ಬೈಕ್ ಸವಾರನ ಮೇಲೆ ಮಾರಣಾಂತಿಕ ಹಲ್ಲೆ : ಕೈ ಕತ್ತರಿಸಿದ ದುಷ್ಕರ್ಮಿಗಳು

ದುಷ್ಕರ್ಮಿಗಳು ಬೈಕ್​ ಸವಾರನ ಬಲಗೈಯನ್ನೇ ಕಟ್​ ಮಾಡಿ ಪರಾರಿಯಾಗಿರೋ ಘಟನೆ ಹಾವೇರಿ ಜಿಲ್ಲೆ ಸವಣೂರು ತಾಲೂಕಿನ ಚವಡಾಳ ಗ್ರಾಮದ ಬಳಿ ನಡೆದಿದೆ.

ಹಾವೇರಿ : ಬೈಕ್ ಸವಾರನಿಗೆ ಮಚ್ಚಿನಿಂದ ಹಲ್ಲೆ ಮಾಡಿರೋ ದುಷ್ಕರ್ಮಿಗಳು ಆತನ ಬಲಗೈಯನ್ನೇ ಕಟ್​ ಮಾಡಿ ಪರಾರಿಯಾಗಿರೋ ಘಟನೆ ಸವಣೂರು ತಾಲೂಕಿನ ಚವಡಾಳ ಗ್ರಾಮದ ಬಳಿ ನಡೆದಿದೆ.

ಮಾರುತಿ ಶಿರುಂದ ಕೈ ಕಳೆದುಕೊಂಡಿರೋ ವ್ಯಕ್ತಿ. ಮತ್ತೊಂದು ಬೈಕ್​ನಲ್ಲಿ ಬಂದ ದುಷ್ಕರ್ಮಿಗಳು ಮಚ್ಚಿನಿಂದ ಹಲ್ಲೆ ಮಾಡಿ ಪರಾರಿಯಾದ್ದಾರೆ. ಮಾರುತಿ ಸವಣೂರಿನಿಂದ, ಪತ್ನಿಯ ಊರು ಚವಡಾಳ ಗ್ರಾಮಕ್ಕೆ ತೆರಳುತ್ತಿದ್ದ ವೇಳೆ ದುಷ್ಕರ್ಮಿಗಳು ಮಚ್ಚಿನಿಂದ ಹಲ್ಲೆ ನಡೆಸಿ ಪರಾರಿಯಾಗಿದ್ದಾರೆ ಎನ್ನಲಾಗಿದೆ.

ನಿನ್ನೆ ರಾತ್ರಿ ಈ ಘಟನೆ ನಡೆದಿದ್ದು, ಗಾಯಾಳು ಮಾರುತಿಯನ್ನ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆಗೆ ಕಾರಣ ಇನ್ನೂ ತಿಳಿದುಬಂದಿಲ್ಲ. ಸವಣೂರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಪ್ರಕರಣ ನಡೆದಿದೆ.