ಕ್ಷುದ್ರಗ್ರಹದ ಮಾದರಿ ಸಂಗ್ರಹಿಸಿ ಭೂಮಿಗೆ ಸುರಕ್ಷಿತವಾಗಿ ಮರಳಿದ ನಾಸಾದ ಗಗನನೌಕೆ: ಫೋಟೋಗಳಿವೆ ನೋಡಿ..

OSIRIS-REx ಯೋಜನೆಯ ಭಾಗವಾಗಿರುವ ಕ್ಷುದ್ರಗ್ರಹ ಮಾದರಿಯನ್ನು ಹೊತ್ತ ನಾಸಾದ ಗಗನನೌಕೆ ಭೂಮಿಗೆ ಮರಳಿದೆ. ಇದು ಗ್ರಹ ಮತ್ತು ಸೌರವ್ಯೂಹದ ರಚನೆಯ ಒಳನೋಟದ ಬಗ್ಗೆ ಮಾಹಿತಿ ನೀಡುತ್ತದೆ.

ಅಮೆರಿಕ: ಐತಿಹಾಸಿಕ ವೈಜ್ಞಾನಿಕ ಸಾಧನೆಯಲ್ಲಿ ಕ್ಷುದ್ರಗ್ರಹ ಮಾದರಿಗಳನ್ನು ಸಂಗ್ರಹಿಸಿದ ನಾಸಾದ ಉಪಗ್ರಹ ಬಾಹ್ಯಾಕಾಶದಲ್ಲಿ ಏಳು ವರ್ಷಗಳ ಸುದೀರ್ಘ ಪ್ರಯಾಣದ ನಂತರ ನಿನ್ನೆ (ಸೆ.24) ಭೂಮಿಗೆ ಸುರಕ್ಷಿತವಾಗಿ ಮರಳಿತು. OSIRIS-REx (ಒರಿಜಿನ್ಸ್, ಸ್ಪೆಕ್ಟ್ರಲ್ ಇಂಟರ್ಪ್ರಿಟೇಶನ್, ರಿಸೋರ್ಸ್ ಐಡೆಂಟಿಫಿಕೇಶನ್ ಮತ್ತು ಸೆಕ್ಯುರಿಟಿ-ರೆಗೊಲಿತ್ ಎಕ್ಸ್‌ಪ್ಲೋರರ್) ಮಿಷನ್‌ನ ಭಾಗವಾಗಿರುವ ಈ ನೌಕೆಯು​ ಅಮೆರಿಕದ ಉತಾಹ್ ಮರುಭೂಮಿಯಲ್ಲಿ ಇಳಿದಿದೆ.

ಕ್ಷುದ್ರಗ್ರಹ ಮಾದರಿ ಸಂಗ್ರಹಿಸಿ ಭೂಮಿಗೆ ಮರಳಿದ ನಾಸಾದ ಗಗನನೌಕೆ

ಇದು ನ್ಯಾಷನಲ್ ಏರೋನಾಟಿಕ್ಸ್ ಮತ್ತು ಸ್ಪೇಸ್ ಅಡ್ಮಿನಿಸ್ಟ್ರೇಷನ್‌ನ (ನಾಸಾ) ಮೊದಲ ಕ್ಷುದ್ರಗ್ರಹ ಮಾದರಿ ರಿಟರ್ನ್ ಮಿಷನ್ ಆಗಿದೆ. ಭೂಮಿ, ಸೌರವ್ಯೂಹ ಹೇಗೆ ರೂಪುಗೊಂಡಿತು?, ಭೂಮಿಯ ಮೇಲೆ ಜೀವಿಗಳ ಉದಯಕ್ಕೆ ಕಾರಣವಾದ ಮೂಲವನ್ನು ಅನ್ವೇಷಿಸುವ ಗುರಿ ಹೊಂದಿದೆ.

ಉತಾಹ್ ಮರುಭೂಮಿಯಲ್ಲಿ ಸುರಕ್ಷಿತವಾಗಿ ಇಳಿದ ನಾಸಾದ ಗಗನನೌಕೆ

"ಅಮೆರಿಕದ ವಾಯುವ್ಯ ಉತಾಹ್‌ನಲ್ಲಿರುವ ಮಿಲಿಟರಿ ಪರೀಕ್ಷಾ ಕೇಂದ್ರದಲ್ಲಿ ಮಿಷನ್​ ಅನ್ನು ಸಾಫ್ಟ್​ ಲ್ಯಾಂಡಿಂಗ್​ ಮಾಡಲಾಗಿದೆ. ಒಸಿರಿಸ್ ರೆಕ್ಸ್ ಮಿಷನ್ ಕ್ಯಾಪ್ಸುಲ್‌ನ ಟಚ್‌ಡೌನ್ ಮಾದರಿ ಸಂಗ್ರಹಿಸಿ ಭೂಮಿಗೆ ವಾಪಸಾಗುವ ಮೂಲಕ 7 ವರ್ಷಗಳ ಕಾಲ ಕ್ಷುದ್ರಗ್ರಹ ಬೆನ್ನು ಹಿಂದೆ ಬಿದ್ದಿದ್ದ ಶತಕೋಟಿ ಮೈಲುಗಳ ಪ್ರಯಾಣ ಯಶಸ್ವಿಯಾಗಿ ಅಂತ್ಯಗೊಂಡಿತು" ಎಂದು ತಿಳಿಸಿದ ನಾಸಾ, ಲ್ಯಾಂಡಿಂಗ್ ಆದ ಮಿಷನ್‌ ಫೋಟೊ ಮತ್ತು ವಿಡಿಯೋಸಹಿತ ಮಾಹಿತಿ ಹಂಚಿಕೊಂಡಿದೆ.

ಉತಾಹ್ ಮರುಭೂಮಿಯಲ್ಲಿ ಸುರಕ್ಷಿತವಾಗಿ ಇಳಿದ ನಾಸಾದ ಗಗನನೌಕೆ

250 ಗ್ರಾಂ ಧೂಳು ಸಂಗ್ರಹ: 2020ರಲ್ಲಿ ಬಾಹ್ಯಾಕಾಶ ನೌಕೆಯ ಬೆನ್ನು ಕ್ಷುದ್ರಗ್ರಹದ ಮೇಲ್ಮೈ ಸ್ಪರ್ಶಿಸಿತು. ಬಳಿಕ ಕ್ಷುದ್ರಗ್ರಹದಿಂದ ಕಲ್ಲು ಮತ್ತು ಧೂಳಿನ ಮಾದರಿ ಪಡೆಯಿತು. ಇಂದು ಅದು ಭೂಮಿಯ ಮೂಲಕ ಹಾದು ಕ್ಷುದ್ರಗ್ರಹ ವಸ್ತುವನ್ನು ಹೊಂದಿರುವ ಮಾದರಿ ಕ್ಯಾಪ್ಸುಲ್ ಅನ್ನು ಹೊರಹಾಕಿತು. ಇದು ಕ್ಷುದ್ರಗ್ರಹದ ಕಲ್ಲಿನ ಮೇಲ್ಮೈಯಿಂದ ಸರಿಸುಮಾರು ಒಂಬತ್ತು ಔನ್ಸ್ (250 ಗ್ರಾಂ) ಧೂಳು ಸಂಗ್ರಹಿಸಿದೆ.

ನಾಸಾದ ಕ್ಷುದ್ರಗ್ರಹ ಮಾದರಿ ರಿಟರ್ನ್ ಮಿಷನ್

ಮಾದರಿ ಕುರಿತು ಪರಿಶೀಲನೆ: ವಿಜ್ಞಾನಿಗಳ ಪ್ರಕಾರ, ಇಂಗಾಲ ಸಮೃದ್ಧ ಕ್ಷುದ್ರಗ್ರಹ ಕನಿಷ್ಠ ಒಂದು ಕಪ್ ಕಲ್ಲು ಮಣ್ಣುಗಳನ್ನು ನೀಡುತ್ತದೆ ಎಂದು ನಿರೀಕ್ಷಿಸಲಾಗಿತ್ತು. ಈ ಹಿಂದಿನ ಎರಡು ಕ್ಷುದ್ರಗ್ರಹ ಮಾದರಿಗಳಿಗಿಂತ ಹೆಚ್ಚು ಈಗ ತಂದಿರುವ ಮಾದರಿ ಅತ್ಯಧಿಕ ಪ್ರಮಾಣದಲ್ಲಿದೆ ಎನ್ನಲಾಗಿದೆ. ಸಂಗ್ರಹವಾದ ಮಾದರಿ ಕುರಿತು ನಾಸಾ ಪರಿಶೀಲನೆ ಪ್ರಾರಂಭಿಸಲಿದೆ. ಯಾವುದೇ ಸಂಭಾವ್ಯ ಹಾನಿಕಾರಕ ಪರಿಣಾಮಗಳನ್ನು ತೊಡೆದುಹಾಕಲು ಅವರ ಸಂಪೂರ್ಣ ನೈರ್ಮಲ್ಯ ಪ್ರಕ್ರಿಯೆಯನ್ನು ಅನುಸರಿಸಿ, ಸಂಗ್ರಹಿಸಿದ ಮಾದರಿಗಳು ಶೀಘ್ರದಲ್ಲೇ ಹೂಸ್ಟನ್‌ನಲ್ಲಿರುವ ನಾಸಾದ ಜಾನ್ಸನ್ ಬಾಹ್ಯಾಕಾಶ ಕೇಂದ್ರದಲ್ಲಿ ಮೀಸಲಾದ ಕ್ಯುರೇಶನ್ ಪ್ರಯೋಗಾಲಯದಲ್ಲಿ ಸುರಕ್ಷಿತವಾಗಿ ಇರಿಸಲಾಗುತ್ತದೆ. ಕಠಿಣ ಶುಚಿಗೊಳಿಸುವಿಕೆ ಮತ್ತು ಪರಿಶೀಲನೆಯು ತಮ್ಮ ಮೂಲಸ್ಥಿತಿಯನ್ನು ಸಮರ್ಥವಾಗಿ ಮಾರ್ಪಡಿಸುವ ಯಾವುದೇ ಐಹಿಕ ಮಾಲಿನ್ಯಕಾರಕಗಳನ್ನು ನಿವಾರಿಸುತ್ತದೆ. ಹೀಗಾಗಿ ನಾಸಾ ಮಾದರಿಗಳ ಸಮಗ್ರತೆಯನ್ನು ಸಂರಕ್ಷಿಸುತ್ತದೆ.

• Live Now: #OSIRISREx delivers the US's first pristine asteroid sample after a 3.86 billion-mile journey. Watch landing live from @DeptOfDefense's Utah Test & Training Range. Use #AskNASA to send us your questions. https://t.co/biS33u6RtP

  — NASA (@NASA) September 24, 2023 " class="align-text-top noRightClick twitterSection" data="

  Live Now: #OSIRISREx delivers the US's first pristine asteroid sample after a 3.86 billion-mile journey. Watch landing live from @DeptOfDefense's Utah Test & Training Range. Use #AskNASA to send us your questions. https://t.co/biS33u6RtP

  — NASA (@NASA) September 24, 2023

  ">

  Live Now: #OSIRISREx delivers the US's first pristine asteroid sample after a 3.86 billion-mile journey. Watch landing live from @DeptOfDefense's Utah Test & Training Range. Use #AskNASA to send us your questions. https://t.co/biS33u6RtP

  — NASA (@NASA) September 24, 2023

ಸೌರವ್ಯೂಹದ ಆರಂಭಿಕ ಇತಿಹಾಸದ ಅಧ್ಯಯನ: ಈ ಮಾದರಿಗಳನ್ನು ಪರಿಪೂರ್ಣ ಸ್ಥಿತಿಯಲ್ಲಿ ಸಂರಕ್ಷಿಸಲು ಉದ್ದೇಶಿಸಲಾಗಿದೆ. "ಭವಿಷ್ಯದ ಪೀಳಿಗೆಗೆ ಪರೀಕ್ಷಿಸಲು ಮತ್ತು ಅಧ್ಯಯನ ಮಾಡಲು ಹೆಚ್ಚಿನ ಭಾಗವನ್ನು ಕಾಯ್ದಿರಿಸುವ ಮೂಲಕ ಅವುಗಳನ್ನು ಜಗತ್ತಿನಾದ್ಯಂತದ ವಿಜ್ಞಾನಿಗಳಿಗೆ ಲಭ್ಯವಾಗುವಂತೆ ಮಾಡಲಾಗುವುದು" ಎಂದು ಯುಎಸ್ ಬಾಹ್ಯಾಕಾಶ ಸಂಸ್ಥೆ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. "ಇದು ಅಂತಹ ಸಣ್ಣ ಪ್ರಮಾಣದ ಕ್ಷುದ್ರಗ್ರಹ ಧೂಳು ಕೂಡ ಭೂಮಿಗೆ ಅಪಾಯ ಉಂಟುಮಾಡುವ ಕ್ಷುದ್ರಗ್ರಹಗಳ ಪ್ರಕಾರಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ನಮಗೆ ಸಹಾಯ ಮಾಡುತ್ತದೆ ಮತ್ತು ನಮ್ಮ ಸೌರವ್ಯೂಹದ ಆರಂಭಿಕ ಇತಿಹಾಸದ ಮೇಲೆ ಬೆಳಕು ಚೆಲ್ಲುತ್ತದೆ" ಎಂದು ನಾಸಾ ನಾಸಾ ವಿಜ್ಞಾನಿ ಆಮಿ ಸೈಮನ್ ತಿಳಿಸಿದ್ದಾರೆ.

ಕ್ಷುದ್ರಗ್ರಹದಿಂದ ಮಾದರಿ ಹೊತ್ತು ತಂದ ಕ್ಯಾಪ್ಸುಲ್

ಆಸಕ್ತಿ ಕೆರಳಿಸಿದ ಬೆನ್ನು: ಕ್ಷುದ್ರಗ್ರಹಗಳು, ಕೆಲವೊಮ್ಮೆ ಸಣ್ಣ ಗ್ರಹಗಳು ಎಂದು ಕರೆಯಲ್ಪಡುತ್ತವೆ. ಸುಮಾರು 4.6 ಶತಕೋಟಿ ವರ್ಷಗಳ ಹಿಂದೆ ನಮ್ಮ ಸೌರವ್ಯೂಹದ ಆರಂಭಿಕ ರಚನೆಯಿಂದ ಉಳಿದಿರುವ ಕಲ್ಲಿನ ಅವಶೇಷಗಳಾಗಿವೆ. ಈ ಪ್ರಾಚೀನ ಬಾಹ್ಯಾಕಾಶ ಶಿಲಾಖಂಡರಾಶಿಗಳ ಬಹುಪಾಲು ಮುಖ್ಯ ಕ್ಷುದ್ರಗ್ರಹ ಪಟ್ಟಿಯೊಳಗೆ ಮಂಗಳ ಮತ್ತು ಗುರುಗಳ ನಡುವೆ ನಮ್ಮ ಸೂರ್ಯನನ್ನು ಸುತ್ತುತ್ತಿರುವುದನ್ನು ಕಾಣಬಹುದು. ಬೆನ್ನು ಅಂತಹ ಒಂದು ಕ್ಷುದ್ರಗ್ರಹವಾಗಿದ್ದು ಅದು ವಿಜ್ಞಾನಿಗಳ ಆಸಕ್ತಿಯನ್ನು ಕೆರಳಿಸಿದೆ. ಬೆನ್ನು ಸುಮಾರು 500 ಮೀಟರ್ (1,640 ಅಡಿ) ವ್ಯಾಸವನ್ನು ಹೊಂದಿರುವ ಕಾರ್ಬನ್‌ನಲ್ಲಿ ಸಮೃದ್ಧವಾಗಿದೆ ಮತ್ತು ಅದರ ಖನಿಜಗಳೊಳಗೆ ಬಂಧಿಸಲ್ಪಟ್ಟಿರುವ ನೀರಿನ ಅಣುಗಳನ್ನು ಹೊಂದಿರಬಹುದು ಎಂದು ಊಹಿಸಲಾಗಿದೆ.

ನಾಸಾದಿಂದ ಒಸಿರಿಸ್-ರೆಕ್ಸ್ ಮಿಷನ್ ಕುರಿತ ಇನ್ನಷ್ಟು ಮಾಹಿತಿ ಬಹಿರಂಗಗೊಳ್ಳುವ ಸಾಧ್ಯತೆ ಇದೆ. ಭೂಮಿಗೆ ಲ್ಯಾಂಡ್ ಆಗುವುದಕ್ಕೂ ಮೊದಲು ಒಸಿರಿಸ್ ರೆಕ್ಸ್ ಮಾದರಿಯ ಕ್ಯಾಪ್ಸುಲ್ ಅನ್ನು ಬಾಹ್ಯಾಕಾಶ ನೌಕೆಯು ಅನ್ನು 63,000 ಮೈಲಿಗಳಿಂದ ಅಂದರೆ 100,000 ಕಿಲೋ ಮೀಟರ್ ದೂರದಿಂದಲೇ ಬಿಡುಗಡೆ ಮಾಡಿತು. ಮತ್ತೊಂದು ಕ್ಷುದ್ರಗ್ರಹದ ನಂತರ ಮದರ್‌ಶಿಪ್ ಹೊರಟಂತೆ ಸಣ್ಣ ಕ್ಯಾಪ್ಸುಲ್ ನಾಲ್ಕು ಗಂಟೆಗಳ ನಂತರ ಲ್ಯಾಂಡ್ ಆಯಿತು. ಈ ಮಿಷನ್ ರಿಕವರಿ ಕಾರ್ಯಾಚರಣೆ ಬಗ್ಗೆ ಅಧಿಕೃತವಾಗಿ ಘೋಷಿಸುತ್ತಿದ್ದಂತೆ ನಾಸಾ ಸಾಧನೆ ವಿಶ್ವಕ್ಕೆ ತಲುಪಿದೆ. ಭೂಮಿಗೆ ಬಂದ ಈ ಮಾದರಿಯು ಆರೇಂಜ್ ಪಟ್ಟೆಯುಳ್ಳದ್ದಾಗಿದೆ. ಇದು ನಿರೀಕ್ಷಿತ ಪ್ರಮಾಣಕ್ಕಿಂತಲೂ ದೊಡ್ಡದಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಉತಾಹ್‌ನಲ್ಲಿರುವ ಮಿಲಿಟರಿ ಪರೀಕ್ಷಾ ಕೇಂದ್ರದಲ್ಲಿ ಮಿಷನ್

ಅಸಾಧ್ಯವೂ ಸಾಧ್ಯ: "ಇದು ಭೂಮಿಯ ಮೇಲೆ ಈವರೆಗೆ ಸ್ವೀಕರಿಸಿದ ಅತಿದೊಡ್ಡ ಕ್ಷುದ್ರಗ್ರಹ ಮಾದರಿ. ಇದರಿಂದ ಅಸಾಧ್ಯವು ಸಾಧ್ಯವಾಯಿತು ಇದು ವಿಜ್ಞಾನಿಗಳಿಗೆ ಗ್ರಹದ ರಚನೆಯನ್ನು ಅನ್ವೇಷಿಸಲು ಸಹಾಯ ಮಾಡುತ್ತದೆ. ಇದು ಭೂಮಿಯ ಮೇಲೆ ಪ್ರಭಾವ ಬೀರುವ ಕ್ಷುದ್ರಗ್ರಹಗಳ ಬಗ್ಗೆ ನಮ್ಮ ತಿಳುವಳಿಕೆಯನ್ನು ಸುಧಾರಿಸುತ್ತದೆ. ಅಲ್ಲದೇ ಇದು ನಮ್ಮ ಸೌರವ್ಯೂಹದ ಮೂಲ ಮತ್ತು ಅದರ ರಚನೆಯ ಬಗ್ಗೆ ಒಳ ನೋಟವನ್ನು ನೀಡುತ್ತದೆ" ಎಂದು ನಾಸಾ ನಿರ್ವಾಹಕ ಬಿಲ್ ನೆಲ್ಸನ್ ಹೇಳಿದರು.

ಕ್ಷುದ್ರಗ್ರಹ ಮಾದರಿಗಳ ಮಹತ್ವವೇನು?: ಕ್ಷುದ್ರಗ್ರಹ ಮಾದರಿಗಳು ಸೌರವ್ಯೂಹದ ರಚನೆಯ ಹಿಂದಿನ ರಹಸ್ಯವನ್ನು ಬಿಚ್ಚಿಡಲು ಸಹಾಯ ಮಾಡುತ್ತವೆ. ಏಕೆಂದರೆ ಅವು ನಮ್ಮ ಸೌರವ್ಯೂಹದ ರಚನೆಯ ಆರಂಭಿಕ ದಿನಗಳಲ್ಲಿ ಆಕಾಶದ ಅವಶೇಷಗಳಾಗಿವೆ ಎಂದು ನಂಬಲಾಗಿದೆ. ಇವು ಸುಮಾರು 4.5 ಶತಕೋಟಿ ವರ್ಷಗಳಷ್ಟು ಹಿಂದಿನವು. ಹೀಗಾಗಿ, ಕ್ಷುದ್ರಗ್ರಹದಿಂದ ನೇರವಾಗಿ ತರಲಾದ ಮಾದರಿಯು ಅಮೂಲ್ಯವಾದ ಒಳನೋಟಗಳನ್ನು ಒದಗಿಸುತ್ತದೆ.

ಕ್ಷುದ್ರಗ್ರಹಗಳು ಒಂದು ಅರ್ಥದಲ್ಲಿ, ಸಮಯದ ಕ್ಯಾಪ್ಸುಲ್ಗಳಾಗಿ ಕಾರ್ಯನಿರ್ವಹಿಸುತ್ತವೆ. ನಮ್ಮ ಸೌರವ್ಯೂಹದ ಪ್ರಾಚೀನ ಇತಿಹಾಸವನ್ನು ಸಂರಕ್ಷಿಸುತ್ತವೆ ಮತ್ತು ಜೀವನದ ಪೂರ್ವಗಾಮಿ ವಸ್ತುಗಳ ಬಗ್ಗೆ ಸಂಭಾವ್ಯ ಸುಳಿವುಗಳನ್ನು ಹೊಂದಿರುತ್ತವೆ ಎಂದು ನಾಸಾ ಹೇಳುತ್ತದೆ.

ಇದನ್ನೂ ಓದಿ: ನಾಸಾ ವಿಶ್ಲೇಷಣೆ..100+ ವರ್ಷಗಳವರೆಗೆ ಕ್ಷುದ್ರಗ್ರಹ ಅಪೋಫಿಸ್‌ನಿಂದ ಭೂಮಿ ಸುರಕ್ಷಿತ