ಬೆಂಗಳೂರು: ಸ್ಯಾಂಡಲ್ವುಡ್ನಲ್ಲಿ ಡ್ರಗ್ಸ್ ಮಾಫಿಯಾದ ನಂಟು ಇದೆ ಎಂದು ಬೆಂಗಳೂರಿನಲ್ಲಿ ಮೂವರು ಹೊರ ರಾಜ್ಯದ ಪೆಡ್ಲರ್ ಬಂಧನ ಮಾಡಿದ ಎನ್ಸಿಬಿ ಸದ್ಯ ಪ್ರಕರಣದ ಎರಡನೇ ಆರೋಪಿಯನ್ನ ಪುನಃ ಕಸ್ಟಡಿಗೆ ಪಡೆದು ತನಿಖೆ ಮುಂದುವರೆಸಿದೆ.
ಸ್ಯಾಂಡಲ್ವುಡ್ ಡ್ರಗ್ಸ್ ಮಾಫಿಯಾ ನಂಟಿನ ಸ್ಫೋಟಕ ಮಾಹಿತಿ ಈ ಎರಡನೇ ಆರೋಪಿಗೆ ಗೊತ್ತಿದೆ. ಡ್ರಗ್ಸ್ ವ್ಯವಹಾರದಲ್ಲಿ ಕೇರಳದ ಗೋಲ್ಡ್ ಸ್ಮಗ್ಲಿಂಗ್ ಹಣ ಕೂಡ ಬೆಂಗಳೂರಿನ ಡ್ರಗ್ಸ್ ಮಾಫಿಯಾದಲ್ಲಿ ಹೂಡಿಕೆಯಾಗಿದೆ. ಎನ್ಸಿಬಿಯಿಂದ ಅರೆಸ್ಟ್ ಆದ ಅನಿಕಾ, ಅನೂಪ್ ಅಹಮ್ಮದ್ ಬ್ಯಾಂಕ್ ಸ್ಟೇಟ್ಮೆಂಟ್ ಕಂಡು ಎನ್ಸಿಬಿ ಶಾಕ್ ಆಗಿದೆ.
ಹೀಗಾಗಿ ಆರೋಪಿ ಅನೂಪ್ ಅಹಮದ್ ಬ್ಯಾಂಕ್ ಖಾತೆಯ 38 ಪುಟಗಳ ಸ್ಟೇಟ್ಮೆಂಟ್ ಪರಿಶೀಲನೆ ಮಾಡಿ ಎನ್ಡಿಪಿಎಸ್ ಕೋರ್ಟ್ಗೆ ಸಲ್ಲಿಸಿದ್ದಾರೆ. ಆರೋಪಿ ಅನುಪ್ ಕೋಟ್ಯಂತರ ರೂಪಾಯಿ ಡ್ರಗ್ಸ್ ಖರೀದಿ ಮಾಡಿದ್ನಾ?. ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ಡ್ರಗ್ಸ್ ಖರೀದಿಸಿ ಯಾರಿಗೆ ಸಪ್ಲೈ ಮಾಡಿದ್ದಾನೆ.? ಅನೂಪ್ಗೆ ಇರುವ ಸ್ಯಾಂಡಲ್ವುಡ್ ನಂಟಿನ ಇಂಚಿಂಚು ಮಾಹಿತಿ ಸಂಗ್ರಹಿಸುತ್ತಿದೆ ಎನ್ಸಿಬಿ.
ರಾಜಕಾರಣಿಗಳು, ಗೋಲ್ಡ್ ಸ್ಮಗ್ಲಿಂಗ್ ಅರೋಪಿಗಳಿಂದ ಅನೂಪ್ಗೆ ಹಣ ವರ್ಗಾವಣೆ ಆಗಿದ್ಯಾ? ಎಂಬ ಆರೋಪದ ಮೇರೆಗೆ ಆರೋಪಿಗಳ ಹಣದ ಮೂಲದ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ಹಾಗೆಯೇ ಇಡಿ ಅಧಿಕಾರಿಗಳು ಹಣದ ವ್ಯವಹಾರದ ದಾಖಲೆ ಪಡೆದ ಹಿನ್ನೆಲೆ ಎನ್ಸಿಬಿ ಅಧಿಕಾರಿಗಳಿಂದ ಮಾಹಿತಿ ಕಲೆಹಾಕಿದ್ದಾರೆ.
