ನವದೆಹಲಿ: ಜನಪ್ರಿಯ ಮೊಬೈಲ್ ತಯಾರಿಕಾ ಸಂಸ್ಥೆಯಾದ ಆ್ಯಪಲ್ ಇದೇ ಮೊದಲ ಬಾರಿಗೆ ತನ್ನ ಐಫೋನ್ 14 ಪ್ರೊ ಮೊಬೈಲ್ನಲ್ಲಿ 8 ಜಿಬಿ RAM ಸಾಮರ್ಥ್ಯವನ್ನು ಒದಗಿಸಿದೆ. ಇದು ಈ ವರ್ಷದ ಸೆಪ್ಟೆಂಬರ್ನಲ್ಲಿ ದೇಶದ ಮಾರುಕಟ್ಟೆ ಪ್ರವೇಶಿಸುವ ನಿರೀಕ್ಷೆ ಇದೆ.
ಐಫೋನ್ 14 ಪ್ರೊನಲ್ಲಿ ನೀಡಲಾದ ಅತ್ಯಧಿಕ ಮೆಮೊರಿಯ ಮೊದಲ ಮೊಬೈಲ್ ಇದಾಗಿದೆ. 8 ಜಿಬಿ RAM ಹೊಂದುವ ಮೂಲಕ ಸ್ಯಾಮ್ಸಂಗ್ ಗ್ಯಾಲಾಕ್ಸಿ ಮೊಬೈಲ್ಗೆ ತತ್ಸಮಾನವಾದ ಮೊಬೈಲ್ ಇದಾಗಲಿದೆ. ಅಲ್ಲದೇ ಈ ಹಿಂದೆ ಇಷ್ಟು ಪ್ರಮಾಣದ ಇನ್ಬಿಲ್ಟ್ ಸಾಮರ್ಥ್ಯದ ಮೊಬೈಲ್ ಅನ್ನು ಆ್ಯಪಲ್ ಬಿಡುಗಡೆ ಮಾಡಿಲ್ಲ ಎಂದು ಆ್ಯಪಲ್ಇನ್ಸೈಡರ್ ವರದಿ ಮಾಡಿದೆ.
ಮುಂಬರುವ ಐಫೋನ್ 14 ಪ್ರೊ ಡಿಸ್ಪ್ಲೇಯ ಮೇಲ್ಭಾಗದಲ್ಲಿ ಫೇಸ್ ಐಡಿ, ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ. ಐಫೋನ್ ಪ್ರೊ ಮಾದರಿ ಮೊಬೈಲ್ ಅತ್ಯುತ್ತಮ ಕ್ಯಾಮೆರಾ ಹೊಂದಿದೆ ಎಂದು ಹೇಳಲಾಗಿದೆ.
ಪ್ರಸ್ತುತ ಪ್ರೊ ಐಫೋನ್ಗಳು 12MP ಕ್ಯಾಮೆರಾ ಹೊಂದಿವೆ. iPhone 14 Pro 48MP ಸಾಮರ್ಥ್ಯದ ಕ್ಯಾಮೆರಾ ಒಳಗೊಂಡಿದೆ. ಎರಡು ಸಿಮ್ ಕಾಡ್ ಸ್ಲಾಟ್ ಇರಲಿದೆ. ಈ ವರ್ಷದ ಸೆಪ್ಟೆಂಬರ್ನೊಳಗೆ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡಲು ತಯಾರಿ ನಡೆಸುವಂತೆ ಆ್ಯಪಲ್ ಸಂಸ್ಥೆ ಸಲಹೆ ನೀಡಿದೆ ಎಂದು ವರದಿಯಾಗಿದೆ.
- 12MP ಕ್ಯಾಮೆರಾ ಬದಲಾಗಿ iPhone 14 Proನಲ್ಲಿ 48MP ಸಾಮರ್ಥ್ಯದ ಕ್ಯಾಮೆರಾ
- ಡಿಸ್ಪ್ಲೇ ಮೇಲ್ಭಾಗದಲ್ಲಿ 2 ರಂಧ್ರಗಳಿದ್ದು ಅದು ಫೇಸ್ ಐಡಿ ಮತ್ತೊಂದು ಕ್ಯಾಮೆರಾ ಇರಲಿದೆ.
- 8 ಜಿಬಿ ಸಾಮರ್ಥ್ಯದ ಮೊದಲ ಐಫೋನ್ ಇದಾಗಿದೆ.
ಇದನ್ನೂ ಓದಿ: ಈ ವರ್ಷ ನಾಲ್ಕು ಹೊಸ ಮ್ಯಾಕ್ಗಳೊಂದಿಗೆ M2 ಚಿಪ್ ಪ್ರಾರಂಭಿಸಲಿರುವ ಆಪಲ್ ಕಂಪನಿ: ವರದಿ