ನ್ಯಾಷನಲ್ ಕ್ರಷ್ ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ಸದ್ಯ ಬಾಲಿವುಡ್ ಸಿನಿಮಾ ಒಂದರಲ್ಲಿ ಅಭಿನಯಿಸುತ್ತಿದ್ದಾರೆ. ಬಾಲಿವುಡ್ ಬಿಗ್ ಬಿ ಅಮಿತಾಬ್ ಬಚ್ಚನ್ ಜೊತೆಗೆ 'ಗುಡ್ ಬೈ' ಚಿತ್ರದಲ್ಲಿ ಬಣ್ಣ ಹಚ್ಚಿರುವ ರಶ್ಮಿಕಾ ಅವರ ಒಂದಷ್ಟು ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿವೆ.
ಕಾಸ್ ಭಾಲ್ ಆ್ಯಕ್ಷನ್-ಕಟ್ ಹೇಳಿರುವ 'ಗುಡ್ ಬೈ' ಚಿತ್ರದ ಮೊದಲ ಶೆಡ್ಯೂಲ್‌ನ ಚಿತ್ರೀಕರಣ ಮುಕ್ತಾಯಗೊಂಡಿದೆ. ಈ ಹಿನ್ನೆಲೆ ಚಿತ್ರತಂಡ ವಿಶೇಷ ಪಾರ್ಟಿಯೊಂದನ್ನು ಆಯೋಜಿಸಿತ್ತು. ಅಮಿತಾಬ್ ಬಚ್ಚನ್,ರಶ್ಮಿಕಾ ಮಂದಣ್ಣ, ಎಲ್ಲಿ ಅವ್ರಾಮ್, ನೀನಾ ಗುಪ್ತಾ, ಪಾವೈಲ್ ಗುಲಾಟಿ ಸೇರಿದಂತೆ ಇಡೀ ಚಿತ್ರತಂಡ ಪಾಲ್ಗೊಂಡಿತ್ತು.
ಈ ಪಾರ್ಟಿಯ ವಿಶೇಷ ಅಂದರೆ ಅಮಿತಾಬ್ ಅವರ ಡಿಜೆ(DJ). ಈ ಸಂತೋಷ್‌ ಕೂಟದಲ್ಲಿ ಬಿಗ್ ಬಿ ಡಿಜೆಗೆ ಇಡೀ ಚಿತ್ರ ತಂಡ ಕುಣಿದು ಕುಪ್ಪಳಿಸಿದೆ. ಪಾರ್ಟಿಯಲ್ಲಿ ಹಾಡುಗಳಿಗೆ ನಟಿ ರಶ್ಮಿಕಾ ಮಂದಣ್ಣ ಸಹ ಹೆಜ್ಜೆ ಹಾಕಿದ್ದಾರೆ.
ಪಾರ್ಟಿಯಲ್ಲಿ ರಶ್ಮಿಕಾ ಡ್ಯಾನ್ಸ್ ಮಾಡಿರುವ ಫೋಟೋಗಳು ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ನಟ ಪಾವೈಲ್ ಗುಲಾಟಿ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಈ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. "ಡಿಜೆ ಅಮಿತಾಬ್ ಬಚ್ಚನ್ ಅವರೊಂದಿಗೆ ಎಂತಹ ಸುಂದರ ರಾತ್ರಿ!" ಎಂದು ಪಾವೈಲ್ ಬರೆದುಕೊಂಡಿದ್ದಾರೆ.
