ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬಳಿ ದುಬಾರಿ ಕಾರುಗಳಿಗೇನು ಕೊರತೆ ಇಲ್ಲ. ಮನೆಯಲ್ಲಿ ಐಷಾರಾಮಿ ಕಾರುಗಳಿದ್ದರೂ ದಚ್ಚು ಕಾರು ಬಿಟ್ಟು ಟ್ರ್ಯಾಕ್ಟರ್ ಏರಿದ್ದಾರೆ.
ಹೊಸ ಟ್ರ್ಯಾಕ್ಟರ್ ಚಲಾಯಿಸುತ್ತಿರುವ ನಟ ದರ್ಶನ್
ಕೊರೊನಾ ಎಫೆಕ್ಟ್ನಿಂದ ಶೂಟಿಂಗ್ ಇಲ್ಲದೇ ಮೈಸೂರು ಫಾರ್ಮ್ ಹೌಸ್ನಲ್ಲಿರುವ ದರ್ಶನ್, ಕೃಷಿ ಚಟುವಟಿಕೆಗಳತ್ತ ಗಮನ ಹರಿಸಿದ್ದಾರೆ. ಇತ್ತೀಚೆಗೆ ದರ್ಶನ್ ಹೊಸ ಟ್ರ್ಯಾಕ್ಟರ್ ಖರೀದಿ ಮಾಡಿದ್ದು, ಸ್ವತಃ ಅವರೇ ಶೋ ರೂಂಗೆ ಹೋಗಿ ಟ್ರ್ಯಾಕ್ಟರ್ ಡೆಲವರಿ ಪಡೆದಿದ್ದಾರೆ. ಅಲ್ಲದೇ ಮೈಸೂರು ಬಳಿಯ ಕೆಂಪಯ್ಯನ ಹುಂಡಿಯಿಂದ ತಮ್ಮ ಫಾರ್ಮ್ಹೌಸ್ಗೆ ಟ್ರ್ಯಾಕ್ಟರ್ ಡ್ರೈವಿಂಗ್ ಮಾಡಿಕೊಂಡು ಹೋಗಿದ್ದಾರೆ. ಸಿಕ್ಕಾಪಟ್ಟೆ ಕಾರುಗಳ ಕ್ರೇಜ್ ಹೊಂದಿರುವ ಗಜ ಟ್ರ್ಯಾಕ್ಟರ್ ಡ್ರೈವಿಂಗ್ ಮಾಡಿ ಎಂಜಾಯ್ ಮಾಡುತ್ತಿದ್ದಾರೆ.
ತೆರೆಮೇಲೆ ನೋಡಿದ್ದ ಡಿ ಬಾಸ್ ಅನ್ನು ಕಣ್ಣೆದುರೆ ನೋಡಿದ ಅಭಿಮಾನಿಗಳು ಫುಲ್ಖುಷ್ ಆಗಿದ್ದು, ಗಜ ಟ್ರ್ಯಾಕ್ಟರ್ ಡ್ರೈವ್ ಮಾಡಿರುವ ವಿಡಿಯೋ ಸಖತ್ ವೈರಲ್ ಆಗಿದೆ.
