ಹೈದರಾಬಾದ್: ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ಆಲಿಯಾ ಭಟ್ ಮುಖ್ಯ ಭೂಮಿಕೆಯಲ್ಲಿ ಸಿದ್ಧವಾಗಿರುವ ‘ಗಂಗುಬಾಯಿ ಕಥಿಯಾವಾಡಿ’ ಚಿತ್ರದ ಟೀಸರ್ ರಿಲೀಸ್ ಆಗಿದೆ. ಇದಕ್ಕೂ ಮೊದಲು ಸಿನಿಮಾ ರಿಲೀಸ್ ಡೇಟ್ ಘೋಷಣೆ ಮಾಡಿದ್ದರು.
ಇದೀಗ ಟೀಸರ್ ರಿಲೀಸ್ ಮಾಡಿದ್ದು, ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ. ಇಂದು ಸಂಜಯ್ ಲೀಲಾ ಬನ್ಸಾಲಿ 57ನೇ ಹುಟ್ಟುಹಬ್ಬ ಹಿನ್ನೆಲೆ ಟೀಸರ್ ರಿಲೀಸ್ ಆಗಿದ್ದು, ಈ ಕುರಿತು ನಟಿ ಆಲಿಯಾ ಭಟ್ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿ ಶುಭಹಾರೈಸಿದ್ದಾರೆ.
- " class="align-text-top noRightClick twitterSection" data="
">
ಅಲ್ಲದೆ ಟೀಸರ್ ಶೇರ್ ಮಾಡಿರುವ ಆಲಿಯಾ, ಜನ್ಮದಿನದ ಶುಭಾಶಯಗಳು ಸರ್... ನೀವು ಮತ್ತು ನಿಮ್ಮ ಜನ್ಮ ದಿನವನ್ನು ಆಚರಿಸಲು ಇದಕ್ಕಿಂತ ಉತ್ತಮವಾದ ಮಾರ್ಗವನ್ನು ಯೋಚಿಸಲಾರೆ. ಗಂಗುವನ್ನು ಭೇಟಿಯಾಗಿ... ಎಂದು ಬರೆದುಕೊಂಡಿದ್ದಾರೆ.
ಸದ್ಯ ಈ ಟೀಸರ್ನಲ್ಲಿ ಆಲಿಯಾ ಭಟ್ ಅಭಿನಯದ ಒಂದು ಕಿರುನೋಟ ಹೊರಬಿದ್ದಿದೆ. ಅವರ ಎಲ್ಲಾ ಚಿತ್ರಗಳಿಗಿಂತಲೂ ಈ ಚಿತ್ರದಲ್ಲಿ ಭಿನ್ನ ಪಾತ್ರದಲ್ಲಿ ನಟಿಸಿದ್ದು, ನೆನಪಿನಲ್ಲಿ ಉಳಿಯಬಹುದಾದ ಪಾತ್ರವಾಗುವ ಸಾಧ್ಯತೆ ದಟ್ಟವಾಗಿದೆ.
ಬನ್ಸಾಲಿ ಮತ್ತು ಆಲಿಯಾ ನಟನೆಯ ಮೊದಲ ಚಿತ್ರ ಇದಾಗಿದ್ದು, ಕಾಮಾಟಿಪುರದ ವೇಶ್ಯೆ ಗಂಗುಬಾಯಿ ಕೋಠೆವಾಲಿ ಜೀವನದ ಸತ್ಯ ಘಟನೆ ಆಧಾರಿತ ಚಿತ್ರವಾಗಿದೆ. ಈ ಮೊದಲು ಹುಸೇನ್ ಜೈದಿ ಬರೆದಿರುವ ‘ಮಾಫಿಯಾ ಕ್ವೀನ್ಸ್ ಆಫ್ ಮುಂಬೈ’ ಎಂಬ ಪುಸ್ತಕವನ್ನು ಸಿನಿಮಾವನ್ನಾಗಿ ಮಾಡಲಾಗಿದೆ. ಚಿತ್ರದಲ್ಲಿ ಆಲಿಯಾ ಹೊರತುಪಡಿಸಿ ಅಜಯ್ ದೇವಗನ್ ಮತ್ತು ವಿಕ್ರಾಂತ್ ಸಹ ಪ್ರಮುಖ ಪಾತ್ರದಲ್ಲಿದ್ದಾರೆ.
ಇದನ್ನೂ ಓದಿ: ಶ್ರೀದೇವಿ 3ನೇ ವರ್ಷದ ಪುಣ್ಯಸ್ಮರಣೆ..ಮೆಚ್ಚಿನ ನಟಿಯನ್ನು ಸ್ಮರಿಸಿದ ಅಭಿಮಾನಿಗಳು
