ವರನಟ ಡಾ. ರಾಜ್ಕುಮಾರ್ ಹಾಗೂ ಶಿವರಾಜ್ಕುಮಾರ್ ಭಾವಚಿತ್ರ ಹೊಂದಿರುವ ಶರ್ಟ್ಗಳು, ಮಾರ್ಕೆಟ್ನಲ್ಲಿ ಹವಾ ಸೃಷ್ಟಿಸಿವೆ. ಅಣ್ಣಾವ್ರ ಮೊಮ್ಮಗ ಧೀರೆನ್ ರಾಮ್ಕುಮಾರ್ ತಮ್ಮ ತಾತ ಹಾಗೂ ಸೋದರ ಮಾವನ ಫೋಟೋಗಳಿರುವ ಶರ್ಟ್ ಧರಿಸಿ ಫೋಸ್‌ ಕೊಟ್ಟು ಆ ಫೋಟೋಗಳನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ದರು.
ಇದೀಗ ಸ್ಯಾಂಡಲ್ವುಡ್ನ ಮತ್ತೊಬ್ಬ ಸ್ಟಾರ್ ನಟನ ಶರ್ಟ್ ಮಾರ್ಕೆಟ್ಗೆ ಲಗ್ಗೆ ಇಟ್ಟಿವೆ. ಕೋಟ್ಯಂತರ ಅಭಿಮಾನಿ ಬಳಗ ಹೊಂದಿರುವ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪೋಟೋ ಇರುವ ಶರ್ಟ್ ಮಾರುಕಟ್ಟೆಗೆ ಬಂದಿದೆ. ಈ ಶರ್ಟ್ ಮೇಲೆ ದರ್ಶನ್ ನಟಿಸಿರುವ ಅವರ ವಿವಿಧ ಸಿನಿಮಾಗಳ ಫೋಟೋಗಳಿವೆ. ಚಕ್ರವರ್ತಿ, ಬೃಂದಾವನ ಸಿನಿಮಾಗಳ ಕ್ಲಾಸ್ ಹಾಗೂ ಮಾಸ್ ಲುಕ್ ಇರುವ ಶರ್ಟ್ಗಳು ಮಾರುಕಟ್ಟೆಗೆ ಬಂದಿವೆ. ಯಜಮಾನನ ಅಭಿಮಾನಿಗಳು ಈ ಶರ್ಟ್ಗಳನ್ನು ಕೊಳ್ಳುತ್ತಿದ್ದಾರೆ. ಆನ್ಲೈನ್ನಲ್ಲಿ ಕೂಡಾ ಅಭಿಮಾನಿಗಳು ಶರ್ಟ್ ಆರ್ಡರ್ ಮಾಡಿ ಕೊಂಡುಕೊಳ್ಳುತ್ತಿದ್ದಾರೆ. ಇದಕ್ಕೂ ಮುನ್ನ ಡಿಬಾಸ್,ದರ್ಶನ್ ಎಂದು ಇಂಗ್ಲೀಷ್ನಲ್ಲಿ ಬರೆದಿರುವ ಟಿ-ಶರ್ಟ್ಗಳು ಕೂಡಾ ಸಖತ್ ಕ್ರೇಜ್ ಹುಟ್ಟಿಸಿದ್ದವು. ಅಷ್ಟೇ ಅಲ್ಲ, ಸಾಕಷ್ಟು ಮಾರಾಟ ಕೂಡ ಆಗಿದ್ದವು. ಕೆಲವು ದಿನಗಳಲ್ಲಿ ದರ್ಶನ್ ಅಭಿನಯದ ಇತರ ಸಿನಿಮಾಗಳ ಫೋಟೋ ಇರುವ ಶರ್ಟ್ ಕೂಡಾ ಮಾರುಕಟ್ಟೆಗೆ ಬರಲಿದೆ ಎನ್ನಲಾಗಿದೆ.
