ವಿಂಡೀಸ್ ಪ್ರವಾಸದಲ್ಲಿ ನಿರೀಕ್ಷಿತ ಪ್ರಮಾಣದಲ್ಲಿ ಪ್ರದರ್ಶನ ನೀಡದಿದ್ದರೂ ವಿರಾಟ್ ಕೊಹ್ಲಿ ಜನಪ್ರಿಯತೆ ಮಾತ್ರ ಕುಂದಿಲ್ಲ. ಕಪ್ತಾನ್ ಕೊಹ್ಲಿ ನೇರವಾಗಿ ಬಿಟೌನ್ ಕದ ತಟ್ಟಿದ್ದು, ಜೋಯಾ ಫ್ಯಾಕ್ಟರ್ ಸಿನಿಮಾದಲ್ಲಿ ಪುಟ್ಟ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ.
ಅರೇ, ಕೊಹ್ಲಿ ಬ್ಯಾಟ್ ಬಿಟ್ಟು ಮೇಕಪ್ ಹಚ್ಚಿ ನಟನೆಗಿಳಿದರಾ ಎನ್ನುವ ಮುನ್ನ ಪೂರ್ತಿ ಸುದ್ದಿ ಓದಿ... ಅಷ್ಟಕ್ಕೂ ಇಂತಹದ್ದೊಂದು ಸುದ್ದಿ ಹರಿದಾಡುತ್ತಿರಲು ಕಾರಣ ದುಲ್ಕರ್ ಸಲ್ಮಾನ್ ಹಾಗೂ ಸೋನಮ್ ಕಪೂರ್ ನಟನೆಯ ಬಹುನಿರೀಕ್ಷಿತ ಚಿತ್ರ ಜೋಯಾ ಫ್ಯಾಕ್ಟರ್ ಚಿತ್ರದ ಪ್ರಮೋಷನಲ್ ಟೀಸರ್.
ಸದ್ಯ ಬಿಡುಗಡೆಯಾಗಿರುವ ಟೀಸರ್ನಲ್ಲಿ ಕೊಹ್ಲಿ ಕಾಣಿಸಿಕೊಂಡಿದ್ದಾರೆ. ಅಸಲಿಗೆ ಇದು ಡೆಲ್ಲಿ ಡ್ಯಾಷರ್ ಕೊಹ್ಲಿ ಅಲ್ಲ. ಕೊಹ್ಲಿಯನ್ನೇ ಹೋಲುವ ಟಿಕ್ಟಾಕ್ ಸ್ಟಾರ್ ಗೌರವ್ ಅರೋರಾ. ಕೊಹ್ಲಿಯನ್ನೇ ಹೋಲುವ ಗೌರವ್, ಟಿಕ್ಟಾಕ್ನಲ್ಲಿ ಭಾರಿ ಜನಪ್ರಿಯತೆ ಗಳಿಸಿದ್ದರು. ಇದೇ ಜನಪ್ರಿಯತೆ ಜೋಯಾ ಫ್ಯಾಕ್ಟರ್ ಚಿತ್ರದವರೆಗೂ ತಂದು ನಿಲ್ಲಿಸಿದೆ.
ಜೋಯಾ ಫ್ಯಾಕ್ಟರ್ ಪ್ರಚಾರ ಅಂಗವಾಗಿ ಶೂಟ್ ಮಾಡಲಾಗಿರುವ ಒಂದು ನಿಮಿಷದ ಟೀಸರ್ನಲ್ಲಿ ಕೊಹ್ಲಿ ಪಾತ್ರ ಮಾಡಿದ್ದಾರೆ. ಸದ್ಯ ಟೀಸರ್ ನೋಡಿರುವ ಕೊಹ್ಲಿ ಅಭಿಮಾನಿಗಳು ನೆಚ್ಚಿನ ಆಟಗಾರ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರಾ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ.
- " class="align-text-top noRightClick twitterSection" data="">
