ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ನಟನೆ ಹಾಗೂ ನಿರ್ದೇಶಕ ಎ. ಹರ್ಷ ನಿರ್ದೇಶನದ ಚಿತ್ರ 'ಭಜರಂಗಿ 2' ರಿಲೀಸ್ಗೆ ಕೌಂಟ್ಡೌನ್ ಶುರುವಾಗಿದೆ. ಈ ಚಿತ್ರದಲ್ಲಿ ಮೂರು ಜನ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಆ ಸಾಲಿನಲ್ಲಿ ಜಾಗ್ರವ ಪಾತ್ರ ಮಾಡಿರೋ ಪ್ರಸನ್ನ ಅವರನ್ನು ಸಂದರ್ಶನ ಮಾಡಲಾಗಿದ್ದು, ತಮ್ಮ ಸಿನಿ ಪಯಣದ ಬಗ್ಗೆ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ.
ಕಳೆದ ಒಂಬತ್ತು ವರ್ಷಗಳಿಂದ ಹಲವು ಧಾರಾವಾಹಿಗಳು ಮತ್ತು ಸಿನಿಮಾಗಳಲ್ಲಿ ಪ್ರಸನ್ನ ನಟಿಸಿದ್ದಾರೆ. ಇದೀಗ ಭಜರಂಗಿ 2 ಸಿನಿಮಾದಲ್ಲಿ ಭಯ ಹುಟ್ಟಿಸುವ ಜಾಗ್ರವ ಎಂಬ ರಾಕ್ಷಸನ ಪಾತ್ರ ಮಾಡಿದ್ದಾರೆ. ಈ ಬಗ್ಗೆ ಪ್ರಸನ್ನ ಈಟಿವಿ ಭಾರತ್ ಜೊತೆ ಸಾಕಷ್ಟು ವಿಚಾರಗಳನ್ನ ಹಂಚಿಕೊಂಡಿದ್ದಾರೆ.
ಭಜರಂಗಿ 2 ಸಿನಿಮಾದಲ್ಲಿ ನಾನು ಜಾಗ್ರವ ಪಾತ್ರ ಮಾಡಿದ್ದೇನಿ. ಇದರಲ್ಲಿ ನಾನು 85 ವರ್ಷದ ವಿಲನ್ ಪಾತ್ರ ಮಾಡಿದ್ದೇನಿ. ನಟಿಸುವಾಗ ನನ್ನ ಮೇಲೆ 8 ಕೆಜಿಯ ಕಾಸ್ಟ್ಯೂಮ್‌ ಇತ್ತು. ಜತೆಗೆ ಹೀಲ್ಡ್‌ ಚಪ್ಪಲಿ ಎಲ್ಲವೂ ಸೇರಿ 6 ಅಡಿ ಇರುವ ನಾನು 8 ಅಡಿ ಎತ್ತರ ಕಾಣುತ್ತಿದ್ದೆ ಎಂದಿದ್ದಾರೆ.
ಶೂಟಿಂಗ್ ಟೈಮಲ್ಲಿ ದೊಡ್ಡದಾದ ಕಿರೀಟ, ಉದ್ದವಾದ ಬಿಳಿ ಗಡ್ಡ, ಭಯ ಹುಟ್ಟಿಸುವ ಆ ಕಣ್ಣುಗಳನ್ನ ನೋಡಿ ಸೆಟ್ಟು ಹುಡುಗರು ಕೂಡ ಹೆದರಿ ಓಡಿ ಹೋಗಿದ್ದಾರೆ. ನನ್ನ ಪಾತ್ರ ಭಜರಂಗಿ 2 ಸಿನಿಮಾದಲ್ಲಿ ಸೆಕೆಂಡ್ ಆಫ್ನಲ್ಲಿ ಬರಲಿದೆ ಎಂದು ತಿಳಿಸಿದ್ದಾರೆ.
ನಾನು ಶಿವಣ್ಣನ ಅಭಿಮಾನಿ. ಕಾಲೇಜ್ ದಿನಗಳಲ್ಲಿ ಅವರ ಸತ್ಯ ಈಸ್ ಇನ್ ಲವ್ ಸಿನಿಮಾ ನೋಡಿ ಆ ರೀತಿಯೇ ಹೇರ್ ಸ್ಟೈಲ್ ಮಾಡಿಸಿದೆ. ಈಗ ಅಂತಹ ಲೆಜೆಂಡ್ ನಟನ ಜೊತೆ ಅಭಿನಯಿಸಿರೋದು ನನಗೆ ತುಂಬಾ ಹೆಮ್ಮೆ ಆಗುತ್ತೆ ಎಂದು ಹೇಳಿದ್ದಾರೆ.
ಇದರ ಜೊತೆಗೆ ಶಿವಣ್ಣನ ಬಗ್ಗೆ ಒಂದು ಮಾತು ಹೇಳಬೇಕು. ಶಿವಣ್ಣ ಅಷ್ಟು ದೊಡ್ಡ ಸ್ಟಾರ್ ಆಗಿದ್ದರೂ ಕೂಡ ಸಖತ್ ಸಿಂಪಲ್ ವ್ಯಕ್ತಿ. ನಾವು ಭಜರಂಗಿ 2 ಸಿನಿಮಾದಲ್ಲಿ ಇಷ್ಟು ಚೆನ್ನಾಗಿ ಅಭಿನಯಿಸೋಕ್ಕೆ ಮುಖ್ಯ ಕಾರಣ ಶಿವಣ್ಣ ಮತ್ತು ನಿರ್ದೇಶಕ ಹರ್ಷ ಎಂದಿದ್ದಾರೆ.
ಜಾಗ್ರವ ಪಾತ್ರಕ್ಕೆ ರೆಡಿಯಾಗೋದಿಕ್ಕೆ ನಾಲ್ಕು ಗಂಟೆ ಬೇಕಾಗಿತ್ತು. ಆ ಕಿರೀಟ, ಆ ಗಡ್ಡ ಮತ್ತೆ ಮೇಕಪ್ ಮಾಡಿಕೊಳ್ಳೋದಿಕ್ಕೆ ಗಂಟೆ ಗಟ್ಟಲೆ ಟೈಮ್ ಹಿಡಿಯುತ್ತಿತ್ತು. ನಮ್ಮಂಥ ಹೊಸ ಪ್ರತಿಭೆಗಳಿಗೆ ಸಪೋರ್ಟ್ ಮಾಡುವ ಗುಣ ಶಿವಣ್ಣ ಅವರಲ್ಲಿದೆ ಅಂತಾರೆ ಪ್ರಸನ್ನ.
ಓದಿ: ಸಾಧುಕೋಕಿಲ ನಿರ್ದೇಶನದ ಮಹಾಯೋಗಿ ಸಿದ್ಧಾರೂಢ ಚಿತ್ರಕ್ಕೆ ಪವರ್ ಸ್ಟಾರ್ ಸಾಥ್!
