ಧರ್ಮಶಾಲಾ(ಹಿಮಾಚಲಪ್ರದೇಶ): ಬಾಲಿವುಡ್ ತಾರೆಯರಾದ ವಿಕ್ರಾಂತ್ ಮಾಸ್ಸೆ ಮತ್ತು ಶೀತಲ್ ಠಾಕೂರ್ ಇಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಹಿಮಾಚಲ ಪ್ರದೇಶದಲ್ಲಿ ಸಾಂಪ್ರದಾಯಿಕವಾಗಿ ವಿವಾಹ ಸಮಾರಂಭ ನಡೆದಿದ್ದು, ವಿಕ್ರಾಂತ್ ಮತ್ತು ಶೀತಲ್ ಅವರ ಮದುವೆಯ ಫೋಟೋಗಳು ಮತ್ತು ವಿಡಿಯೋಗಳು ಅಂತರ್ಜಾಲದಲ್ಲಿ ಹರಿದಾಡುತ್ತಿವೆ.
ವಿವಾಹ ಸಮಾರಂಭದಲ್ಲಿ ವಿಕ್ರಾಂತ್ ಬಿಳಿ ಬಣ್ಣದ ಶೆರ್ವಾನಿ ಧರಿಸಿದ್ದರೆ, ಶೀತಲ್ ಕೆಂಪು ವಧುವಿನ ಲೆಹೆಂಗಾ ಧರಿಸಿದ್ದರು. ಬ್ರೋಕನ್ ಬಟ್ ಬ್ಯೂಟಿಫುಲ್ ಎಂಬ ವೆಬ್ ಸರಣಿಯ ಮೊದಲ ಸೀಸನ್‌ನಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದ ವಿಕ್ರಾಂತ್ ಮತ್ತು ಶೀತಲ್, 2019ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆದರೆ, ಕೋವಿಡ್ ಕಾರಣದಿಂದ ವಿವಾಹವಾಗುವುದು ವಿಳಂಬವಾಯಿತು.
ಕಳೆದ ಎರಡು ವರ್ಷಗಳಲ್ಲಿ, ವಿಕ್ರಾಂತ್ ಅವರು ದೀಪಿಕಾ ಪಡುಕೋಣೆ, ತಾಪ್ಸಿ ಪನ್ನು, ಭೂಮಿ ಪೆಡ್ನೇಕರ್, ಕೊಂಕಣಾ ಸೇನ್ ಶರ್ಮಾ, ಶ್ವೇತಾ ತ್ರಿಪಾಠಿ, ಕೃತಿ ಕರಬಂಧ ಮತ್ತು ಇತ್ತೀಚೆಗೆ ಸನ್ಯಾ ಮಲ್ಹೋತ್ರಾ ಅವರೊಂದಿಗೆ ಕಾಣಿಸಿಕೊಂಡಿದ್ದರು.
ದಿಲ್ ಧಡಕ್ನೆ ದೋ, ಹಾಫ್ ಗರ್ಲ್‌ಫ್ರೆಂಡ್‌ ಚಿತ್ರಗಳಲ್ಲಿ ಸಣ್ಣ ಪಾತ್ರಗಳೊಂದಿಗೆ ಸಿನಿಮಾ ಆರಂಭಿಸಿದರೂ, ನಂತರ ದೊಡ್ಡ ಪಾತ್ರಗಳಲ್ಲಿ ಅವರಿಗೆ ಅವಕಾಶ ಲಭಿಸಿತ್ತು.
ಇದನ್ನೂ ಓದಿ:Watch - ಸಲ್ಮಾನ್ ಖಾನ್ ಜೊತೆ ದೆಹಲಿಯಲ್ಲಿ 'ಟೈಗರ್ 3' ಶೂಟಿಂಗ್ ಮುಗಿಸಿ ಹಿಂದಿರುಗಿದ ಕತ್ರಿನಾ ಕೈಫ್
