ಹೈದರಾಬಾದ್ (ತೆಲಂಗಾಣ): ಕೆಲವು ದಿನಗಳಿಂದ ಬಾಲಿವುಡ್ನಲ್ಲಿ ಭಾರೀ ಗುಲ್ಲೆಬ್ಬಿಸಿದ್ದ ವಿಷಯ ಅಂದ್ರೆ ಅದು ವಿಕ್ಕಿ ಕೌಶಲ್ ಮತ್ತು ಕತ್ರಿನಾ ಕೈಫ್ ಮದುವೆ. ಈ ವಿವಾಹ ಸಮಾರಂಭದಲ್ಲಿ ವರ ವಿಕ್ಕಿ ಕೌಶಲ್ ಆಡಿದ ಭಾವನಾತ್ಮಕ ಮಾತುಗಳಿಗೆ ವಧು ಕತ್ರಿನಾ ಕೈಫ್ ಭಾವುಕರಾದರು ಎಂದು ತಿಳಿದು ಬಂದಿದೆ.
- " class="align-text-top noRightClick twitterSection" data="
">
ಮದುವೆ ಸಮಾರಂಭದಲ್ಲಿ ಕತ್ರಿನಾಳ ಬಗ್ಗೆ ವಿಕ್ಕಿ ಕೌಶಲ್ ಮಾತನಾಡುತ್ತಿರುವಾಗ ಕತ್ರಿನಾ ಕೈಫ್ ತನ್ನ ಜೀವನದಲ್ಲಿ ಎಂಟ್ರಿ ಕೊಟ್ಟ ಬಳಿಕ ಏನೆಲ್ಲಾ ಬದಲಾವಣೆಯಾದವು, ಜೀವನ ಎಷ್ಟು ಸುಂದರ ಅನ್ನಿಸಿತು ಎಂದೆಲ್ಲಾ ಹೇಳಿಕೊಂಡಿದ್ದಾರೆ. ಈ ವೇಳೆ ವಿಕ್ಕಿ ಮಾತಿಗೆ ಕತ್ರಿನಾ ಕಣ್ಣಂಚು ಒದ್ದೆಯಾಯಿತಂತೆ. ಅಲ್ಲದೇ, ವಿಕ್ಕಿಯ ಮಾತುಗಳು ಅಲ್ಲಿದ್ದವರ ಗಮನ ಸೆಳೆಯಿತು ಎನ್ನಲಾಗಿದೆ.
ಇದಲ್ಲದೇ, ಮದುವೆ ಸಮಾರಂಭದ ಮೆಹಂದಿ ಕಾರ್ಯಕ್ರಮದಲ್ಲಿ ಚೆಲುವೆ ಕತ್ರಿನಾಗೆ, ವಿಕ್ಕಿ ಕೌಶಲ್ ಬಾಲಿವುಡ್ ಸಿನಿಮಾ ಹಾಡಿಗೆ ಹೆಜ್ಜೆ ಹಾಕುತ್ತಾ ಸಿನಿಮಾ ಮಾದರಿಯಲ್ಲೇ ಪ್ರಪೋಸ್ ಮಾಡಿದ್ದೂ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡಿದೆ.
ಇದನ್ನೂ ಓದಿ: 71ನೇ ವಸಂತಕ್ಕೆ ಕಾಲಿಟ್ಟ 'ಕಬಾಲಿ' : ಸೂಪರ್ಸ್ಟಾರ್ ಅಪರೂಪದ ಫೋಟೋಗಳನ್ನು ನೋಡಿ
ಮದುವೆ ಮುಗಿದ ಬಳಿಕ ವಿಕ್ಕಿ-ಕೈಫ್ ಇದೀಗ ಮುಂಬೈನ ಮನೆಗೆ ಆಗಮಿಸಿದ್ದಾರೆ. ರಾಜಸ್ತಾನದಲ್ಲಿ ಅತಿ ಗೌಪ್ಯವಾಗಿ ನಡೆದ ಮದುವೆಗೆ ಅತ್ಯಾಪ್ತರನ್ನು ಬಿಟ್ಟರೆ ಯಾರಿಗೂ ಆಹ್ವಾನ ಇರದ ಕಾರಣ ಮುಂದಿನ ದಿನಗಳಲ್ಲಿ ಸಿನಿಮಾ ರಂಗದವರಿಗಾಗಿ ಆರತಕ್ಷತೆ ಕೂಟ ಆಯೋಜಿಸಲಿದ್ದಾರೆ ಎಂದು ತಿಳಿದು ಬಂದಿದೆ.
