ಡಿಸೆಂಬರ್ನಲ್ಲಿ ಬಾಲಿವುಡ್ ಸ್ಟಾರ್ ಜೋಡಿಯಾದ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ವೈವಾಹಿಕ ಜೀವನಕ್ಕೆ ಕಾಲಿಟ್ಟು ಸುಖ ಜೀವನ ನಡೆಸುತ್ತಿದ್ದಾರೆ. ಮದುವೆ ಬಳಿಕ ಈ ಸ್ಟಾರ್ ದಂಪತಿ ತಮ್ಮ ನಡೆ - ನುಡಿಗಳಿಂದ ಎಲ್ಲರ ಮನ ಗೆಲ್ಲುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಆಗಾಗ ತಮ್ಮ ಫೋಟೋಗಳನ್ನು ಶೇರ್ ಮಾಡಿಕೊಳ್ಳುವುದರ ಮೂಲಕ ಸಖತ್ ಸದ್ದು ಮಾಡುವ ಈ ಕ್ಯೂಟ್ ಕಪಲ್ ಇದೀಗ ಮತ್ತೊಂದು ಫೋಟೋ ಮೂಲಕ ಸುದ್ದಿಯಲ್ಲಿದ್ದಾರೆ. ಹೌದು, ಕತ್ರಿನಾ ಕೈಫ್ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಪತಿ ವಿಕ್ಕಿ ಕೌಶಲ್ ಜೊತೆ ತೆಗೆದಿರುವ ಸೆಲ್ಫಿ ಶೇರ್ ಮಾಡಿದ್ದು, ಫ್ಯಾನ್ಸ್ ಮೆಚ್ಚಿಕೊಂಡಿದ್ದಾರೆ.
ಫೋಟೋದಲ್ಲಿ ಕೊಂಚ ಡಲ್ ಆಗಿ ಕಾಣುತ್ತಿರುವ ಕತ್ರಿನಾ ಫೋಟೋದೊಂದಿಗೆ 'sorry I'm sleepy' ಎಂದು ಬರೆದುಕೊಂಡಿದ್ದಾರೆ. ವೈಟ್ ಡ್ರೆಸ್ ವಿತ್ ಸ್ಟೈಲಿಶ್ ಸನ್ ಗ್ಲಾಸ್ನಲ್ಲಿ ಕ್ಯಾಟ್ ವಿಕ್ಕಿ ಸಖತ್ ಆಗಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಮಾ.31ಕ್ಕೆ 'ಶರ್ಮಾಜಿ ನಮ್‌ಕೀನ್' ಬಿಡುಗಡೆ: ತಂದೆ ನೆನೆದು ಭಾವುಕರಾದ ನಟ ರಣಬೀರ್ ಕಪೂರ್
ಈ ಜೋಡಿ ಆಗಾಗ್ಗೆ ತಮ್ಮ ಮುದ್ದಾದ ಫೋಟೋಗಳನ್ನು ಶೇರ್ ಮಾಡಿಕೊಳ್ಳುತ್ತಿರುತ್ತಾರೆ. ಹಾಗಾಗಿ ಕ್ಯೂಟ್ ಕಪಲ್ ಎಂದೇ ಫೇಮಸ್ ಆಗಿದ್ದಾರೆ ಈ ಜೋಡಿ. ಸದ್ಯ ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.
