ಬರಗೂರು ರಾಮಚಂದ್ರಪ್ಪ ಅವರ ಬಯಲಾಟದ ಭೀಮಣ್ಣ ಸಿನಿಮಾ ಹಾಡುಗಳು ಇದೇ 30 ರಂದು ಅನಾವರಣಗೊಳ್ಳುತ್ತಿವೆ. ಚಾಮುಂಡೇಶ್ವರಿ ಸ್ಟುಡಿಯೋ ಸಭಾಂಗಣದಲ್ಲಿ ನಡೆಯಲಿರುವ ಕಾರ್ಯಕ್ರಮದಲ್ಲಿ ಕ್ರೇಜಿಸ್ಟಾರ್ ವಿ.ರವಿಚಂದ್ರನ್ ಬಯಲಾಟದ ಭೀಮಣ್ಣ ಆಡಿಯೋ ಲಾಂಚ್ ಮಾಡಲಿದ್ದಾರೆ.
ಪ್ರೊ. ಬರಗೂರು ರಾಮಚಂದ್ರಪ್ಪ ಅವರೇ ಕಥೆ, ಚಿತ್ರಕಥೆ, ಹಾಡುಗಳು, ಸಂಭಾಷಣೆ ಹಾಗೂ ನಿರ್ದೇಶನ ಮಾಡಿರುವ ಈ ಚಿತ್ರಕ್ಕೆ ರಾಷ್ಟ್ರ ಪ್ರಶಸ್ತಿ ವಿಜೇತ ಸುರೇಶ್ ಅರಸ್ ಸಂಕಲನ ಮಾಡಿದ್ದರೆ, ನಾಗರಾಜ್ ಅಡ್ವಾಣಿ ಛಾಯಾಗ್ರಹಣ ಒದಗಿಸಿದ್ದಾರೆ.
ಬಯಲಾಟದ ಭೀಮಣ್ಣ ಚಿತ್ರದಲ್ಲಿ ಸುಂದರ್ ರಾಜ್, ರಂಜಿತ್, ರೇಖಾ, ಪ್ರಮಿಳಾ ಜೋಶಾಯಿ, ಅಂಬರೀಶ್ ಸಾರಂಗಿ, ಹನುಮಂತೆ ಗೌಡ, ಡಾ.ವತ್ಸಲಾ ಮೋಹನ್, ಮಾಸ್ಟರ್ ಆಕಾಂಕ್ಷ್ ಮಾಸ್ಟೆರ್ ಭಾರ್ಗವ, ರಾಧಾ ರಾಮಚಂದ್ರ, ರಕ್ಷಿತಾ, ಶಾಂತರಾಜು, ರಂಗ ರೆಡ್ಡಿ ಕೊಡಿರಮಪುರ, ಅರುಣ್, ಬಸವರಾಜ್ ಹಾಗೂ ಇತರರು ತಾರಗಣದಲ್ಲಿದ್ದಾರೆ.ಕೃಷ್ಣವೇಣಿ ನಂಜಪ್ಪ ಕಾಳೆಗೌಡ, ಧನಲಕ್ಷ್ಮಿ ಕೃಷ್ಣಪ್ಪ ತಮ್ಮ ರಾಜರಾಜೇಶ್ವರಿ ಸಿನಿ ಆರ್ಟ್ಸ್ ಅಡಿ ಬಯಲಾಟದ ಭೀಮಣ್ಣ ನಿರ್ಮಾಣ ಮಾಡಿದ್ದಾರೆ.
