ಸಿನಿಮಾಗೆ ದೊರೆಯುತ್ತಿರುವ ರೆಸ್ಪಾನ್ಸ್ಗೆ ನಟಸಾರ್ವಭೌಮ ಚಿತ್ರತಂಡ ಫುಲ್ ಖುಷಿಯಾಗಿದೆ. ಇದನ್ನು ಅಭಿಮಾನಿಗಳ ಜತೆ ಹಂಚಿಕೊಳ್ಳಲು ಮುಂದಾಗಿರುವ ನಟ ಪುನೀತ್ ಥಿಯೇಟರ್ ಭೇಟಿ ಪ್ರಾರಂಭಿಸಿದ್ದಾರೆ. ಮೊದಲಿಗೆ ಮೈಸೂರಿನ ಸಂಗಮ ಚಿತ್ರಮಂದಿರಕ್ಕೆ ಭೇಟಿ ನೀಡಿದ್ದ ಅಪ್ಪು, ಈಗ ತಮ್ಮ ತಂಡದ ಜತೆ ಮಂಗಳೂರಿಗೆ ಪ್ರಯಾಣ ಬೆಳೆಸುತ್ತಿದ್ದಾರೆ. ಇದೇ ಭಾನುವಾರ ಕರಾವಳಿಯ ಸುಚಿತ್ರ ಟಾಕೀಸ್ಗೆ ನಟಸಾರ್ವಭೌಮನ ಬೆಟಾಲಿಯನ್ ಲಗ್ಗೆಯಿಡಲಿದೆ. ಈ ವಿಷಯನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಅಪ್ಪು, ಭಾನುವಾರ ಎಲ್ಲರೂ ಬನ್ನಿ, ಅಲ್ಲೇ ಸಿಗೋಣ ಎಂದು ಮುಕ್ತ ಆಹ್ವಾನ ನೀಡಿದ್ದಾರೆ.
ಕರಾವಳಿಯ ಸುಚಿತ್ರ ಟಾಕೀಸ್ಗೆ ನಟಸಾರ್ವಭೌಮನ ಬೆಟಾಲಿಯನ್ ಲಗ್ಗೆಯಿಡಲಿದೆ
ಇನ್ನು ಕಳೆದ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗಿದ್ದ ನಟಸಾರ್ವಭೌಮ ಮಂಗಳೂರಿನಲ್ಲಿ ಬೆಳಗ್ಗೆ 6 ಗಂಟೆಗೆ ಪ್ರದರ್ಶನ ಪ್ರಾರಂಭಿಸಿತ್ತು. ಇದು ಮಂಗಳೂರಿನ ಮಟ್ಟಿಗೆ ದಾಖಲೆಯಾಗಿದೆ. ಅಲ್ಲಿಯ ಜನ ಥಿಯೇಟರ್ಗಳಿಗೆ ಬರುವುದು ಕಷ್ಟ. ಅಂತಹದ್ರಲ್ಲಿ ಬೆಳಗ್ಗೆ 6 ಗಂಟೆಯ ಪುಲ್ ಹೌಸ್ ಪ್ರದರ್ಶನ ಕಂಡಿದೆ ಎಂದರು ಚಿತ್ರದ ವಿತರಕ ಪೈ ಅವರ ಪುತ್ರ ಧೀರಜ್.
