ಬಹುಭಾಷಾ ನಟಿ ಚಾರ್ಮಿ ಕೌರ್ ವಯಸ್ಸು ಮೂವತ್ತು ದಾಟಿದ್ರೂ ಇನ್ನೂ ಮದುವೆಯಾಗಿಲ್ಲ. ಇತ್ತ ಸಿನಿಮಾಗಳಲ್ಲೂ ನಟಿಸುತ್ತಿಲ್ಲ, ಅತ್ತ ಮ್ಯಾರೇಜು ಮಾಡ್ಕೋತಿಲ್ಲ. ಅಷ್ಟಕ್ಕೂ ಯಾಕೆ ಈ ವನವಾಸ ಮೇಡಂ ಅಂತಾ ಅವರನ್ನೇ ಕೇಳಿದ್ರೆ... ಚಾರ್ಮಿಯಿಂದ ಬರುವ ಉತ್ತರ ಏನು ಗೊತ್ತಾ ?
ಕನ್ನಡ ಸೇರಿದಂತೆ ಸುಮಾರು 55 ಚಿತ್ರಗಳಲ್ಲಿ ನಟಿಸಿರುವ ಈ ಪಂಜಾಬಿ ಬೆಡಗಿ ಮೊನ್ನೆಯಷ್ಟೆ ಮಾಧ್ಯಮಗಳೊಂದಿಗೆ ಮಾತಿಗೆ ಸಿಕ್ಕಿದ್ದರು. ಈ ವೇಳೆ ತಮ್ಮ ಪರ್ಸನಲ್ ಹಾಗೂ ಸಿನಿ ಕರಿಯರ್ ಬಗ್ಗೆ ಕೆಲವೊಂದು ಇಂಟ್ರೆಸ್ಟಿಂಗ್ ವಿಚಾರ ಹಂಚಿಕೊಂಡ್ರು.
ಕನ್ನಡದ 'ಯಾರೇ ಕೂಗಾಡಲಿ' ಚಿತ್ರದಲ್ಲಿಯ 'ಹಲೋ 1 2 3 ಮೈಕು ಟೆಸ್ಟಿಂಗ್' ಹಾಡಿಗೆ ಸೊಂಟ ಬಳುಕಿಸಿ ಪಡ್ಡೆ ಹುಡುಗರ ಹಾರ್ಟ್ಗೆ ಬಾಣ ಬಿಟ್ಟಿದ್ದ ಈ ಚೆಲುವೆ, ಇನ್ಮುಂದೆ ಸಿನಿಮಾಗಳಲ್ಲಿ ನಟಿಸಲ್ವಂತೆ. ಅವರೇ ಹೇಳುವಂತೆ 'ಇನ್ಮುಂದೆ ನಾನು ಸಿನಿಮಾಗಳಲ್ಲಿ ನಟಿಸಲು ಇಚ್ಛಿಸಲ್ಲ'. ಹಾಗಂತಾ ಚಿತ್ರರಂಗದಿಂದ ದೂರವು ಹೋಗುತ್ತಿಲ್ಲ. ನಿರ್ಮಾಪಕಿಯಾಗಿ ಇಂಡಸ್ಟ್ರಿಯಲ್ಲಿ ಮುಂದುವರೆಯಲು ಬಯಸುತ್ತೇನೆ' ಎಂದಿದ್ದಾರೆ.
ಇನ್ನು ಮದುವೆ, ಮಕ್ಕಳ ಬಗ್ಗೆಯೂ ಮಾತಾಡಿರುವ ಚಾರ್ಮಿ, ಮ್ಯಾರೇಜ್ ಮಾಡ್ಕೊಂಡು ಮಕ್ಕಳನ್ನು ಪಡೆಯೋದರ ಬಗ್ಗೆ ಯಾವುದೇ ಪ್ಲ್ಯಾನಿಲ್ಲ. ಗೃಹಸ್ಥಾಶ್ರಮಕ್ಕೆ ನಾನು ಸೂಕ್ತವಲ್ಲ ಎನ್ನೋದು ನನ್ನ ಭಾವನೆ. ನನ್ನ ಜೀವನದಲ್ಲಿ ಬೇರೆ ವ್ಯಕ್ತಿಯನ್ನು ಕಲ್ಪಿಸಿಕೊಳ್ಳಲು ನಂಗೆ ಸಾಧ್ಯವಾಗೋದಿಲ್ಲ ಎಂದಿದ್ದಾರೆ.
