ಹೈದರಾಬಾದ್: 'ಅನಿಮೇಷನ್ ಜಗತ್ತನ್ನು ಸುಮಾರು ಎಂಟು ದಶಕಗಳಿಂದ ಆಳುತ್ತಿರುವ ಡಿಸ್ನಿ ಭಾರತೀಯ ರಾಜಕುಮಾರಿಯನ್ನು ಯಾಕಿನ್ನೂ ಸೇರಿಸಿಕೊಂಡಿಲ್ಲ' ಎಂದು ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್ ಸಾಮಾಜಿಕ ಮಾಧ್ಯಮದ ಮೂಲಕ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ಸುಮಾರು 1.4 ಮಿಲಿಯನ್ ಫಾಲೋವರ್ಸ್ ಹೊಂದಿರುವ ಸುಹಾನಾ, ತನ್ನ ಸುಂದರ ಫೋಟೋಗಳು ಹಾಗೂ ಐಷಾರಾಮಿ ಜೀವನವನ್ನು ಹಂಚಿಕೊಳ್ಳಲು ಮಾತ್ರ ಸಾಮಾಜಿಕ ವೇದಿಕೆಯನ್ನು ಬಳಸಿಕೊಂಡಿಲ್ಲ. ಬದಲಾಗಿ ಇಂತಹ ಹಲವಾರು ಸಕಾರಾತ್ಮಕತೆ ಇರುವ ಪ್ರಶ್ನೆಗಳನ್ನೂ ಹುಟ್ಟು ಹಾಕುತ್ತಾಳೆ.
ಖಾನ್ ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಒಂದು ಚಿತ್ರದೊಂದಿಗೆ 'ಡಿಸ್ನಿ ಭಾರತೀಯ ಮೂಲದ ರಾಜಕುಮಾರಿಯನ್ನು ಹೊಂದಿಲ್ಲ' ಎಂದು ಈ ಮೂಲಕ ವಿಶ್ವದ ಪ್ರಮುಖ ಆ್ಯನಿಮೇಷನ್ ಸ್ಟುಡಿಯೋಗೆ ಮನವಿ ಮಾಡಿದ್ದಾರೆ.
ಇದನ್ನೂ ಓದಿ: 'ಅಂತಿಮ್' ಬಿಗಿನ್ಸ್.. ಹೊಸ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಮಾಡಿದ ಸಲ್ಲು ಭಾಯ್
ಸುಹಾನಾ ದಿ ಗ್ರೇ ಪಾರ್ಟ್ ಆಫ್ ಬ್ಲೂ ಎಂಬ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾದ ಕಿರುಚಿತ್ರದ ಮೂಲಕ ನಟನೆಗೆ ಪದಾರ್ಪಣೆ ಮಾಡಿದರು. ಇನ್ನು ನಟಿಯಾಗಬೇಕೆಂಬ ಮಹದಾಸೆ ಇಟ್ಟುಕೊಂಡಿರು ಸುಹಾನಾ ಇದಕ್ಕಾಗಿ ಯುಎಸ್ನಲ್ಲಿ ತಮ್ಮ ಕೌಶಲ್ಯ ವೃದ್ಧಿಸಲು ತರಗತಿಗೆ ಸೇರಿದ್ದಾರೆ. ಹಾಗೂ ನ್ಯೂಯಾರ್ಕ್ನಲ್ಲಿ ನಟನೆಯನ್ನು ಕಲಿಯುತ್ತಿದ್ದಾರೆ.
