ಸಾಹೋ: ಎಲ್ಲಿ ಆರಂಭವಾಯ್ತೋ ಅಂತ್ಯ ಕೂಡಾ ಅಲ್ಲೇ..!

ಬಾಲಿವುಡ್ ಬಹುನಿರೀಕ್ಷಿತ 'ಸಾಹೋ' ಸಿನಿಮಾ ಚಿತ್ರೀಕರಣ ಕೊನೆಯ ಹಂತಕ್ಕೆ ಬಂದಿದ್ದು ಚಿತ್ರೀಕರಣ ಆರಂಭವಾದ ಮುಂಬೈನಲ್ಲೇ ಶೂಟಿಂಗ್ ಮುಗಿಸಲು ಚಿತ್ರತಂಡ ಪ್ಲಾನ್ ಮಾಡಿದೆ. ಸದ್ಯಕ್ಕೆ ಚಿತ್ರತಂಡ ಮುಂಬೈನಲ್ಲಿ ಬೀಡುಬಿಟ್ಟಿದೆ.

ಪ್ರಭಾಸ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಬಹುನಿರೀಕ್ಷಿತ 'ಸಾಹೋ' ಬಿಡುಗಡೆಗೆ ಆಗಸ್ಟ್​​ 15 ರಂದು ದಿನಾಂಕ ನಿಗದಿಯಾಗಿದೆ. ಇನ್ನು ಶೂಟಿಂಗ್ ಕೂಡಾ ಕೊನೆಯ ಹಂತಕ್ಕೆ ಬಂದಿದೆ.

ಹೈದರಾಬಾದ್, ಮುಂಬೈ , ಅರಬ್ ದೇಶಗಳಲ್ಲಿ ಚಿತ್ರದ ಹೆಚ್ಚಿನ ಭಾಗ ಚಿತ್ರೀಕರಿಸಲಾಗಿದೆ. ಕೆಲವೊಂದು ಸನ್ನಿವೇಶಗಳು ಬಾಕಿ ಇದ್ದು ಅವುಗಳ ಶೂಟಿಂಗ್ ಮಾತ್ರ ಬಾಕಿ ಇದೆ. ಚಿತ್ರದ ಶೂಟಿಂಗ್ ಮುಂಬೈನಲ್ಲಿ ಆರಂಭವಾಗಿತ್ತು. ಇದೀಗ ಮುಂಬೈನಲ್ಲಿ ಬೀಡು ಬಿಟ್ಟಿರುವ ಚಿತ್ರತಂಡ ಅಲ್ಲಿನ ಕೆಲವೊಂದು ಪ್ರಮುಖ ಸ್ಥಳಗಳಲ್ಲಿ ಸಾಹಸ ದೃಶ್ಯಗಳ ಚಿತ್ರೀಕರಣ ನಡೆಸಲು ಪ್ಲ್ಯಾನ್ ಮಾಡಿದೆ. ಈ ಮೂಲಕ ಚಿತ್ರೀಕರಣ ಎಲ್ಲಿ ಆರಂಭವಾಯ್ತೋ ಅಲ್ಲೇ ಅಂತ್ಯವಾಗುತ್ತಿದೆ.

ಶ್ರದ್ಧಾ ಕಪೂರ್, ನೀಲ್ ನಿತಿನ್ ಮುಖೇಶ್, ಅರುಣ್​​​​​​ ವಿಜಯ್, ವೆನ್ನಿಲ ಕಿಶೋರ್, ಮಂದಿರಾ ಬೇಡಿ ಹಾಗೂ ಇನ್ನಿತರ ನಟರು ಸಿನಿಮಾದಲ್ಲಿ ನಟಿಸಿದ್ದಾರೆ. UV ಕ್ರಿಯೇಶನ್ಸ್ ಬ್ಯಾನರ್ ಅಡಿ ವಂಶಿ ಹಾಗೂ ಪ್ರಮೋದ್ ಸಿನಿಮಾವನ್ನು ನಿರ್ಮಿಸಿದ್ದಾರೆ. ಶಂಕರ್ ಈಶನ್ ಲೊಯ್ ಸಿನಿಮಾದ ಹಾಡುಗಳಿಗೆ ಸಂಗೀತ ನೀಡಿದ್ದಾರೆ.