ನ್ಯೂಯಾರ್ಕ್(ಅಮೆರಿಕ): ದೂರದ ಯಾವುದೇ ವಸ್ತುವನ್ನು ಕಂಪ್ಯೂಟರ್ ಸಹಾಯದಿಂದ ಅತಿ ಸಮೀಪವಾಗಿ ತೋರಿಸುವ ವರ್ಚುಯಲ್ ರಿಯಾಲಿಟಿ ಹೆಡ್ಸೆಟ್ನ ಹೊಸ ಮಾದರಿಯನ್ನು ಮೆಟಾ ಸಂಸ್ಥೆ ಅಭಿವೃದ್ಧಿಪಡಿಸಿದ್ದು, ಅಕ್ಟೋಬರ್ನಲ್ಲಿ ಇದನ್ನು ಬಿಡುಗಡೆ ಮಾಡಲಾಗುವುದು ಎಂದು ಫೇಸ್ಬುಕ್ ಸಂಸ್ಥಾಪಕ ಮಾರ್ಕ್ ಜುಕರ್ಬರ್ಗ್ ಘೋಷಿಸಿದ್ದಾರೆ.
ಮಾಧ್ಯಮ ಸಂವಾದದಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ ಜುಕರ್ಬರ್ಗ್, ಸಂಸ್ಥೆಯ ಪ್ರಸ್ತುತ ಇರುವ ಕ್ವೆಸ್ಟ್ 2 ಗಿಂತ ಉನ್ನತ ಮಟ್ಟದ ಹೆಡ್ಸೆಟ್ ಇದಾಗಿದೆ. ಇದನ್ನು ಧರಿಸಿರುವವರ ದೇಹ ಭಾಷೆ ಹೆಚ್ಚು ನೈಜವಾಗಿರಲಿದೆ. ಹೆಡ್ಸೆಟ್ನಲ್ಲಿ ಸುಧಾರಿತ ನೋಟ, ಟ್ರ್ಯಾಕಿಂಗ್ ವ್ಯವಸ್ಥೆ ಅಳವಡಿಸಲಾಗಿದೆ ಎಂದರು.
ಇತ್ತೀಚೆಗೆ ಜನರು ಮೌಖಿಕಕ್ಕಿಂತಲೂ ಅಮೌಖಿಕ ಸಂವಹನಕ್ಕೆ ಹೆಚ್ಚು ಆದ್ಯತೆ ನೀಡಿದ್ದು, ಇದನ್ನು ವಿರ್ ಹೆಡ್ಸೆಟ್ಗಳು ಪೂರ್ತಿ ಮಾಡಲಿವೆ. ಇದನ್ನು ಧರಿಸಿ ನಗುತ್ತಿದ್ದರೆ ಅಥವಾ ಮುಖ ಗಂಟಿಕ್ಕಿದರೆ, ಕುಟುಕಿದರೆ ಅಥವಾ ಯಾವುದೇ ಅಭಿವ್ಯಕ್ತಿಯನ್ನು ತೋರಿಸಿದಲ್ಲಿ ಅದು ನೈಜವಾಗಿರುವಂತೆ ಈ ಹೆಡ್ಸೆಟ್ ಮಾಡುತ್ತದೆ ಎಂದು ಅವರು ತಿಳಿಸಿದರು.
ಹೊಸ ಹೆಡ್ಸೆಟ್ನ ಬೆಲೆಯ ಬಗ್ಗೆ ನಿಖರ ಮಾಹಿತಿ ಇಲ್ಲವಾದರೂ, ಮೆಟಾ ಕ್ವೆಸ್ಟ್ 2 ಗಿಂತ ಎರಡು ಪಟ್ಟು ಹೆಚ್ಚು ದುಬಾರಿಯಾಗಿದೆ. 800 ಡಾಲರ್ ಬೆಲೆಯಲ್ಲಿ ಇದು ಲಭ್ಯವಾಗಲಿದೆ ಎಂದು ಅಂದಾಜಿಸಲಾಗಿದೆ. ಇದರ ಆಂತರಿಕ ಫೀಚರ್ಗಳ ಬಗ್ಗೆಯೂ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.
ಓದಿ: ಅ.12ರೊಳಗೆ ಬೆಂಗಳೂರು ಸೇರಿ 13 ನಗರಗಳಲ್ಲಿ 5ಜಿ ಸೇವೆ ಆರಂಭಿಸಲಿರುವ ಕೇಂದ್ರ ಸರ್ಕಾರ
