ನೀನಾಸಂ ಸತೀಶ್​​​ 'ಬ್ರಹ್ಮಚಾರಿ' ಟ್ರೈಲರ್ ಬಿಡುಗಡೆಗೆ ಮುಹೂರ್ತ ನಿಗದಿ... ನೀವೂ ಬನ್ನಿ

ನವೆಂಬರ್ 4ರಂದು ಸಂಜೆ 4ಕ್ಕೆ ಚಾಮರಾಜ ಪೇಟೆಯ ಕಲಾವಿದರ ಸಂಘದಲ್ಲಿ 'ಬ್ರಹ್ಮಚಾರಿ' ಚಿತ್ರದ ಟ್ರೈಲರ್ ಬಿಡುಗಡೆಯಾಗುತ್ತಿದ್ದು, ಈ ಕಾರ್ಯಕ್ರಮಕ್ಕೆ ನೀನಾಸಂ ಸತೀಶ್ ತಮ್ಮ ಅಭಿಮಾನಿಗಳನ್ನೂ ಕೂಡಾ ಆಹ್ವಾನಿಸಿದ್ದಾರೆ.

'ನಾನ್ 100 ಪರ್ಸೆಂಟ್ ವರ್ಜಿನ್' ಎಂಬ ಟ್ಯಾಗ್ ಲೈನ್ ಹೊಂದಿರುವ ಚಿತ್ರ 'ಬ್ರಹ್ಮಚಾರಿ'. 'ಅಯೋಗ್ಯ' ಸಿನಿಮಾದ ನಂತರ ನೀನಾಸಂ ಸತೀಶ್​​ ನಟಿಸಿರುವ ಈ ಸಿನಿಮಾ ಸದ್ದಿಲ್ಲದೆ ಚಿತ್ರೀಕರಣ ಮುಗಿಸಿ 'ಇಡ್ಕ ಇಡ್ಕ ವಸಿ ತಡ್ಕ ತಡ್ಕ' ಎನ್ನುವ ರೊಮ್ಯಾಂಟಿಕ್ ಹಾಡಿನ ಮೂಲಕ ಕುಂಬಳಕಾಯಿ ಒಡೆದಿತ್ತು.

• " class="align-text-top noRightClick twitterSection" data="">

ಇದೀಗ ಈ ಕಾಮಿಡಿ ಸಿನಿಮಾ 'ಬ್ರಹ್ಮಚಾರಿ' ಬಿಡುಗಡೆಗೆ ಸಜ್ಜಾಗಿದೆ. ಅದಕ್ಕೂ ಮುನ್ನ ನವೆಂಬರ್ 4ರಂದು ಚಿತ್ರದ ಟ್ರೈಲರ್ ಬಿಡುಗಡೆಯಾಗುತ್ತಿದೆ. ಟ್ರೈಲರ್ ಬಿಡುಗಡೆ ಬಗ್ಗೆ ನೀನಾಸಂ ಸತೀಶ್ ವಿಡಿಯೋ ಮಾಡಿ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಅಪ್​​ಲೋಡ್ ಮಾಡಿದ್ದಾರೆ. 'ಬ್ರಹ್ಮಚಾರಿ' ಚಿತ್ರದ ಟೀಸರ್, ಹಾಡುಗಳು ನಿಮಗೆಲ್ಲಾ ಇಷ್ಟವಾಗಿದೆ. ಇದೀಗ ನಮ್ಮ ಸಿನಿಮಾದ ಟ್ರೈಲರ್ ಬಿಡುಗಡೆ ಮಾಡುತ್ತಿದ್ದೇವೆ. ನವೆಂಬರ್ 4ರಂದು ಸಂಜೆ 4ಕ್ಕೆ ಚಾಮರಾಜಪೇಟೆಯ ಕಲಾವಿದರ ಸಂಘದಲ್ಲಿ ಟ್ರೈಲರ್ ಬಿಡುಗಡೆ ಮಾಡುತ್ತಿದ್ದು, ಈ ಕಾರ್ಯಕ್ರಮಕ್ಕೆ ನಿಮಗೆಲ್ಲಾ ಸ್ವಾಗತ ಎಂದು ಸತೀಶ್ ಅಭಿಮಾನಿಗಳನ್ನು ಸ್ವಾಗತಿಸಿದ್ದಾರೆ. ಟ್ರೈಲರನ್ನು ಖಂಡಿತ ನೀವೆಲ್ಲರೂ ಇಷ್ಟಪಡುತ್ತೀರ' ಎಂದು ಸತೀಶ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. 'ಬ್ರಹ್ಮಚಾರಿ' ಚಿತ್ರಕ್ಕೆ ಚಂದ್ರಮೋಹನ್ ಆ್ಯಕ್ಷನ್ ಕಟ್ ಹೇಳಿದ್ದು, ಉದಯ್ ಮೆಹ್ತಾ ನಿರ್ಮಾಣ ಮಾಡಿದ್ದಾರೆ.