ಕಿರಿಕ್ ಪಾರ್ಟಿ, ಬೆಲ್ ಬಾಟಮ್, ಹೀರೋ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗದಲ್ಲಿ ತನ್ನದೇ ಛಾಪು ಮೂಡಿಸಿರುವ ರಿಷಬ್ ಶೆಟ್ಟಿ, ಸದ್ಯ ಬೆಲ್ ಬಾಟಮ್-2 ಹಾಗು ಹರಿಕಥೆ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.
ಸಿನಿಮಾ ಚಿತ್ರೀಕರಣದ ಬಿಡುವಿನ ವೇಳೆ ರಿಷಬ್ ಶೆಟ್ಟಿ ತಮ್ಮ ಮುದ್ದು ಮಗ ರಣ್ವಿತ್ ಜೊತೆ ಹೆಚ್ಚು ಕಾಲ ಕಳೆಯುತ್ತಾರೆ. ಮಗನ ಹೆಸರನ್ನು ಸಿನಿಮಾ ಟೀಸರ್ ಹಾಗೆಯೇ ರಿವೀಲ್ ಮಾಡಿದ್ದ ರಿಷಬ್ ಶೆಟ್ಟಿ, ಇದೀಗ ರಣ್ವಿತ್ ಎರಡನೇ ವರ್ಷದ ಹುಟ್ಟುಹಬ್ಬವನ್ನು ಸದಾ ನೆನಪಿನಲ್ಲಿ ಉಳಿಯವ ಹಾಗೆ ಮಾಡಿದ್ದಾರೆ.
ಎರಡು ವರ್ಷದ ರಣ್ವಿತ್ಗೆ ಶೂಟ್, ಟೈ, ಶೂ ಹಾಕಿಸಿ ಲ್ಯಾಂಬೋರ್ಗಿನಿ ಕಾರಿನಲ್ಲಿ ಎಂಟ್ರಿ ಕೊಡುವ ವಿಡಿಯೋಂದನ್ನು ಮಾಡಿದ್ದಾರೆ. ಪುಟಾಣಿ ರಣ್ವಿತ್ ಲ್ಯಾಂಬೋರ್ಗಿನಿ ಕಾರಿನಲ್ಲಿ ಹೀರೋ ತರ ಪೋಸ್ ಕೊಟ್ಟಿದ್ದಾನೆ.
ಈ ವಿಡಿಯೋವನ್ನ ರಿಷಬ್ ಶೆಟ್ಟಿ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಮಕ್ಕಳು ಗೊಂಬೆಗೆ ಬಟ್ಟೆ ತೊಡಿಸಿ ಆಟ ಆಡಿದ್ರೆ, ಗೊಂಬೆಯಂತೆ ಮುದ್ದಾದ ಮಗುವಿಗೆ ಚೆಂದದ ಬಟ್ಟೆ ತೊಡಿಸಿ ಆನಂದಿಸೋದು ದೊಡ್ಡವರ ಮಕ್ಕಳಾಟ. ಇವತ್ತು ನಮ್ಮ ಬಂಗಾರಿಗೆ ಎರಡು ವರ್ಷ ತುಂಬಿದೆ. ಈ ಸಂಭ್ರಮದಲ್ಲಿ ನಾನು-ಪ್ರಗತಿ ಆಡಿದ ಮಕ್ಕಳಾಟವನ್ನ ಹಂಚಿಕೊಂಡಿದ್ದೇನೆ. ನಮ್ಮನೆಯ ಹೀರೋಗೆ ನಿಮ್ಮ ಹಾರೈಕೆ ಇರಲಿ ಅಂತ ರಿಷಬ್ ಶೆಟ್ಟಿ ಬರೆದುಕೊಂಡಿದ್ದಾರೆ.
ಓದಿ: ವಿಭಿನ್ನ ಪ್ರಚಾರದ ಮೂಲಕ ಗಮನ ಸೆಳೆಯುತ್ತಿದೆ ಶೃತಿ ಪ್ರಕಾಶ್ ನಟನೆಯ ಚಿತ್ರ
