ಸಲ್ಮಾನ್ ಖಾನ್ ಏನ್ ಮಾಡಿದ್ರು ಅದನ್ನು ವಿಶೇಷ ರೀತಿಯಲ್ಲಿ ಮಾಡುತ್ತಾರೆ. ಇದಕ್ಕೆ ಸಾಕ್ಷಿಯಾಗಿದೆ ದಬಂಗ್-3 ಬೆಳವಣಿಗೆ.
ಸಲ್ಮಾನ್ ಖಾನ್ರನ್ನ ಬಾಲಿವುಡ್ನಲ್ಲಿ ಸಲ್ಲು ಭಾಯ್ ಅಂತಾರೆ, ಭಾಯ್ಜಾನ್ ಅಂತಾರೆ. ಇವರು ದಬಂಗ್-3 ಸಿನಿಮಾದಲ್ಲಿ ನಟಿಸುತ್ತಿದ್ದು, ಇದೇ ಡಿಸೆಂಬರ್ನಲ್ಲಿ ಸಿನಿಮಾ ತೆರೆ ಕಾಣುತ್ತಿದೆ. ಸಿನಿಮಾ ತಂಡದಿಂದ ತಾಜಾ ಸುದ್ದಿಯೊಂದು ಹೊರ ಬಿದ್ದಿದೆ.
ಹೌದು, ಸಾಮಾನ್ಯವಾಗಿ ಒಂದು ಸಿನಿಮಾ ತೆರೆ ಕಾಣಬೇಕಾದರೆ ಮೊದಲು ಸಿನಿಮಾ ಪೋಸ್ಟರ್, ಟ್ರೈಲರ್ ಆನಂತರ ಸಿನಿಮಾದ ಹಾಡುಗಳನ್ನು ಬಿಡುಗಡೆ ಮಾಡುವುದು ರೂಢಿ. ಆದ್ರೆ ದಬಂಗ್-3ಯಲ್ಲಿ ಟ್ರೈಲರ್ಗೂ ಮೊದಲು ಹಾಡುಗಳನ್ನು ರಿಲೀಸ್ ಮಾಡಲಾಗುತ್ತದೆಯಂತೆ. ಈ ರೀತಿ ಮಾಡೋದ್ರಿಂದ ಅಭಿಮಾನಿಗಳಿಗೆ ಮೆಗಾ ಬುಜ್ ನೀಡಿದಂತಾಗುತ್ತದೆ ಎಂಬುದು ಸಲ್ಲು ಅಭಿಪ್ರಾಯ.
ದಬಂಗ್-3 ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಜೊತೆ ಸೋನಾಕ್ಷಿ ಸಿನ್ಹಾ, ಅರ್ಬಜ್ ಖಾನ್, ಕಿಚ್ಚ ಸುದೀಪ್ ಮತ್ತು ಸಾಯ್ ಸೇರಿದಂತೆ ಪ್ರಮುಖ ನಟರು ಅಭಿನಯಿಸುತ್ತಿದ್ದಾರೆ. ಈ ಸಿನಿಮಾ ಇದೇ ಡಿಸೆಂಬರ್ 20ರಂದು ತೆರೆ ಕಾಣಲಿದ್ದು, ಸಿನಿಮಾದಲ್ಲಿ ಚುಲ್ಬುಲ್ ಪಾಂಡೆಯ ಕಥೆಯನ್ನು ಹೇಳಲಾಗಿದೆಯಂತೆ.
