ನಕಲಿ ಪಾಸ್ ಹಿಡಿದು ಮತ ಎಣಿಕೆ ಕೇಂದ್ರಕ್ಕೆ ನುಗ್ಗಲು ಯತ್ನಿಸಿದ ಯುವಕ ಪೊಲೀಸ್ ವಶಕ್ಕೆ

ಪವನಕುಮಾರ್ ಸಾವಗಾಂವೆ ಎಂಬಾತ ನಕಲಿ ಪಾಸ್ ಪಡೆದು ಒಳ ನುಗ್ಗಲು ಪ್ರಯತ್ನಿಸಿದ್ದು, ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಚಿಕ್ಕೋಡಿ: ನಕಲಿ ಪಾಸ್ ಬಳಸಿ ಮತ ಎಣಿಕೆ ಕೇಂದ್ರದ ಒಳಗೆ ನುಗ್ಗಲು ಯುವಕನೋರ್ವ ಪ್ರಯತ್ನಿಸಿರುವ ಘಟನೆ ಚಿಕ್ಕೋಡಿಯಲ್ಲಿ ನಡೆದಿದೆ.

ಪರಿಶೀಲನೆ ವೇಳೆ ಪಾಸ್ ನಕಲಿ ಎಂದು ತಿಳಿದು ಯುವಕನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಪವನಕುಮಾರ್ ಸಾವಗಾಂವೆ ನಕಲಿ ಪಾಸ್ ಪಡೆದು ಒಳ ನುಗ್ಗಲು ಬಂದಿದ್ದ ಯುವಕ ಎಂದು ಗುರುತಿಸಲಾಗಿದ್ದು, ಚಿಕ್ಕೋಡಿಯ ಆರ್​​ಡಿ ಕಾಲೇಜು ಆವರಣದ ಮುಂಭಾಗದಲ್ಲಿ ಈ ಘಟ‌ನೆ ನಡೆದಿದೆ.