ಬೆಂಗಳೂರು: ಮೊದಲ ಪ್ರಯತ್ನದಲ್ಲೇ ಎಲ್ಲರ ಗಮನ ಸೆಳೆದ ಸ್ಮಾರ್ಟ್ ಫೋನ್ ಎಂದರೆ ಅದು ನಥಿಂಗ್. ಲಂಡನ್ ಮೂಲದ ನಥಿಂಗ್ ಸ್ಮಾರ್ಟ್ ಫೋನ್ ಕಳೆದ ವರ್ಷ ಭಾರತದ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆಯನ್ನು ಸೃಷ್ಟಿಸಿಕೊಂಡಿತು. ಈ ಬೆನ್ನಲ್ಲೇ ಇದೀಗ ಈ ಎಲೆಕ್ಟ್ರಾನಿಕ್ ಬ್ರಾಂಡ್ ತನ್ನ ಮುಂದಿನ ಉತ್ಪಾದನೆಯನ್ನು ಅಂದರೆ, ನಥಿಂಗ್ (2) ಸ್ಮಾರ್ಟ್ಫೋನ್ ಉತ್ಪಾದನೆ ಘಟಕ ಸ್ಥಾಪನೆಗೆ ಸಂಸ್ಥೆ ಮುಂದಾಗಿದೆ.
ತನ್ನ ಪಾರದರ್ಶಕ ವಿನ್ಯಾಸದ ಮೂಲಕ ನಥಿಂಗ್ ಸ್ಮಾರ್ಟ್ಫೋನ್ ಎಲ್ಲರನ್ನು ಮೋಡಿ ಮಾಡಿತ್ತು. ಈ ವಿನ್ಯಾಸಕ್ಕೆ ಹೈಟೆಕ್ ಉತ್ಪಾದನಾ ಪ್ರಕ್ರಿಯೆ ಮತ್ತು ಪರಿಣಿತ ಇಂಜಿನಿಯರ್ಗಳು ಅಗತ್ಯವಾಗಿದ್ದಾರೆ. ಈ ಹಿನ್ನೆಲೆ ಭಾರತದಲ್ಲಿ ಈ ಉತ್ಪಾದನಾ ಸಾಮರ್ಥ್ಯಗಳು ಹೆಚ್ಚಿದ್ದು, ಇಲ್ಲಿ ಉತ್ಪಾದನೆ ಆರಂಭಿಸಲು ಮುಂದಾಗಿದೆ ಎಂದು ನಥಿಂಗ್ ಇಂಡಿಯಾದ ವಿಪಿ ಮತ್ತು ಜಿಎಂ ಆಗಿರುವ ಮನು ಶರ್ಮಾ ತಿಳಿಸಿದ್ದಾರೆ.
ಭಾರತದಲ್ಲಿ ನಮ್ಮ ಉತ್ಪಾದನೆಯು ಸ್ಥಳೀಯ ಗ್ರಾಹಕರ ಮತ್ತು ಬೇಡಿಕೆಯ ಬುದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ನಾವು ಭಾರತದಲ್ಲಿ ಫೋನ್(2) ಉತ್ಪಾದನೆ ಮಾಡುವುದನ್ನು ಘೋಷಿಸಲು ಹೆಮ್ಮೆಯಾಗುತ್ತಿದೆ. ಸಾಫ್ಟ್ವೇರ್ ಮತ್ತು ಹಾರ್ಡ್ವೇರ್ನಲ್ಲಿ ಎರಡರಲ್ಲೂ ಸಮಾನವಾಗಿ ನಾವು ಅಭಿವೃದ್ಧಿ ಗುರಿ ಹೊಂದಿದ್ದೇವೆ. ಇದಕ್ಕಾಗಿ 100 ಮಂದಿ ಇನ್ಹೌಸ್ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ನಥಿಂಗ್ 1ಬಲ್ಲಿ ಇದನ್ನು ಹೊರಗಿನವರಿಗೆ ಗುತ್ತಿಗೆ ನೀಡಲಾಗಿತ್ತು ಎಂದಿದ್ದಾರೆ.
ಈ ಸ್ಮಾರ್ಟ್ಫೋನ್ 200mAh ಬ್ಯಾಟರಿಯ ಮತ್ತು ಫೋನ್ (1) ಗಿಂತ 0.15-ಇಂಚಿನ ದೊಡ್ಡದಾದ ಪರದೆಯನ್ನು ಒಳಗೊಂಡಿದೆ. ಕಾರ್ಯಕ್ಷಮತೆಯ ಉತ್ತಮವಾಗಿದೆ. ಇನ್ನು ಕಳೆದ ತಿಂಗಳು ಫೋನ್ 2 ಬಗ್ಗೆ ಮಾಹಿತಿ ನೀಡಿದ ನಥಿಂಗ್ ಸಂಸ್ಥಾಪಕ ಕಾರ್ಲ್ ಪೀ ಅವರು ಫೋನ್ (2) ಅನ್ನು ಸ್ನಾಪ್‌ಡ್ರಾಗನ್ 8 ಸರಣಿಯ ಚಿಪ್‌ಸೆಟ್‌ನಿಂದ ನಡೆಸಲಾಗುವುದು ಎಂದು ಹೇಳಿದರು, ಇದು ಫೋನ್ (1) ನಿಂದ ಸ್ಪಷ್ಟ ಅಪ್‌ಗ್ರೇಡ್ ಆಗಿದೆ. ಫೋನ್ (1) ಗೆ ಹೋಲಿಸಿದರೆ ಫೋನ್ (2) ನಲ್ಲಿ ಅಪ್ಲಿಕೇಶನ್ ವೇಗವಾಗಿ ತೆರೆಯುತ್ತದೆ. ಒಟ್ಟಾರೆ 80 ಪ್ರತಿಶತದಷ್ಟು ಕಾರ್ಯಕ್ಷಮತೆಯ ಸುಧಾರಣೆ ಹೊಂದಿರಲಿದೆ ಎಂದಿದ್ದರು. ಬ್ರಿಟಿಷ್ ಬೇಸಿಗೆಯ ಸಮಯದ ಅಂದರೆ ಜುಲೈನಲ್ಲಿ ಈ ಫೋನ್ ಮಾರುಕಟ್ಟಗೆ ಬರಲಿದೆ ಎಂದು ಸಂಸ್ಥೆ ಈ ಹಿಂದೆ ತಿಳಿಸಿತು.
ನಥಿಂಗ್ 2 ವಿಶೇಷತೆ: ಈ ಫೋನ್ ಹಿಂದಿನ ಸರಣಿಗಿಂತ ದೊಡ್ಡ ಡಿಸ್ಪ್ಲೇ ಹೊಂದಿರಲಿದೆ. ಡಿಸ್ಪ್ಲೇ 6.7 ಇಂಚ್ ಇರಲಿದೆ. ಮಧ್ಯಮ ಗಾತ್ರದ ಬಜೆಟ್ ಹೊಂದಿರಲಿದೆ. ಫೋನ್ 2 ಅನ್ನು ಸುಸ್ಥಿರ ಮಾರುಕಟ್ಟೆಗೆ ಅನುಗುಣವಾಗಿ ವಿನ್ಯಾಸ ಮಾಡಲಾಗಿದೆ. ಇದು 4.700 mAh ಬ್ಯಾಟರಿ ಹೊಂದಿರಲಿದೆ. ಹಳೆಯದರಂತೆ ಇದು ಕೂಡ ಫಾಸ್ಟ್ ಚಾರ್ಜಿಂಗ್ ಹೊಂದಿರಲಿದೆ. ಇದನ್ನು 5ಜಿ ಫೋನ್ಗೆ ಅನುಗುಣವಾಗಿ ರೂಪಿಸಲಿದೆ.
ಭಾರತದಲ್ಲಿ ನಥಿಂಗ್: ನಥಿಂಗ್ ಸಂಸ್ಥೆ ಹೇಳುವಂತೆ ಭಾರತದಲ್ಲಿ ತಮ್ಮ ನಾಲ್ಕು ಉತ್ಪನ್ನಗಳ ಮೂಲಕ ಹೆಚ್ಚಿನ ಗ್ರಾಹಕರನ್ನು ಸಂಸ್ಥೆ ಹೊಂದಿದೆ. ನಥಿಂಗ್ ಇಯರ್(1), ನಥಿಂಗ್ ಇಯರ್ ಸ್ಟಿಕ್, ನಥಿಂಗ್ ಇಯರ್(2) ಮತ್ತು ನಥಿಂಗ್ ಫೋನ್(1) ಅನ್ನು ಭಾರತದಲ್ಲಿ ಈಗಾಗಲೇ ಬಿಡುಗಡೆ ಮಾಡಿದೆ. ಸಂಸ್ಥೆ ಕೂಡ ದೇಶದಲ್ಲಿ ತಮ್ಮ ಗ್ರಾಹಕರ ಬೆಂಬಲವನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ.
ಇದನ್ನೂ ಓದಿ: ಚಿಪ್ಸೆಟ್ ಫೋನ್ನ ಹಾರ್ಟ್ ಆ್ಯಂಟ್ ಬ್ರೈನ್: ಗ್ರಾಹಕರಲ್ಲಿ ಹೆಚ್ಚಿದ ಅರಿವು
