'ಟಗರು' ಸಿನಿಮಾದ ಶೀರ್ಷಿಕೆ ಗೀತೆಗೆ ಮನಸೋಲದವರಿಲ್ಲ. ಈ ಹಾಡು ಇಂದಿಗೂ ಶಾಲಾ, ಕಾಲೇಜುಗಳ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಡ್ಯಾನ್ಸ್ ಮಾಡಲು ಬಳಸಿಕೊಳ್ಳುತ್ತಿದ್ದಾರೆ. ತಮಿಳಿನ ಜಾನಪದ ಗಾಯಕ ಆಂಟೋನಿ ದಾಸನ್ ಈ ಹಾಡನ್ನು ಹಾಡಿದವರು.
- " class="align-text-top noRightClick twitterSection" data="">
ಇದೀಗ 'ಸಲಗ' ಸಿನಿಮಾ ಮೂಲಕ ಆಂಟೋನಿ ದಾಸನ್ ಮತ್ತೆ ಸ್ಯಾಂಡಲ್ವುಡ್ಗೆ ಬಂದಿದ್ದಾರೆ. ಪೋಸ್ಟರ್ ಹಾಗೂ ಮೇಕಿಂಗ್ನಿಂದ ಸೆನ್ಸೇಷನ್ ಹುಟ್ಟುಹಾಕಿರುವ 'ಸಲಗ' ವಿಜಯ್ ಮೊದಲ ಬಾರಿಗೆ ನಿರ್ದೇಶನ ಮಾಡುತ್ತಿರುವ ಸಿನಿಮಾ. ಈ ಚಿತ್ರದ ಮಾಸ್ ಹಾಡೊಂದನ್ನು ಆಂಟೋನಿ ದಾಸನ್ ಹಾಡುತ್ತಿದ್ದಾರೆ. ಈ ಹಾಡಿನ ಸಣ್ಣ ತುಣುಕು ಕೇಳುತ್ತಿದ್ದರೆ 'ಟಗರು' ಚಿತ್ರದ ಹಾಡಿನಂತೆ ಸೂಪರ್ ಹಿಟ್ ಆಗುವ ಮನ್ಸೂಚನೆ ಕಾಣುತ್ತಿದೆ. ನವೀನ್ ಸಜ್ಜು ಹಾಗೂ ಚರಣ್ ರಾಜ್ ಸಂಗೀತ ನೀಡಿರುವ ಈ ಹಾಡಿಗೆ ದುನಿಯಾ ವಿಜಯ್ ಹಾಗೂ ಕಿರಣ್ ಸಂಗೀತ ನೀಡಿದ್ದಾರೆ. ಈ ಹಾಡಿನ ರೆಕಾರ್ಡಿಂಗ್ ವೇಳೆ ಸಂಗೀತ ನಿರ್ದೇಶಕ ಚರಣ್ ರಾಜ್ ಜೊತೆ ಗಾಯಕ ಆಂಟೋನಿ ದಾಸನ್ ಕೂಡಾ ಸ್ಟೆಪ್ ಹಾಕಿದ್ದಾರೆ. ಈ ವಿಡಿಯೋವನ್ನು ಆಂಟೋನಿ ದಾಸನ್ ತಮ್ಮ ಫೇಸ್ಬುಕ್ನಲ್ಲಿ ಷೇರ್ ಮಾಡಿಕೊಂಡಿದ್ದಾರೆ.
ಜನವರಿ 6 ರಂದು ಈ ಈ ಹಾಡಿನ ಲಿರಿಕಲ್ ವಿಡಿಯೋ ಬಿಡುಗಡೆ ಆಗುತ್ತಿದೆ. 'ಸಲಗ' ಸಿನಿಮಾ ಒಂದಲ್ಲಾ ಒಂದು ವಿಷಯಕ್ಕೆ ಗಮನ ಸೆಳೆಯುತ್ತಿದೆ. ಡಾಲಿ ಧನಂಜಯ್, ಸಂಜನಾ ಆನಂದ್, ಕಾಕ್ರೋಚ್ ಸುಧೀಂದ್ರ ಹೀಗೆ ಸಾಕಷ್ಟು ಕಲಾವಿದರ ದಂಡು ಈ ಚಿತ್ರದಲ್ಲಿದೆ. ಇನ್ನು ಈ ಚಿತ್ರಕ್ಕೆ ಮಾಸ್ತಿ ಮಂಜು ಡೈಲಾಗ್ ಬರೆದಿದ್ದಾರೆ. 'ಟಗರು' ನಂತರ ನಿರ್ಮಾಪಕ ಕೆ.ಪಿ. ಶ್ರೀಕಾಂತ್ ನಿರ್ಮಾಣ ಮಾಡುತ್ತಿರುವ ಔಟ್ ಅಂಟ್ ಔಟ್ ಕಮರ್ಷಿಯಲ್ ಸಿನಿಮಾವಾಗಿದೆ. ಸದ್ಯ 'ಸಲಗ' ಸಿನಿಮಾ ಹವಾ ಚಂದನವನದಲ್ಲಿ ಜೋರಾಗಿದ್ದು ಫೆಬ್ರವರಿಗೆ ಪ್ರೇಕ್ಷಕರ ಮುಂದೆ ಬರಲಿದೆ.
