ಸ್ಯಾನ್ ಫ್ರಾನ್ಸಿಸ್ಕೊ: ಮೆಸೆಂಜರ್ ಗ್ರೂಪ್ ವಿಡಿಯೋ ಕರೆಗಳು ಫೇಸ್ಬುಕ್ ಲೈವ್ ಆಗಿ ಜುಲೈ 24 ರಿಂದ ಕೆಲ ದೇಶಗಳಲ್ಲಿ ಬದಲಾಗಿವೆ.
ಕ್ರಿಯೇಟ್ ರೂಂ ಎಂಬ ಹೊಸ ಫೀಚರ್ನ್ನು ಫೇಸ್ಬುಕ್ ಪರಿಚಯಿಸಿದೆ. ಅತೀ ಶೀಘ್ರದಲ್ಲಿ ಎಲ್ಲಾ ದೇಶಗಳಿಗೆ ಇದು ವಿಸ್ತಾರಗೊಳ್ಳಲಿದೆ. ಮೆಸೆಂಜರ್ ಮೊಬೈಲ್ ಆ್ಯಪ್, ಡೆಸ್ಕ್ ಟಾಪ್ಗಳಲ್ಲಿ ಇದು ಲಭ್ಯವಾಗಲಿದೆ. ಹೊಸ ಫೀಚರ್ ಕ್ರಿಯೇಟ್ ರೂಂ ಮೂಲಕ ನಾವು ಒಂದು ಗ್ರೂಪ್ ಕ್ರಿಯೇಟ್ ಮಾಡಿ, ಫ್ರೊಫೈಲ್, ಪೇಜ್ ಮತ್ತು ಗ್ರೂಪ್ಗಳಿಗೆ ಬ್ರಾಡ್ ಕಾಸ್ಟ್ ಮಾಡಬಹುದು ಮತ್ತು ಜನರನ್ನು ಆಹ್ವಾನಿಸಬಹುದು ಎಂದು ಫೇಸ್ ಬುಕ್ ಹೇಳಿದೆ.
ವಾಟ್ಸ್ ಆ್ಯಪ್ ಮತ್ತು ಮೆಸೆಂಜರ್ ನಡುವೆ ಪ್ರತಿ ದಿನ 700 ಮಿಲಿಯನ್ ಖಾತೆಗಳಿಂದ ಕರೆಗಳು ವಿನಿಮಯ ಆಗುತ್ತವೆ. ಜೂನ್ 2020 ರಿಂದ ಕೆಲ ದೇಶಗಳಲ್ಲಿ ವಾಟ್ಸ್ ಆ್ಯಪ್, ಮೆಸೆಂಜರ್ ವಿಡಿಯೋ ಕರೆಗಳು, ಫೇಸ್ಬುಕ್, ಇನ್ಸ್ಟಾಗ್ರಾಂ ಲೈವ್ ಬ್ರಾಡ್ ಕಾಸ್ಟ್, ಮತ್ತು ಪೇಜ್ ಲೈವ್ ಬ್ರಾಡ್ ಕಾಸ್ಟ್ಗಳು ಕಳೆದ ವರ್ಷದ ಈ ಸಮಯಕ್ಕಿಂತ ದ್ವಿಗುಣಗೊಂಡಿವೆ. ಮಾರ್ಚ್ 2020 ರಿಂದ ಲೈವ್ಗಳು ಹೆಚ್ಚಾಗಳು ಪ್ರಾರಂಭಗೊಂಡಿವೆ ಎಂದು ಫೇಸ್ಬುಕ್ ಉತ್ಪನ್ನ ನಿರ್ವಾಹಕ ಜಾಸ್ಮಿನ್ ಸ್ಟಾಯ್ ತಿಳಿಸಿದ್ದಾರೆ.
ಮೆಸೆಂಜರ್ ರೂಂ ಲೈವ್ ಬ್ರಾಡ್ ಕಾಸ್ಟ್ನ ಅಡಿಯೋ, ವಿಡಿಯೋಗಳನ್ನು ಫೇಸ್ಬುಕ್ ಸಂಗ್ರಹಿಸಲಿದ್ದು, ತಮ್ಮ ಸಮುದಾಯ ಮಾನದಂಡಗಳನ್ನು ಪಾಲಿಸಲಾಗುತ್ತಿದೆಯೇ ಎಂದು ಪರಿಶೀಲಿಸಲಿದೆ. ಅಲ್ಲದೆ, ಮುಂದಿನ ದಿನಗಳಲ್ಲಿ ಹೊಸ ಫೀಚರ್ ಅನ್ನು ಅಭಿವೃದ್ಧಿ ಪಡಿಸಲಾಗುವುದು ಎಂದು ಅದು ಹೇಳಿದೆ.
