ನವದೆಹಲಿ: ಪಿಸಿ ಮತ್ತು ಪ್ರಿಂಟರ್ಗಳನ್ನು ತಯಾರಿಸುವ ಪ್ರಖ್ಯಾತ ಕಂಪನಿ HP Inc ಕಂಟೆಂಟ್ ಕ್ರಿಯೇಟರ್‌ಗಳಿಗಾಗಿ ವಿಶೇಷವಾಗಿ ತಯಾರಿಸಲಾಗಿರುವ ಹೊಸ ಶ್ರೇಣಿಯ Envy x360 15 ಲ್ಯಾಪ್ಟಾಪ್ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಈ ಲ್ಯಾಪ್ಟಾಪ್ಗಳು 15.6-ಇಂಚಿನ OLED ಟಚ್ ಡಿಸ್ಪ್ಲೇ ಮತ್ತು ಬಾಳಿಕೆ ಬರುವ 360 ಡಿಗ್ರಿ ಹಿಂಜ್ ಅನ್ನು ಹೊಂದಿವೆ. ಇವುಗಳ ಆರಂಭಿಕ ಬೆಲೆ 82,999 ರೂಪಾಯಿಗಳಾಗಿದೆ.
ಎಚ್ಪಿ ಯ ಹೊಸ Envy x360 15 ಶ್ರೇಣಿಯ ಲ್ಯಾಪ್ಟಾಪ್ಗಳು ಕಂಟೆಂಟ್ ರಚನೆಕಾರರಿಗೆ ಉತ್ತಮ ದರ್ಜೆಯ ಡಿಸ್ಪ್ಲೇ ಮತ್ತು ಸ್ಮಾರ್ಟ್, ಉನ್ನತ ಕಾರ್ಯಕ್ಷಮತೆಯ ಉತ್ಪಾದಕತೆಯ ವೈಶಿಷ್ಟ್ಯಗಳ ಮೂಲಕ ತಮ್ಮ ಸೃಜನಶೀಲತೆ ಮತ್ತು ಅಭಿವ್ಯಕ್ತಿಗೆ ಅನುವು ಮಾಡಿಕೊಡುತ್ತದೆ ಎಂದು ಎಚ್ಪಿ ಇಂಡಿಯಾದ ಪರ್ಸನಲ್ ಸಿಸ್ಟಮ್ಸ್ ವಿಭಾಗದ ಹಿರಿಯ ನಿರ್ದೇಶಕ ವಿಕ್ರಮ್ ಬೇಡಿ ಹೇಳಿದ್ದಾರೆ.
ಈ ಲ್ಯಾಪ್ಟಾಪ್ನಲ್ಲಿ ಏನೇನೆಲ್ಲ ವಿಶೇಷತೆಗಳಿವೆ?: ಉತ್ತಮ ಡಿಸ್ಪ್ಲೇ ಮತ್ತು ಶಕ್ತಿಯುತ ಕಾರ್ಯಕ್ಷಮತೆಗಾಗಿ ಹೊಸ HP Envy x360 15 ಪೋರ್ಟ್‌ಫೋಲಿಯೊ ಇಂಟೆಲ್ ಐರಿಸ್ Xe ಗ್ರಾಫಿಕ್ಸ್‌ನೊಂದಿಗೆ ಸಂಯೋಜಿಸಲ್ಪಟ್ಟ 12 ನೇ Gen ಇಂಟೆಲ್ ಕೋರ್ EVO i7 ಪ್ರೊಸೆಸರ್‌ ಅನ್ನು ಹೊಂದಿದೆ. ಕಂಪನಿಯ ಪ್ರಕಾರ ಈ ಲ್ಯಾಪ್ಟಾಪ್ನ ಫ್ಲಿಕ್ಕರ್-ಫ್ರೀ ಮತ್ತು ಆ್ಯಂಟಿ ರಿಫ್ಲೆಕ್ಷನ್ ಸ್ಕ್ರೀನ್ ದೀರ್ಘಾವಧಿ ಬಾಳಿಕೆ ಬರುತ್ತದೆ ಮತ್ತು ಅತ್ಯುತ್ತಮ ಬಣ್ಣಗಳ ಸಂಯೋಜನೆಯನ್ನು ನೀಡುತ್ತದೆ.
ಕಣ್ಣಿನ ಆಯಾಸವನ್ನು ಕಡಿಮೆ ಮಾಡಲು ಐಸೇಫ್ ಡಿಸ್ಪ್ಲೇ ಇದರಲ್ಲಿದೆ. ವೇಗವಾದ ಸಂವಹನಕ್ಕಾಗಿ ಎಮೋಜಿ ಕೀಬೋರ್ಡ್ ಇದ್ದು, 5MP IR ಕ್ಯಾಮೆರಾವನ್ನು ಆಟೋ ಫ್ರೇಮ್ ತಂತ್ರಜ್ಞಾನ ಮತ್ತು ವರ್ಧಿತ ಗೌಪ್ಯತೆಗಾಗಿ AI Noise reduction ನಂಥ ವೈಶಿಷ್ಟ್ಯಗಳನ್ನು ಹೊಂದಿದೆ.
ಹೊಸ Envy x360 15 ಶ್ರೇಣಿಯು ಲ್ಯಾಪ್ಟಾಪ್ಗಳನ್ನು ಸಾಗರದಲ್ಲಿ ತೇಲುವ ಪ್ಲಾಸ್ಟಿಕ್ ತ್ಯಾಜ್ಯ ಮತ್ತು ಮರುಬಳಕೆಯ ಅಲ್ಯೂಮಿನಿಯಂ ಬಳಸಿ ತಯಾರಿಸಲಾಗಿದೆ. ಇದು ಹೆಚ್ಚಿನ ಸ್ಕ್ರೀನ್ ಕಾಣುವಂತೆ ಮತ್ತು ಸ್ಕ್ರೋಲಿಂಗ್ ಕಡಿಮೆ ಇರುವಂತೆ ಶೇಕಡಾ 88 ರಷ್ಟು ಸ್ಕ್ರೀನ್-ಟು-ಬಾಡಿ ಅನುಪಾತದೊಂದಿಗೆ ಹೆಚ್ಚು ಸ್ಕ್ರೀನ್ನ ಪ್ರದರ್ಶನವನ್ನು ಹೊಂದಿದೆ. HP 'ಫಾಸ್ಟ್ ಚಾರ್ಜ್' ತ್ವರಿತ ಚಾರ್ಜಿಂಗ್‌ನೊಂದಿಗೆ ದೀರ್ಘ ಬ್ಯಾಟರಿ ಅವಧಿಯನ್ನು ಸಕ್ರಿಯಗೊಳಿಸುತ್ತದೆ. ಇದರ ಬ್ಯಾಟರಿ 10 ಗಂಟೆಗಳ ಬ್ಯಾಟರಿ ಅವಧಿಯನ್ನು ಹೊಂದಿದೆ.
ಹೊಸ ಅಪ್ಡೇಟ್ ಬಿಡುಗಡೆ ಮಾಡಿದ ವಾಟ್ಸ್ಆ್ಯಪ್: ಮೆಟಾ ಮಾಲೀಕತ್ವದ WhatsApp ಆಪಲ್ ಆ್ಯಪ್ ಸ್ಟೋರ್‌ನಲ್ಲಿ ಇತ್ತೀಚಿನ 23.1.75 ಅಪ್ಡೇಟ್ ಅನ್ನು ನೀಡಿದೆ. ಮಾಧ್ಯಮ ವರದಿಯ ಪ್ರಕಾರ, ಈ ಅಪ್ಡೇಟ್ ಗ್ರೂಪ್ ಆ್ಯಡ್ಮಿನ್ಗಳಿಗೆ ಹೊಸ ಶಾರ್ಟ್‌ಕಟ್‌ಗಳನ್ನು ನೀಡಲಿದೆ. ಈ ಶಾರ್ಟ್‌ಕಟ್‌ಗಳು ವಾಟ್ಸ್ಆ್ಯಪ್ ಗ್ರೂಪ್ನಲ್ಲಿ ಗ್ರೂಪ್ ಅಡ್ಮಿನ್‌ಗಳು ನಿರ್ದಿಷ್ಟ ಕಾಂಟ್ಯಾಕ್ಟ್ ನಂಬರ್ ಒಂದರ ಮೇಲೆ ಕ್ರಮ ಕೈಗೊಳ್ಳುವುದನ್ನು ಸುಲಭವಾಗಿಸಲಿವೆ.
ಯಾರಾದರೊಬ್ಬರು ಗ್ರೂಪ್ಗೆ ಸೇರಿದಾಗ ಅಥವಾ ಗ್ರೂಪ್ ತೊರೆದಾಗ ಅಂಥ ಸಂದರ್ಭಗಳಲ್ಲಿ ಬಳಕೆದಾರರ ಕಾಂಟ್ಯಾಕ್ಟ್ ನಂಬರ್ ಅನ್ನು ವಾಟ್ಸ್ಆ್ಯಪ್ ಈಗ ಹೈಲೈಟ್ ಮಾಡುತ್ತದೆ. ಹೊಸ ಅಪ್‌ಡೇಟ್‌ನೊಂದಿಗೆ, ಗ್ರೂಪ್ ಅಡ್ಮಿನ್‌ಗಳು ವಾಟ್ಸ್ಆ್ಯಪ್ನಲ್ಲಿ ಕಾಂಟ್ಯಾಕ್ ನಂಬರ್ ಅನ್ನು ಟ್ಯಾಪ್ ಆ್ಯಂಡ್ ಹೋಲ್ಡ್ ಮಾಡುವ ಮೂಲಕ ತ್ವರಿತವಾಗಿ ಕರೆಗಳನ್ನು ಮಾಡಲು ಸಾಧ್ಯವಾಗಲಿದೆ. ಅಲ್ಲದೆ ಆ್ಯಡ್ಮಿನ್ಗಳು ಗ್ರೂಪ್ನಲ್ಲಿ ಇರುವವರೊಂದಿಗೆ ಖಾಸಗಿಯಾಗಿ ಚಾಟ್ ಮಾಡಬಹುದು.
ಇದನ್ನೂ ಓದಿ: ರೋಲಿಂಗ್ ಡಿಸ್ಪ್ಲೇ ಲ್ಯಾಪ್ಟಾಪ್ ಪ್ರದರ್ಶಿಸಿದ ಲೆನೊವೊ
