ಡ್ರಗ್ಸ್​​​ ನಂಟು​​ ಆರೋಪ: ಬಾಲಿವುಡ್​​ ಹಾಸ್ಯ ನಟಿ ಭಾರತಿ ಸಿಂಗ್ ಅರೆಸ್ಟ್​​

ಎನ್​ಸಿಬಿ ಅಧಿಕಾರಿಗಳು ಬಾಲಿವುಡ್​​ ಹಾಸ್ಯ ನಟಿ ಭಾರತಿ ಸಿಂಗ್​​​ರನ್ನು ಅರೆಸ್ಟ್​​ ಮಾಡಿದ್ದಾರೆ.

ಬಾಲಿವುಡ್​ನಲ್ಲಿ ಡ್ರಗ್ಸ್ ಸೇವನೆ ಮತ್ತು ನಂಟು ಆರೋಪದಡಿ ಎನ್​ಸಿಬಿ ಅಧಿಕಾರಿಗಳು ಬಾಲಿವುಡ್​​ ಹಾಸ್ಯ ನಟಿ ಭಾರತಿ ಸಿಂಗ್​​​ರನ್ನು ಅರೆಸ್ಟ್​​ ಮಾಡಿದ್ದಾರೆ.

ಡ್ರಗ್ಸ್ ಪ್ರಕರಣ ಸಂಬಂಧ ಹಲವು ಬಾರಿ ದಾಳಿ ನಡೆಸಿರುವ ಎನ್​ಸಿಬಿ, ಹಲವು ನಟ - ನಟಿಯರ ಮನೆಯಲ್ಲಿ ಶೋಧ ಕಾರ್ಯ ನಡೆಸಿದೆ ಎನ್ನಲಾಗಿದೆ. ಅಲ್ಲದೆ ನಟಿ ಭಾರತಿ ಸಿಂಗ್​​​ ಹಾಗೂ ಆಕೆಯ ಪತಿ ಬ್ಯಾನ್ ಆಗಿರುವ ಔಷಧ ಬಳಕೆ ಮಾಡಿರುವ ಕುರಿತು ಮಾಹಿತಿ ದೊರಕಿದೆ ಎಂದು ಮೂಲಗಳು ತಿಳಿಸಿವೆ.

ಇದಕ್ಕೂ ಮೊದಲು ನಟ ಅರ್ಜುನ್ ರಾಮ್​​​ಪಾಲ್ ಮನೆಯಲ್ಲೂ ಶೋಧ ನಡೆಸಿದ್ದ ಎನ್​ಸಿಬಿ, ಬಳಿಕ ವಿಚಾರಣೆಗೆ ಹಾಜರಾಗುವಂತೆ ಸಮನ್ಸ್ ನೀಡಿತ್ತು. ಬಳಿಕ ವಿಚಾರಣೆಗೆ ಹಾಜರಾಗಿದ್ದ ಅರ್ಜುನ್​ಗೆ ಸತತ 6 ಗಂಟೆಗಳ ಕಾಲ ವಿಚಾರಣೆ ನಡೆಸಲಾಗಿತ್ತು.

ಚಲನಚಿತ್ರ ನಿರ್ಮಾಪಕ ಫಿರೋಜ್ ನಾಡಿಯಾವಾಲಾರನ್ನೂ ವಿಚಾರಣೆಗೆ ಕರೆಸಲಾಗಿತ್ತು. ಅವರ ಪತ್ನಿ ಶಬಾನಾ ಸಯೀದ್ ವಾಸವಿದ್ದ ಮುಂಬೈ ನಿವಾಸದಲ್ಲಿ 10 ಗ್ರಾಂನಷ್ಟು ಗಾಂಜಾ ದೊರೆತಿದ್ದ ಬಳಿಕ ಅವರನ್ನು ಬಂಧಿಸಲಾಗಿತ್ತು. ಬಳಿಕ ಅವರಿಗೆ ಜಾಮೀನು ನೀಡಲಾಗಿತ್ತು.