ಬೆಂಗಳೂರನ್ನು ಬೆಚ್ಚಿಬೀಳಿಸಿದ್ದ ಸೈನೈಡ್ ಮಲ್ಲಿಕಾಳ ಜೀವನ ಚರಿತ್ರೆ ಸ್ಯಾಂಡಲ್ವುಡ್ನಲ್ಲಿ ಸಿನಿಮಾವಾಗಿ ತಯಾರಾಗುತ್ತಿರುವುದು ತಿಳಿದಿರುವ ವಿಷಯ. ಪೋಸ್ಟರ್ನಿಂದಲೇ ಸದ್ದು ಮಾಡಿದ್ದ ಸೈನೈಡ್ ಮಲ್ಲಿಕಾಳ ಟೀಸರ್ ಬಿಡುಗಡೆ ಆಗಿದೆ.
- " class="align-text-top noRightClick twitterSection" data="">
'ವರ್ತಮಾನ' ಹಾಗೂ 'ಕಲಬೆರಕೆ' ಚಿತ್ರದ ಮೂಲಕ ಗಮನ ಸೆಳೆದ ಸಂಜನಾ ಪ್ರಕಾಶ್‌, ಈ ಚಿತ್ರದಲ್ಲಿ ಸೈನೈಡ್ ಮಲ್ಲಿಕಾ ಆಗಿ ಕಾಣಿಸಿಕೊಂಡಿದ್ದಾರೆ. ಸದ್ಯ ರಿವೀಲ್ ಆಗಿರುವ ಟೀಸರ್ ಕೊಲೆಯ ದೃಶ್ಯಗಳು, ಸೆನ್ಸಾರ್ ಕಟ್ ಇಲ್ಲದೆ ಇರುವ ಡೈಲಾಗ್ನಿಂದ ಕೂಡಿದೆ. ಸೈನೈಡ್ ಮಲ್ಲಿಕಾಳ ಜೀವನ ಚರಿತ್ರೆಯ ಕಥೆಯನ್ನು ಇಟ್ಟುಕೊಂಡು ನಿರ್ದೇಶಕ ಗುರು ಎಂಬುವರು ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ಬೆಂಗಳೂರಿನ ದೇವಸ್ಥಾನಗಳಿಗೆ ಬರುತ್ತಿದ್ದ ಶ್ರೀಮಂತ ಕುಟುಂಬದ ಮಹಿಳೆಯರ ಮೇಲೆ ಕಣ್ಣು ಹಾಕಿ ಅವರನ್ನು ಪರಿಚಯ ಮಾಡಿಕೊಂಡು, ಆಪ್ತಳಾಗುತ್ತಿದ್ದ ಮಲ್ಲಿಕಾ, ನಂತರ ಅವರಿಗೆ ಸೈನೈಡ್ ನೀಡಿ ಕೊಲೆ ಮಾಡಿ ಚಿನ್ನಾಭರಣ ದೋಚಿ ಪರಾರಿಯಾಗುತ್ತಿದ್ದಳು.
2008ರಲ್ಲಿ ಈ ಸೈನೈಡ್ ಮಲ್ಲಿಕಾಳನ್ನು ಬಂಧಿಸಲಾಗಿತ್ತು. ಈಗ ಇದೇ ಘಟನೆ ಹಾಗೂ ಇವಳ ಜೀವನ ಚರಿತ್ರೆಯನ್ನು ಸಿನಿಮಾದಲ್ಲಿ ತೋರಿಸಲಾಗಿದೆ. ಈ ಸಿನಿಮಾದಲ್ಲಿ ಒಂದೇ ಒಂದು ಹಾಡು ಇದ್ದು, ಮೇಕೆದಾಟು, ಮೇಲುಕೋಟೆ, ಬೆಂಗಳೂರಿನ ಸುತ್ತಮುತ್ತಲಿನ ಪ್ರದೇಶದಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಚಿತ್ರದ ನಿರ್ದೇಶಕ ಗುರು ಕೂಡಾ ಸಿನಿಮಾದಲ್ಲಿ ಸೈನೈಡ್ ಮೋಹನ್‌ ಎಂಬ ಪಾತ್ರವನ್ನು ನಿರ್ವಹಿಸಿದ್ದಾರಂತೆ. ಸದ್ಯ ಗಾಂಧಿನಗರದಲ್ಲಿ ಸೈನೈಡ್ ಮಲ್ಲಿಕಾ ಟೀಸರ್ ಸದ್ದು ಮಾಡುತ್ತಿದೆ.
