'ಥಾರ್​' ಸಿನಿಮಾ ಶೂಟಿಂಗ್​: ರಾಜಸ್ಥಾನಕ್ಕೆ ಬಂದ ಅನಿಲ್​ ಕಪೂರ್​

ಮುಂಬರುವ ಥಾರ್​ ಚಿತ್ರದ ಶೂಟಿಂಗ್​ ಹಿನ್ನೆಲೆಯಲ್ಲಿ ಬಾಲಿವುಡ್​ ನಟ ಅನಿಲ್​ ಕಪೂರ್ ರಾಜಸ್ಥಾನದ ದೇಸುರಿ ಪ್ರದೇಶದ ನರ್ಲೈ ರಾವ್ಲಾಕ್ಕೆ ಆಗಮಿಸಿದ್ದಾರೆ.

ಪಾಲಿ(ರಾಜಸ್ಥಾನ): ಬಾಲಿವುಡ್​ ನಟ ಅನಿಲ್​ ಕಪೂರ್​ ತಮ್ಮ ಮುಂಬರುವ 'ಥಾರ್​' ಚಿತ್ರದ ಶೂಟಿಂಗ್​ ಹಿನ್ನೆಲೆಯಲ್ಲಿ ರಾಜಸ್ಥಾನದ ದೇಸುರಿ ಪ್ರದೇಶದ ನರ್ಲೈ ರಾವ್ಲಾಕ್ಕೆ ಆಗಮಿಸಿದ್ದಾರೆ. ಇನ್ನು ಸಿನಿಮಾ ಚಿತ್ರೀಕರಣಕ್ಕಾಗಿ ಸುಮಾರು 15 ದಿನಗಳ ಕಾಲ ಇಲ್ಲಿಯೇ ಕಾಲಕಳೆಯಲಿದ್ದಾರೆ.

ಇನ್ನು ಥಾರ್​ ಸಿನಿಮಾದ ಶೂಟಿಂಗ್​ ರಾಜ್‌ಸಮಂದ್ ಜಿಲ್ಲೆಯ ರೂಪ್ ನಗರ ಗ್ರಾಮದಲ್ಲಿರುವ ಪ್ರಾಚೀನ ಕೋಟೆಯಲ್ಲಿ ನಡೆಸಲಾಗುತ್ತದೆ. ಇನ್ನು ನಟ ಅನಿಲ್​ ಕಪೂರ್ ಅವ​ರನ್ನು ನೋಡಲು ಅಭಿಮಾನಿಗಳು ದೌಡಾಯಿಸಿದ್ದರು.

ವಾರದ ಹಿಂದೆಯಷ್ಟೇ ಅನಿಲ್ ಕಪೂರ್ ಅವರ ಪುತ್ರ ಹರ್ಷವರ್ಧನ್ ಕಪೂರ್ ಕೂಡ ನರ್ಲೈಗೆ ಬಂದಿದ್ದರು. ಹರ್ಷವರ್ಧನ್ ಅವರು ಚಿತ್ರೀಕರಣಕ್ಕಾಗಿ ಸ್ಥಳವನ್ನು ವೀಕ್ಷಿಸುತ್ತಿದ್ದರು. ಸ್ಥಳವನ್ನು ನಿಗದಿಪಡಿಸಿದ ನಂತರ, ಅನಿಲ್ ಕಪೂರ್ ಬುಧವಾರ ಸಂಜೆ ನರ್ಲೈಗೆ ಬಂದಿದ್ದಾರೆ. ಈ ಬಳಿಕ ಅನಿಲ್ ಕಪೂರ್ ಸಹ ಸ್ಥಳವನ್ನು ನೋಡಿದ್ದು, ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.