ನವದೆಹಲಿ: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ದೇಶದ ಅತಿದೊಡ್ಡ ಬ್ಯಾಂಕ್. ತನ್ನ ಗ್ರಾಹಕರ ಹಿತಾಸಕ್ತಿ ಕಾಪಾಡಲು ಯೋನೊ ಮತ್ತು ಯೊನೊ ಲೈಟ್ನಲ್ಲಿ ಹೊಸ ಮತ್ತು ವರ್ಧಿತ ಭದ್ರತಾ ಪೀಚರ್ಗಳನ್ನು ಬಿಡುಗಡೆ ಮಾಡಿದೆ. ಈ ಪ್ಲಾಟ್‌ಫಾರ್ಮ್‌ಗಳ ಹೊಸ ಆವೃತ್ತಿಯು ಗ್ರಾಹಕರನ್ನು ವಿವಿಧ ಡಿಜಿಟಲ್ ವಂಚನೆಗಳಿಂದ ರಕ್ಷಿಸುತ್ತದೆ ಎಂದು ಸಂಸ್ಥೆ ಹೇಳಿಕೊಂಡಿದೆ.
ಸಿಮ್ ಬೈಂಟಿಂಗ್ (SIM Binding) ಯೊನೊ ಮತ್ತು ಯೋನೊ ಲೈಟ್ ಬ್ಯಾಂಕಿನಲ್ಲಿ ನೋಂದಾಯಿಸಲಾದ ಮೊಬೈಲ್ ಸಂಖ್ಯೆಗಳ ಸಿಮ್ ಹೊಂದಿರುವ ಸಾಧನಗಳಲ್ಲಿ ಮಾತ್ರ ಕಾರ್ಯ ನಿರ್ವಹಿಸುತ್ತದೆ. ಸುಧಾರಿತ ಭದ್ರತಾ ವೈಶಿಷ್ಟ್ಯಗಳೊಂದಿಗೆ ಯೋನೊ ಮತ್ತು ಯೋನೊ ಲೈಟ್‌ನ ಹೊಸ ಆವೃತ್ತಿಯನ್ನು ಪಡೆಯಲು ಬಳಕೆದಾರರು ತಮ್ಮ ಮೊಬೈಲ್ ಅಪ್ಲಿಕೇಷನ್ ಅನ್ನು ಅಪ್ಡೇಟ್ ಮಾಡಬೇಕಾಗಿದೆ.
ಈ ಆ್ಯಪ್ನಲ್ಲಿ ಒಂದು ಬಾರಿ ನೋಂದಣಿ ಪ್ರಕ್ರಿಯೆ ಪೂರ್ಣಗೊಳಿಸಬೇಕು. ನೋಂದಣಿ ಪ್ರಕ್ರಿಯೆ ನೋಂದಾಯಿಸುವ ಪ್ರಕ್ರಿಯೆಯು ನೋಂದಾಯಿತ ಮೊಬೈಲ್ ಸಂಖ್ಯೆಯ (RMN) ಸಿಮ್ ಅನ್ನು ಬ್ಯಾಂಕಿನೊಂದಿಗೆ ಪರಿಶೀಲಿಸುತ್ತದೆ. ಗ್ರಾಹಕರು ನೋಂದಾಯಿತ ಸಂಪರ್ಕ ಸಂಖ್ಯೆಯ ಸಿಮ್ ಹೊಂದಿರುವ ಸಾಧನದಲ್ಲಿ ತಮ್ಮನ್ನು ನೋಂದಾಯಿಸಿಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳಬೇಕು.
ಓದಿ: ಐಪಿಒಗೆ Policy bazaar ನಿಂದ ಸೆಬಿಗೆ 6,017.5-ಕೋಟಿ ರೂ. ಕರಡು ದಾಖಲೆ ಸಲ್ಲಿಕೆ
ಯೊನೊ ಮತ್ತು ಯೊನೊ ಲೈಟ್ ಒಂದು ಮೊಬೈಲ್ ಸಾಧನ - ಒಂದು ಬಳಕೆದಾರ - ಒಂದು RMN ನ ಮೂಲ ನಿಯಮದೊಂದಿಗೆ ಕೆಲಸ ಮಾಡುತ್ತದೆ. ಆದಾಗ್ಯೂ ಗ್ರಾಹಕರು ಬ್ಯಾಂಕಿನೊಂದಿಗೆ RMN ನ ಸಿಮ್ ಬಳಸಿ ಒಂದೆ ಮೊಬೈಲ್ ಸಾಧನದಲ್ಲಿ ಯೊನೊ ಮತ್ತು ಯೊನೊ ಲೈಟ್ ಎರಡನ್ನೂ ಬಳಸಬಹುದು.
ಒಂದು ವೇಳೆ ಗ್ರಾಹಕರು ಬ್ಯಾಂಕಿನಲ್ಲಿ ನೋಂದಾಯಿಸದ ಮೊಬೈಲ್ ಸಂಖ್ಯೆಯನ್ನು ಬಳಸುತ್ತಿದ್ದರೆ, ಅವರು ಯೊನೊ ಮತ್ತು ಯೊನೊ ಲೈಟ್ನಲ್ಲಿ ನೋಂದಣಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಸಾಧ್ಯವಾಗುವುದಿಲ್ಲ. ಹೊಸ ಸಿಮ್ ಬೈಂಡಿಂಗ್ ವೈಶಿಷ್ಟ್ಯವು ಎರಡು ವಿಭಿನ್ನ ಬಳಕೆದಾರರಿಗೆ ಯೊನೊ ಮತ್ತು ಯೊನೊ ಲೈಟ್ ಅನ್ನು ಪ್ರತ್ಯೇಕವಾಗಿ ಡ್ಯುಯಲ್ ಸಿಮ್ ಹ್ಯಾಂಡ್‌ಸೆಟ್‌ನಲ್ಲಿ ಪ್ರವೇಶಿಸಲು ಅನುವು ಮಾಡಿಕೊಡುತ್ತದೆ. ಎರಡೂ ಬಳಕೆದಾರರ RMN ನ ಸಿಮ್‌ಗಳನ್ನು ಸಾಧನದಲ್ಲಿ ಸೇರಿಸಲಾಗಿದೆ.
