ಬಾಲಿವುಡ್ ಮಂದಿ ಹೊರಬಂದ್ರೆ ಸುತ್ತ ಸಾವಿರಾರು ಮಂದಿ ಮುತ್ತಿಕೊಳ್ತಾರೆ. ಇದಕ್ಕಂತಲೇ ಬಾಲಿವುಡ್ನ ಸೆಲೆಬ್ರಿಟಿಗಳು ಪರ್ಸನಲ್ ಬಾಡಿಗಾರ್ಡ್ಗಳ ನೇಮಕ ಮಾಡಿಕೊಂಡಿರುತ್ತಾರೆ. ಈ ಬಾಡಿಗಾರ್ಡ್ಸ್ ನಟ - ನಟಿಯರ ಹತ್ರ ಯಾರನ್ನೂ ಸುಳಿದಾಡಲು ಸಹ ಬಿಡುವುದಿಲ್ಲ. ಇಂತಹ ಬಾಡಿಗಾರ್ಡ್ಸ್ಗೆ ನಟಿ - ನಟಿಯರು ನೀಡುತ್ತಿರುವ ಸಂಭಾವನೆ ಏನು ಕಡಿಮೆಯಿಲ್ಲ.
ಅನುಷ್ಕಾ ಶರ್ಮಾ ಹಿಂದೆ ಸೋನು
ಇವರ ಸಂಭಾವನೆ ಕೇಳಿದ್ರೆ ನಿಮಗೂ ಸಹ ಶಾಕ್ ಆಗಬಹುದು. ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ತನ್ನ ಪರ್ಸನಲ್ ಬಾಡಿಗಾರ್ಡ್ ಇರದೇ ಮನೆಯಿಂದ ಹೊರ ಬರುವುದಿಲ್ಲ. ದೇಶದೊಳಗೆ ಅಷ್ಟೇ ಅಲ್ಲ ವಿದೇಶ ಪ್ರಯಾಣದಲ್ಲಿ ಈ ಬಾಡಿಗಾರ್ಡ್ ಹಾಜರಾಗಿರ್ತಾನೆ. ಪ್ರಕಾಶ್ ಸಿಂಗ್ ಆಕಾ ಸೋನು ಎಂಬ ಈ ಬಾಡಿಗಾರ್ಡ್ಗೆ ಅನುಷ್ಕಾ ವಾರ್ಷಿಕವಾಗಿ ಬರೋಬ್ಬರಿ 1.2 ಕೋಟಿ ರೂಪಾಯಿ ವೇತನ ನೀಡ್ತಾರಂತೆ.
ಸಲ್ಲು ಜೊತೆ ಶೆರಾ ನಂಟು
ಇನ್ನೊಂದೆಡೆ ಬಾಲಿವುಡ್ ಬ್ಯಾಡ್ ಬಾಯ್ ಸಲ್ಮಾನ್ ಖಾನ್ ಬಾಡಿಗಾರ್ಡ್ ಆಗಿರುವ ಶೆರಾ, ಸಲ್ಲು ಜೊತೆ ಕುಟುಂಬ ಸದಸ್ಯನಂತೆ ಕಾಣಿಸಿಕೊಳ್ಳುತ್ತಾರೆ. ಸಲ್ಲು ಎಲ್ಲಿಯೇ ಕಾಣಿಸಿಕೊಂಡರು ಅಲ್ಲಿ ಶೆರಾ ಇದ್ದೇ ಇರ್ತಾರೆ. ಈತ ವಾರ್ಷಿಕವಾಗಿ 2 ಕೋಟಿ ರೂಪಾಯಿ ವೇತನ ಪಡೆಯುತ್ತಿದ್ದಾರೆ ಎಂದರೆ ನೀವು ನಂಬಲೇಬೇಕು.
ಈತ ಬರೀ ಸಲ್ಮಾನ್ ಮಾತ್ರವಲ್ಲ ಅಂತಾರಾಷ್ಟ್ರೀಯ ಸೆಲೆಬ್ರಿಟಿಗಳಾದ ಮೈಕ್ ಟೈಸನ್ ಹಾಗೂ ಜಸ್ಟಿನ್ ಬೈಬರ್ ಮುಂಬೈ ಆಗಮಿಸಿದ್ದ ವೇಳೆಯೂ ಅವರಿಗೆ ಬಾಡಿಗಾರ್ಡ್ ಆಗಿ ಕಾರ್ಯನಿರ್ವಹಿಸಿದ್ದ.
ಹೆಚ್ಚು ವೇತನ ನೀಡೋ ಶಾರುಖ್
ಬಾದ್ ಶಾ ಶಾರುಖ್ ಖಾನ್ಗೆ 10 ವರ್ಷಗಳಿಂದಲೂ ರವಿ ಸಿಂಗ್ ಬಾಡಿಗಾರ್ಡ್ ಆಗಿದ್ದಾನೆ. ವರದಿಯ ಪ್ರಕಾರ ರವಿ ಬರೋಬ್ಬರಿ 2.7 ಕೋಟಿ ರೂಪಾಯಿ ವೇತನ ಪಡೆಯುತ್ತಿದ್ದಾರಂತೆ. ಬಿಟೌನ್ನಲ್ಲಿ ಅತೀ ಹೆಚ್ಚು ವೇತನ ಪಡೆಯುವ ಸೆಲೆಬ್ರಿಟಿ ಬಾಡಿಗಾರ್ಡ್ ಎನಿಸಿದ್ದಾರೆ.
ಬಿಗ್ ಬಿಗೆ ಟೈಟ್ ಸೆಕ್ಯೂರಿಟಿ
ಇತ್ತ ಬಾಲಿವುಡ್ ಬಿಗ್ ಬಿ ಅಮಿತಾಬ್ ಬಾಡಿಗಾರ್ಡ್ ಸಹ ಈ ಪಟ್ಟಿಯಲ್ಲಿದ್ದಾರೆ. ಜಿತೇಂದ್ರ ಶಿಂಧೆ ವಾರ್ಷಿಕವಾಗಿ 1.5 ಕೋಟಿ ವೇತನ ಪಡೆಯುತ್ತಿದ್ದು, ಬಿಗ್ ಬಿ ರಕ್ಷಣೆಯ ಕಾರ್ಯ ಮಾಡುತ್ತಿದ್ದಾರೆ.
ಡಿಪಿ ಜೊತೆ ಜಲಾಲ್
ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆಯ ಬಾಡಿಗಾರ್ಡ್ ಜಲಾಲ್ ಹಲವು ವರ್ಷದಿಂದ ಕೆಲಸ ಮಾಡ್ತಿದ್ದಾನೆ. ಈತ ದೀಪಿಕಾ ವಿವಾಹಕ್ಕಾಗಿ ಇಟಲಿಗೆ ತೆರಳಿದ್ದ ವೇಳೆ ಅಲ್ಲಿಯೂ ಕಾಣಿಸಿಕೊಂಡಿದ್ದ. 2019ರಲ್ಲಿ ಜಲಾಲ್ 80 ಲಕ್ಷ ವೇತನ ಪಡೆಯುತ್ತಿದ್ದನಂತೆ. ಆದರೆ ಈಗ ವಾರ್ಷಿಕ 1.2 ಕೋಟಿ ರೂಪಾಯಿ ಪಡೆಯುತ್ತಿದ್ದಾನೆ ಎಂಬ ವರದಿ ಇದೆ.
‘ಕಿಲಾಡಿ’ ಕಾಯಲು ಕೋಟಿ
ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಬಾಡಿಗಾರ್ಡ್ ಶ್ರೇಯಸ್ ಥಾಲೆ ವರ್ಷಕ್ಕೆ 1.2 ಕೋಟಿ ವೇತನ ಪಡೆಯುತ್ತಿದ್ದಾರೆ.
ಓದಿ: 2022ರಲ್ಲಿ ತೆರೆಗೆ ಬರಲಿದೆ ಮಣಿರತ್ನಂ ಅವರ 'ಪೊನ್ನಿಯಿನ್ ಸೆಲ್ವನ್' ಭಾಗ-1
