ಕೋಲ್ಕತ್ತಾ: ನಿರ್ಮಾಪಕ, ನಿರ್ದೇಶಕ ವಿಧು ವಿನೋದ್ ಚೋಪ್ರಾ ಅವರು 'ಶಿಕಾರ' ಮತ್ತು 'ದಿ ಅನ್ ಟೋಲ್ಡ್ ಸ್ಟೋರಿ ಆಫ್ ಕಾಶ್ಮೀರಿ ಪಂಡಿತ್' ಸಿನಿಮಾ ಪ್ರಚಾರಕ್ಕಾಗಿ ಕೋಲ್ಕತ್ತಾಕ್ಕೆ ಆಗಮಿಸಿದ್ದರು.
ಈ ವೇಳೆ ಮಾತನಾಡಿದ ಅವರು, ತಾವು ನಿರ್ದೇಶಿಸಿರುವ ಸಿನಿಮಾಗಳಲ್ಲಿ ಶಿಕಾರ ಅತ್ಯುತ್ತಮ ಚಿತ್ರ. ಈ ಚಿತ್ರ ಮಾಡಲು 11 ವರ್ಷಗಳನ್ನು ತೆಗೆದುಕೊಂಡಿದ್ದೇನೆ ಎಂದರು. ಸಿನಿಮಾ ಪ್ರಚಾರ ಕಾರ್ಯಕ್ರಮದಲ್ಲಿ ಅವರ ಜೊತೆ ಸಿನಿಮಾದಲ್ಲಿ ನಟಿಸಿದ್ದ ಆದಿಲ್ ಖಾನ್ ಮತ್ತು ಸಾದಿಯ ಕೂಡ ಇದ್ದರು.
ಇನ್ನು ಕಾಶ್ಮೀರಿ ಸಂಸ್ಕೃತಿಯ ಪರಿಚಯವಾಗಲು ಆದಿಲ್ ಮತ್ತು ಸಾದಿಯಾ ಕಾಶ್ಮೀರದಲ್ಲಿ ಬೀಡುಬಿಟ್ಟಿದ್ದರು. ಇವರು ಕಾಶ್ಮೀರದಲ್ಲಿ ಆರು ತಿಂಗಳು ಕಳೆದಿದ್ದಾರೆ ಎಂದರು.
'ದಿ ಅನ್ಟೋಲ್ಡ್ ಸ್ಟೋರಿ ಆಫ್ ಕಾಶ್ಮೀರಿ ಪಂಡಿತ್' ಸಿನಿಮಾವೂ ಕಾಶ್ಮೀರಿ ಪಂಡಿತರ ಕತೆಯನ್ನ ಹೇಳುವ ಚಿತ್ರವಾಗಿದೆ. ಈ ಸಮುದಾಯ ಎಂತಹ ಕಠಿಣ ಪರಿಸ್ಥಿತಿ ಬಂದರೂ ಗನ್ ಎತ್ತಿಕೊಳ್ಳಲಿಲ್ಲ, ದ್ವೇಷವನ್ನು ಮಾಡಿಲ್ಲ. ಈ ಚಿತ್ರ ಸಂಪೂರ್ಣವಾಗಿ ಅವರ ಜೀವನ- ಸಂಸ್ಕೃತಿಯ ಕುರಿತದ್ದಾಗಿದೆ ಎಂದು ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.
ಇನ್ನು 'ಶಿಕಾರ' ಸಿನಿಮಾವೂ ನಾವು ದ್ವೇಷ ಮಾಡುವುದರಿಂದ ಏನನ್ನು ಸಾಧಿಸಲು ಸಾಧ್ಯವಿಲ್ಲ. ದ್ವೇಷದಿಂದ ನಮ್ಮನ್ನು ನಾವೇ ನಾಶಮಾಡಿಕೊಳ್ಳುತ್ತೇವೆ ಎಂಬುದು ಈ ಸಿನಿಮಾದ ಸಾರವಾಗಿದೆ.
