ಹೈದರಾಬಾದ್(ತೆಲಂಗಾಣ): ಬಾಲಿವುಡ್ ತಾರಾ ಜೋಡಿ ವಿಕ್ಕಿ ಕೌಶಲ್ ಮತ್ತು ಕತ್ರಿನಾ ಕೈಫ್ರ ವಿವಾಹ ಕಾರ್ಯಕ್ರಮ ಪ್ರಸಾರಕ್ಕೆ ಕಡಿವಾಣ ಹಾಕಿರುವುದು ಜನರಲ್ಲಿ ಇನ್ನಿಲ್ಲದ ಕುತೂಹಲ ಮೂಡಿಸಿದೆ. ಈ ಮಧ್ಯೆ ಪ್ರಮುಖ ಒಟಿಟಿಯೊಂದು ವಿಕ್ಯಾಟ್ ಮದುವೆ ಪ್ರಸಾರಕ್ಕಾಗಿ 100 ಕೋಟಿ ರೂಪಾಯಿ ನೀಡಲು ಮುಂದಾಗಿದೆ ಎಂದು ಗೊತ್ತಾಗಿದೆ.
ಇಂದಿನಿಂದ ಡಿಸೆಂಬರ್ 9ರ ವರೆಗೆ ನಡೆಯುವ ಮದುವೆ ದೃಶ್ಯಗಳ ಪ್ರಸಾರ ಹಕ್ಕು ನೀಡಿದರೆ 100 ಕೋಟಿ ರೂಪಾಯಿ ನೀಡಲಾಗುವುದು ಎಂದು ಒಟಿಟಿಯೊಂದು ಮುಂದೆ ಬಂದಿದೆ ಎಂದು ಮೂಲಗಳು ತಿಳಿಸಿವೆ.
ವಿದೇಶಗಳಲ್ಲಿ ವಿವಾಹ ಕಾರ್ಯಕ್ರಮದ ದೃಶ್ಯಗಳನ್ನು ವಾಹಿನಿಗಳಿಗೆ ಮಾರಾಟ ಮಾಡುವುದು ಪ್ರವೃತ್ತಿಯಾಗಿದೆ. ಇದೇ ರೀತಿ ವಿಕ್ಕಿ ಕೌಶಲ್ ಮತ್ತು ಕತ್ರಿನಾ ಕೈಫ್ರ ವಿವಾಹದ ದೃಶ್ಯಗಳನ್ನು ಪ್ರಸಾರ ಮಾಡಲು ಸಾಮಾಜಿಕ ಮಾಧ್ಯಮವೊಂದು 100 ಕೋಟಿ ರೂಪಾಯಿ ಆಫರ್ ನೀಡಿದೆ. ಇದಕ್ಕೆ ವಿಕ್ಯಾಟ್ ಅನುಮತಿ ನೀಡುತ್ತಾರೋ ಇಲ್ಲವೋ ಎಂಬುದು ತಿಳಿದುಬಂದಿಲ್ಲ.
ಇದನ್ನೂ ಓದಿ: KGF 2 ವಾಯ್ಸ್ ಡಬ್ಬಿಂಗ್ ಕಂಪ್ಲೀಟ್.. ಸಂಜಯ್ ದತ್ ಜೊತೆಗಿನ ಫೋಟೋ ಹಂಚಿಕೊಂಡ ಪ್ರಶಾಂತ್ ನೀಲ್
ಈ ಹಿಂದೆ ಬಾಲಿವುಡ್ನ ಖ್ಯಾತ ಜೋಡಿಯಾದ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ವಿವಾಹದ ದೃಶ್ಯಗಳ ಮಾರಾಟಕ್ಕೆ ಇದೇ ರೀತಿಯ ಆಫರ್ ಬಂದಿತ್ತು. ಆದರೆ, ಇದನ್ನು ದೀಪ್ವೀರ್ ಜೋಡಿ ನಿರಾಕರಿಸಿತ್ತು.
ಇದಲ್ಲದೇ ನಿಕ್ ಜೋನಸ್ ಮತ್ತು ಪ್ರಿಯಾಂಕಾ ಛೋಪ್ರಾ ಮದುವೆಯ ದೃಶ್ಯಗಳ ಪ್ರಸಾರ ಹಕ್ಕಿಗೆ ₹18 ಕೋಟಿ ನೀಡಲಾಗಿತ್ತು ಎಂಬುದರ ಬಗ್ಗೆ ವರದಿಯಾಗಿತ್ತು.
