ಮಾಜಿ ಭುವನಸುಂದರಿ, ಬಾಲಿವುಡ್ ನಟಿ ಸುಷ್ಮಿತಾ ಸೇನ್ ಇಂದು 45ನೇ ವಸಂತಕ್ಕೆ ಕಾಲಿಟ್ಟಿದ್ಧಾರೆ. ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ಸುಷ್ಮಿತಾಗೆ ಅಭಿಮಾನಿಗಳು ಹಾಗೂ ಚಿತ್ರರಂಗದ ಗಣ್ಯರು ಶುಭ ಕೋರಿದ್ದಾರೆ. ಸುಷ್ಮಿತಾ, ತನ್ನ ಕುಟುಂಬ ಹಾಗೂ ಪ್ರಿಯಕರ ರೊಹ್ಮನ್ ಶಾಲ್ ಜೊತೆ ನಿನ್ನೆ ರಾತ್ರಿ ಕೇಕ್ ಕಟ್ ಮಾಡುವ ಮೂಲಕ ಬರ್ತ್ಡೇ ಆಚರಿಸಿಕೊಂಡಿದ್ದಾರೆ.
ಸುಷ್ಮಿತಾ ಸೇನ್ ಮೂಲತ: ಬೆಂಗಾಳಿ ಬ್ರಾಹ್ಮಣ ಕುಟುಂಬಕ್ಕೆ ಸೇರಿದವರು. 19 ನವೆಂಬರ್ 1975 ರಲ್ಲಿ ಹೈದರಾಬಾದ್ನಲ್ಲಿ ಜನಿಸಿದ ಸುಷ್ಮಿತಾ, ಚಿಕ್ಕಂದಿನಲ್ಲೇ ಮಾಡೆಲಿಂಗ್ ವೃತ್ತಿ ಆರಿಸಿಕೊಂಡರು. 1994 ಆರಂಭದಲ್ಲಿ ಫೆಮಿನಾ ಮಿಸ್ ಇಂಡಿಯಾ ಕಿರೀಟ ಹಾಗೂ ನಂತರ ಅದೇ ವರ್ಷ ಭುವನ ಸುಂದರಿ ಸ್ಪರ್ಧೆಯಲ್ಲಿ ಗೆದ್ದರು. 1994 ರಲ್ಲಿ 'ದಸ್ತಕ್' ಚಿತ್ರದ ಮೂಲಕ ಸುಷ್ಮಿತಾ ಬಾಲಿವುಡ್ ಚಿತ್ರರಂಗಕ್ಕೆ ಕಾಲಿಟ್ಟರು. ನಂತರ ಸಿರ್ಫ್ ತುಮ್, ಬೀವಿ ನಂ 1, ಫಿಜಾ, ಫಿಲಾಲ್, ಪೈಸಾ ವಸೂಲ್, ಬೇವಫಾ, ರಾಮ್ ಗೋಪಾಲ್ ವರ್ಮಾ ಕಿ ಆಗ್ ಸೇರಿ ಅನೇಕ ಸಿನಿಮಾಗಳಲ್ಲಿ ನಟಿಸಿದರು.
2015 ರಲ್ಲಿ 'ನಿರ್ಬಾಕ್' ಎಂಬ ಬೆಂಗಾಳಿ ಸಿನಿಮಾದಲ್ಲಿ ನಟಿಸಿದ ನಂತರ ಸುಷ್ಮಿತಾ ಮತ್ತೆ ಯಾವ ಚಿತ್ರಗಳಲ್ಲೂ ನಟಿಸಲಿಲ್ಲ. ಆ್ಯಕ್ಟಿಂಗ್ನಿಂದ ದೂರವೇ ಇರುವ ಈ ಭುವನ ಸುಂದರಿ ಸಮಾಜಮುಖಿ ಕಾರ್ಯಗಳಲ್ಲಿ ಬ್ಯುಸಿ ಇದ್ದಾರೆ. 2000 ರಲ್ಲಿ ರೀನಾ ಹಾಗೂ 2010 ರಲ್ಲಿ ಅಲಿಷಾ ಎಂಬ ಇಬ್ಬರು ಹೆಣ್ಣು ಮಕ್ಕಳನ್ನು ದತ್ತು ಪಡೆದ ಸುಷ್ಮಿತಾ ಆ ಹೆಣ್ಣು ಮಕ್ಕಳ ಸಂಪೂರ್ಣ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಸುಷ್ಮಿತಾ ವೈವಾಹಿಕ ವಿಚಾರಕ್ಕೆ ಬರುವುದಾದರೆ ಆಕೆ ಇನ್ನೂ ಮದುವೆಯಾಗಿಲ್ಲ. ಆದರೆ ತನಗಿಂತ 16 ವರ್ಷ ಕಿರಿಯ ಮಾಡೆಲ್ ರೊಹ್ಮನ್ ಶಾಲ್ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ. ಇಬ್ಬರೂ ಮದುವೆಯಾಗಲಿದ್ದೇವೆ ಎಂದು ಈ ಜೋಡಿ ಬಹಳ ವರ್ಷಗಳ ಹಿಂದೆಯೇ ಹೇಳಿಕೊಂಡಿತ್ತು. ತನ್ನ ಪ್ರಿಯಕರನೊಂದಿಗೆ ವರ್ಕೌಟ್ ಮಾಡುತ್ತಿರುವ ಅನೇಕ ಫೋಟೋ, ವಿಡಿಯೋಗಳನ್ನು ಸುಷ್ಮಿತಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಆಗ್ಗಾಗ್ಗೆ ಹಂಚಿಕೊಳ್ಳುತ್ತಿರುತ್ತಾರೆ.
