ಬೆಂಗಳೂರು: 5ಜಿ ಯುಗದತ್ತ ಪರಿವರ್ತನೆಯ ಹಾದಿಯಲ್ಲಿ ಶಿಯೋಮಿ ಇಂಡಿಯಾ ಮಹತ್ತರ ಸಾಧನೆ ಮಾಡಿದೆ. ಶಿಯೋಮಿ ಇಂಡಿಯಾದ ರೆಡ್ಮಿ-12 (Redmi 12 Series) ಸಿರೀಸ್ ಲಾಂಚ್ ಆದ ಮೊದಲ ದಿನವೇ 3 ಲಕ್ಷಕ್ಕೂ ಅಧಿಕ ರೆಡ್ಮಿ12 5ಜಿ ಸ್ಮಾರ್ಟ್ಫೋನ್ಗಳು ಮಾರಾಟವಾಗಿದ್ದು ದಾಖಲೆಯಾಗಿದೆ. ರೆಡ್ಮಿ-12 5ಜಿ ಮತ್ತು ರೆಡ್ಮಿ 12 ಎಂಬ ಎರಡು ಸ್ಮಾರ್ಟ್ಫೋನ್ಗಳನ್ನು ಒಳಗೊಂಡಿರುವ ರೆಡ್ಮಿ-12 ಸರಣಿಯು ಈ ವಾರದ ಆರಂಭದಲ್ಲಿ ಮೊದಲ ಬಾರಿಗೆ ಅನಾವರಣಗೊಂಡಾಗಿನಿಂದ ತಜ್ಞರು ಮತ್ತು ಅಭಿಮಾನಿಗಳಿಂದ ಅದ್ಭುತ ಪ್ರತಿಕ್ರಿಯೆಯನ್ನು ಪಡೆದಿದೆ.
ರೆಡ್ಮಿ 12 ಸಿರೀಸ್ ಪ್ರೀಮಿಯಂ ಸ್ಮಾರ್ಟ್ ಫೋನ್ ಅನುಭವ ನೀಡುತ್ತದೆ ಮತ್ತು ಇದು ಫ್ಲ್ಯಾಗ್ ಶಿಪ್ ಗ್ರೇಡ್ನ ಕ್ರಿಸ್ಟಲ್ ಗ್ಲಾಸ್ ಬ್ಯಾಕ್ ವಿನ್ಯಾಸ ಹೊಂದಿದೆ. ಇಷ್ಟಾದರೂ ಇವುಗಳ ಬೆಲೆ ತುಂಬಾ ಸೂಕ್ತವಾಗಿದ್ದು, ಈ ಬೆಲೆಯಲ್ಲಿ ಅಸಾಧಾರಣ ಕಾರ್ಯಕ್ಷಮತೆಯನ್ನು ನೀಡುತ್ತವೆ. ನಿಜ ಹೇಳಬೇಕೆಂದರೆ ಇಷ್ಟು ಕಡಿಮೆ ಬೆಲೆಯಲ್ಲಿ ಇಷ್ಟು ಒಳ್ಳೆಯ ಫೋನ್ ಸಿಗುತ್ತಿರುವುದು ಹೊಸ ಮಾನದಂಡವನ್ನೇ ಸ್ಥಾಪಿಸಿದೆ.
ರೆಡ್ಮಿ-12 5 ಜಿ ಇದು 4ನೇ ಜೆನ್ ಸ್ನ್ಯಾಪ್ಡ್ರ್ಯಾಗನ್-2 5 ಜಿ ಪ್ರೊಸೆಸರ್ ಹೊಂದಿರುವ ಭಾರತದ ಮೊದಲ ಸ್ಮಾರ್ಟ್ ಫೋನ್ ಆಗಿದೆ. ಇದು ಉತ್ಕೃಷ್ಟ ಮಟ್ಟದ 4 ಎನ್ಎಂ ಆರ್ಕಿಟೆಕ್ಚರ್ ಅನ್ನು ಒಳಗೊಂಡಿದೆ. ವೇಗದ ಸಂಪರ್ಕಕ್ಕಾಗಿ ಪರಿಣಾಮಕಾರಿ 5 ಜಿ ಸಾಮರ್ಥ್ಯಗಳನ್ನು ಇದು ಹೊಂದಿದೆ.
ಜಾಗತಿಕವಾಗಿ ಪಾದಾರ್ಪಣೆ ಮಾಡುವುದರೊಂದಿಗೆ ಭಾರತದಲ್ಲಿಯೂ ರೆಡ್ಮಿ-12 5ಜಿ ಫೋನ್ಗಳನ್ನು ಪರಿಚಯಿಸಿದ ಶಿಯೋಮಿ ಮತ್ತೊಮ್ಮೆ ಸಾಟಿಯಿಲ್ಲದ 5ಜಿ ಅನುಭವಗಳನ್ನು ಜನಸಾಮಾನ್ಯರಿಗೆ ಲಭ್ಯವಾಗುವಂತೆ ಮಾಡುವ ಮೂಲಕ ದೇಶದ ಮುಂದಿನ ಡಿಜಿಟಲ್ ಕ್ರಾಂತಿಯ ಅಲೆಯನ್ನು ಮುನ್ನಡೆಸುವ ಕಂಪನಿಯಾಗಿ ಹೊರಹೊಮ್ಮಿದೆ.
ರೆಡ್ಮಿ-12 4ಜಿ ಈಗ 4ಜಿಬಿ +128 ಜಿಬಿಗೆ 8,999 ರೂ.ಗೆ ಮತ್ತು 6 ಜಿಬಿ + 128 ಜಿಬಿಗೆ 10,499 ರೂ.ಗೆ Mi ಡಾಟ್ com, Flipkart ಡಾಟ್ com, ಎಂಐ ಹೋಮ್ ಮತ್ತು ಎಂಐ ಸ್ಟುಡಿಯೋ ಮತ್ತು ಅಧಿಕೃತ ರಿಟೇಲ್ ಮಳಿಗೆಗಳಲ್ಲಿ ಲಭ್ಯವಿದೆ. ಹಾಗೆಯೇ ರೆಡ್ಮಿ-12 5ಜಿ 4 ಜಿಬಿ + 128 ಜಿಬಿಗೆ 10,999 ರೂ., 6 ಜಿಬಿ + 128 ಜಿಬಿಗೆ 12,499 ರೂ ಮತ್ತು 8 ಜಿಬಿ + 256 ಜಿಬಿಗೆ 14,499 ರೂ. ಬೆಲೆಗಳಲ್ಲಿ Mi ಡಾಟ್ com, Amazon ಡಾಟ್ com, ಎಂಐ ಹೋಮ್ ಮತ್ತು ಎಂಐ ಸ್ಟುಡಿಯೋ ಮತ್ತು ಅಧಿಕೃತ ರಿಟೇಲ್ ಮಳಿಗೆಗಳಲ್ಲಿ ಲಭ್ಯವಿದೆ.
ರೆಡ್ಮಿ-12 4ಜಿ ಖರೀದಿಸುವ ಗ್ರಾಹಕರು ಐಸಿಐಸಿಐ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಗಳನ್ನು ಬಳಸಿ ಖರೀದಿಸಿದರೆ 1,000 ರೂ.ಗಳ ತ್ವರಿತ ರಿಯಾಯಿತಿ ಪಡೆಯಬಹುದು. ಹಾಗೆಯೇ ಎಕ್ಚೇಂಜ್ ಆಫರ್ ಕೂಡ ಲಭ್ಯವಿದ್ದು ಈಗಾಗಲೇ ತಮ್ಮ ಬಳಿ ಇರುವ 4 ಜಿಬಿ ಮಾದರಿಯ ಶಿಯೋಮಿ ಫೋನ್ನ್ನು ನೀಡಿ ಹೊಸ ಫೋನ್ ಮೇಲೆ 1,000 ರೂ.ಗಳ ವಿನಿಮಯ ಬೋನಸ್ ಪಡೆಯಬಹುದು.
ಇದನ್ನೂ ಓದಿ : Meta AudioCraft: ಇದು ಪಠ್ಯದಿಂದ ಸುಮಧುರ ಸಂಗೀತ ಸೃಷ್ಟಿಸುವ AI ಚಾಟ್ಬಾಟ್
