ಕಾಳಿ ಅವತಾರದಲ್ಲಿ ರಾಧಿಕಾ ಕುಮಾರಸ್ವಾಮಿ...ರಾತ್ರಿ ವೇಳೆ ಸ್ಮಶಾನದಲ್ಲಿ ಡಾನ್ಸ್​

ಬಹುವೆಚ್ಚದ ಭೈರಾದೇವಿ ಚಿತ್ರದ ಸಾಂಗ್ ಶೂಟಿಂಗ್ ಶಾಂತಿನಗರದ ಸ್ಮಶಾನದಲ್ಲಿ ನಡೆಯುತ್ತಿದೆ. ನಟಿ ರಾಧಿಕಾ ಕುಮಾರ ಸ್ವಾಮಿ ಈ ಚಿತ್ರದ ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ.

ಸ್ಯಾಂಡಲ್​​ವುಡ್ ಸ್ವೀಟಿ ರಾಧಿಕಾ ಕುಮಾರಸ್ವಾಮಿ ನಟಿಸಿ, ನಿರ್ಮಿಸುತ್ತಿರುವ 'ಭೈರಾದೇವಿ' ಶೂಟಿಂಗ್​ ಕ್ಲೈಮಾಕ್ಸ್ ಹಂತಕ್ಕೆ ಬಂದಿದೆ.

ಚಿತ್ರದ ಲೀಡ್ ಸಾಂಗ್ ಚಿತ್ರೀಕರಣ ಬೆಂಗಳೂರಿನ ಶಾಂತಿನಗರ ಸ್ಮಶಾನದಲ್ಲಿ ಕಳೆದ ಮೂರು ದಿನಗಳಿಂದ ಭರ್ಜರಿಯಾಗಿ ನಡೆಯುತ್ತಿದೆ. ಈ ಹಾಡಿಗೆ ಸುಮಾರು 200ಕ್ಕೂ ಹೆಚ್ಚು ನೃತ್ಯ ಕಲಾವಿದರು, 800 ಕ್ಕೂ ಹೆಚ್ಚು ಕಲಾವಿದರು ಡಾನ್ಸ್​ ಮಾಡಿದ್ದಾರೆ. ಕೋರಿಯೋಗ್ರಾಫರ್ ಮೋಹನ್ ಅದ್ಧೂರಿಯಾಗಿ ಭೈರಾದೇವಿಯ ನೃತ್ಯ ಸೆರೆ ಹಿಡಿಯುತ್ತಿದ್ದಾರೆ.

ರಾಧಿಕಾ ಈ ಚಿತ್ರದಲ್ಲಿ ನವ ದುರ್ಗೆಯರ ಅವತಾರದಲ್ಲಿ ಕಾಣಿಸಿಕೊಂಡಿದ್ದು, ನಿನ್ನೆ ಶೂಟ್ ಮಾಡ್ತಿದ್ದ ಸಾಂಗ್​​ನಲ್ಕಿ ನೀಲಿ ಬಣ್ಣಧ ದುರ್ಗೆಯ ಅವತಾರದಲ್ಲಿ ಸಖತ್​ ಸ್ಟೆಪ್ ಹಾಕಿದ್ದಾರೆ. ಮೈ ತುಂಬಾ ನೀಲಿ ಬಣ್ಣ ಹಚ್ಚಿಕೊಂಡು, ನಿಂಬೆ ಹಣ್ಣಿನ ಹಾರ, ಕೈಯಲ್ಲಿ ತ್ರಿಶೂಲ ಹಿಡಿದು ಥೇಟ್ ಕಾಳಿಯ ಆಗೆ ಕಣ್ಣು ಬಿಟ್ಟು ಅಬ್ಬರಿಸ್ತಿದ್ದರು. ಕಳೆದ ಐದು ದಿನಗಳಿಂದ ರಾತ್ರಿ ವೇಳೆಯಲ್ಲೇ ಈ ಶೂಟಿಂಗ್ ನಡೆಯುತ್ತಿದೆ.

ಭೈರಾದೇವಿ ಕನ್ನಡ, ತಮಿಳು ಹಾಗೂ ತೆಲುಗು ಭಾಷೆಯಲ್ಲಿ ಏಕಕಾಲದಲ್ಲೇ ತೆರೆಗೆ ಬರಲಿದೆ. ಚಿತ್ರದ ಶೂಟಿಂಗ್ ಬಹುತೇಕ ಕಂಪ್ಲೀಟ್ ಆಗಿದ್ದು, ಈ ಸಾಂಗ್ ನಂತರ ಕುಂಬಳಕಾಯಿ ಒಡೆಯುತ್ತೇವೆ. ಈಗಾಗಲೇ ಕನ್ನಡ ವರ್ಸನ್​ಗೆ ಡಬ್ಬಿಂಗ್ ಬಹುತೇಕ ಮುಕ್ತಾಯವಾಗಿದೆ. ಜೂನ್ ಅಥವಾ ಜುಲೈನಲ್ಲಿ ಅಭಿಮಾನಿಗಳಿಗೆ 'ಭೈರಾದೇವಿ' ದರ್ಶನ ಗ್ಯಾರಂಟಿ ಎನ್ನುತ್ತಾರೆ ನಿರ್ದೇಶಕ ಶ್ರೀ ಜೈ .