ಸ್ಟಾರ್ ಶಿವರಾಜ್ಕುಮಾರ್ ಸೇರಿದಂತೆ ಹಲವು ನಟರು ಕಿಟ್ಟಪ್ಪನ ಟೀಂಗೆ ಶುಭಹಾರೈಸಿ ಹೋಗಿದ್ದಾರೆ. ಜೊತೆಗೆ ಸುದೀಪ್ ತಂದೆ-ತಾಯಿ ಸಹ ಪೈಲ್ವಾನ್ ಅಖಾಡಕ್ಕೆ ಹೋಗಿ ಚಿತ್ರತಂಡದ ಜೊತೆ ಕಾಲ ಕಳೆದಿದ್ದಾರೆ.
ಸದ್ಯಕ್ಕಂತೂ ಈ ಪೈಲ್ವಾನ್ ಸಿನಿಮಾ ಮೇಕಿಂಗ್ ಝಲಕ್ ಚಿತ್ರದ ಮೇಲಿನ ನಿರೀಕ್ಷೆಯನ್ನ ಮತ್ತಷ್ಟು ಹೆಚ್ಚಾಗುವಂತೆ ಮಾಡಿದೆ. ಕಿಚ್ಚ ಎಂಜಾಯ್ ಮಾಡ್ತಾ, ಶೂಟಿಂಗ್ನಲ್ಲಿ ಭಾಗಿಯಾಗಿದ್ದಾರೆ. ಕಿಚ್ಚ ಒಮ್ಮೆ ಕುಸ್ತಿ ಪಟುವಾಗಿ ಕಾಣಿಸಿಕೊಂಡ್ರೆ, ಮತ್ತೊಂದೆಡೆ ಕಿಕ್ ಬಾಕ್ಸರ್ ಆಗಿಯೂ ಕಿಕ್ ಕೊಟ್ಟಿದ್ದಾರೆ. ಹೀಗಾಗಿ ಅದ್ರ ಮೇಕಿಂಗ್ ಸಿನಿಪ್ರಿಯರ ಕುತೂಹಲ ಹೆಚ್ಚಿಸಿದೆ.
ಒಟ್ನಲ್ಲಿ ಕೇವಲ ಒಂದೇ ಒಂದು ಟೀಸರ್, ಟ್ರೈಲರ್ ನಿಂದಲೇ ನ್ಯಾಷನಲ್ ಲೆವೆಲ್ನಲ್ಲಿ ಸೌಂಡ್ ಮಾಡಿರೋ ಪೈಲ್ವಾನ್, ಮೇಕಿಂಗ್ ನಿಂದಾಗಿ ಕ್ಯೂರಿಯಾಸಿಟಿ ಮತ್ತಷ್ಟು ಹೆಚ್ಚಿಸಿದ್ದಾನೆ. ಸೆಪ್ಟೆಂಬರ್12ರಂದು ಅಖಾಡಕ್ಕಿಳಿಯಲು ಸಜ್ಜಾಗಿರೋ ಪೈಲ್ವಾನ್ ನನ್ನು ಫ್ಯಾನ್ಸ್ ಹೇಗೆ ವೆಲ್ಕಮ್ ಮಾಡ್ತಾರೆ.? ಸಿನಿಮಾ ಎಷ್ಟರ ಮಟ್ಟಿಗೆ ಸಿನಿರಸಿಕರ ಮನಗೆಲ್ಲುತ್ತೆ ಅನ್ನೋದನ್ನ ಕಾದು ನೋಡಬೇಕಿದೆ.
