ಬಾಲಿವುಡ್ ಬೋಲ್ಡ್ ಬ್ಯೂಟಿ ರಾಧಿಕಾ ಆಪ್ಟೆಯ ಗುಟ್ಟೊಂದು ರಟ್ಟಾಗಿದೆ. ಅವರ ಮೊನಕಾಲಿನ ಮೇಲ್ಭಾಗದಲ್ಲಿದ್ದ ಟ್ಯಾಟೂವೊಂದು ಕ್ಯಾಮರಾ ಕಣ್ಣುಗಳಲ್ಲಿ ಸೆರೆಯಾಗಿದೆ.
ಇತ್ತೀಚೆಗೆ (ಮಾರ್ಚ್ 30) ಮುಂಬೈನಲ್ಲಿ ನಡೆದ ಅವಾರ್ಡ್ ಶೋದಲ್ಲಿ ರಾಧಿಕಾ ರೆಡ್ ಕಾರ್ಪೆಟ್ ಮೇಲೆ ರ‍್ಯಾಂಪ್‌ ವಾಕ್ ಮಾಡಿದ್ರು. ಸಿಲ್ವರ್ ಕಲರ್ನ ಗೌನ್ ತೊಟ್ಟು ಹೆಜ್ಜೆ ಹಾಕುತ್ತಿದ್ದ ಈ ಚೆಲುವೆ ನೋಡುಗರ ಹೃದಯ ಬಡಿತ ಹೆಚ್ಚಿಸಿದ್ದರು. ಇದೇ ವೇಳೆ ತಮ್ಮ ಸೌಂದರ್ಯಸಿರಿ ತೋರ್ಪಡಿಸುವ ಭರದಲ್ಲಿ ಸೀಕ್ರೆಟ್ವೊಂದನ್ನು ಬಿಟ್ಟುಕೊಟ್ಟಿದ್ದಾರೆ. ಅವರ ಎಡ ಮೊಣಕಾಲಿನ ಮೇಲಿದ್ದ ಚಿಕ್ಕದಾದ ಟ್ಯಾಟೂ ನೋಡುಗರನ್ನು ತನ್ನತ್ತ ಸೆಳೆದಿದೆ. ಅದರಲ್ಲೂ ಕ್ಯಾಮರಾ ಕಣ್ಣುಗಳು ಜೂಮ್ ಹಾಕಿದಾಗ ಆ ಹಚ್ಚೆ ಗುರುತು ರಿವೀಲ್ ಆಗಿದೆ. ಅಷ್ಟಕ್ಕೂ ರಾಧಿಕಾ ತಮ್ಮ ಮೈಮೇಲೆ ಮೂಡಿಸಿಕೊಂಡಿರುವುದು ಇಂಗ್ಲಿಷ್ನ 'B' ಅಕ್ಷರವನ್ನು. ಹಾಗಾದ್ರೆ ಯಾರಿದು 'ಬಿ'?
ರಾಧಿಕಾ ಟ್ಯಾಟೂ ಹಾಕಿಸಿಕೊಂಡಿರುವುದು ತಮ್ಮ ಗಂಡನ ಹೆಸರಿನ ಮೊದಲಿನ ಅಕ್ಷರ. ಲಂಡನ್ ಮೂಲದ ಬೆನೆಡಿಕ್ಟ್ ಟೇಲರ್ ಜತೆ 2012 ರಲ್ಲಿ ರಾಧಿಕಾ ರಿಜಿಸ್ಟರ್ ಮ್ಯಾರೇಜ್ ಮಾಡಿಕೊಂಡಿದ್ರು. ಸದ್ಯ ಅವರ ಪತಿ ಲಂಡನ್ಲ್ಲೇ ವಾಸವಾಗಿದ್ದಾರೆ. ಇತ್ತೀಚಿಗೆ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ್ದ ರಾಧಿಕಾ, ನಾನು ಲಂಡನ್ಗೆ ಹೋಗುತ್ತಿಲ್ಲ, ನನ್ನ ನೋಡಲು ಬೆನೆಡಿಕ್ಟ್ ಆಗಾಗ ಭಾರತಕ್ಕೆ ಬರುತ್ತಿರುತ್ತಾರೆ ಎಂದಿದ್ದರು.
