ನ್ಯೂಯಾರ್ಕ್: ಇಂಡೋ-ಪೆಸಿಫಿಕ್‌ನ ಸ್ಥಿರತೆ ಮತ್ತು ಭದ್ರತೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿರುವ ವಿದೇಶಾಂಗ ಸಚಿವ ಎಸ್ ಜೈಶಂಕರ್, ಸಾಲ, ಆರ್ಥಿಕ ಬೆಳವಣಿಗೆ, ಆಹಾರ ಮತ್ತು ಇಂಧನ ಭದ್ರತೆ ಮತ್ತು ಪರಿಸರದ ಗಂಭೀರ ಸಮಸ್ಯೆಗಳನ್ನು ಪರಿಹರಿಸುವ ಸಲುವಾಗಿ ಭಾರತವು ಜಿ-20 ಸದಸ್ಯ ರಾಷ್ಟ್ರಗಳೊಂದಿಗೆ ಕೆಲಸ ಮಾಡಲಿದೆ ಎಂದು ಶನಿವಾರ ಹೇಳಿದ್ದಾರೆ.
ನ್ಯೂಯಾರ್ಕ್ನ 77ನೇ ಉನ್ನತ ಮಟ್ಟದ ಯುಎನ್ ಜನರಲ್ ಅಸೆಂಬ್ಲಿ ಅಧಿವೇಶನದ ತಮ್ಮ ಭಾಷಣದಲ್ಲಿ ಮಾತನಾಡಿದ ಅವರು, ಅಭಿವೃದ್ಧಿಶೀಲ ರಾಷ್ಟ್ರಗಳು ಎದುರಿಸುತ್ತಿರುವ ಸವಾಲುಗಳನ್ನು ಗಂಭೀರವಾಗಿ ಪರಿಗಣಿಸಿದ್ದು, ಅವುಗಳಲ್ಲಿ ಪರಿಸರ, ಬಹುಪಕ್ಷೀಯ ಹಣಕಾಸು ಸಂಸ್ಥೆಗಳ ಆಡಳಿತದ ಸುಧಾರಣೆಗೆ ಪ್ರಮುಖ ಆದ್ಯತೆ ನೀಡಲಾಗುವುದು ಎಂದು ಅವರು ತಿಳಿಸಿದರು. ಇತ್ತೀಚಿನ ದಿನಗಳಲ್ಲಿ ಹೆಚ್ಚುತ್ತಿರುವ ಸಾಲದಿಂದಾಗಿ ದುರ್ಬಲವಾಗಿರುವ ಅಭಿವೃದ್ಧಿಶೀಲ ರಾಷ್ಟ್ರಗಳ ಆರ್ಥಿಕತೆ ಅಭಿವೃದ್ಧಿ ಕುರಿತು ಒತ್ತು ನೀಡಿದರು.
ಸಾಲದ ಹೆಚ್ಚಳದಿಂದಾಗಿ ದುರ್ಬಲ ಆರ್ಥಿಕತೆ ಎದುರಿಸುತ್ತಿರುವ ರಾಷ್ಟ್ರಗಳ ಮೇಲೆ ಅಂತಾರಾಷ್ಟ್ರೀಯ ಸಮುದಾಯದ ಇತರ ರಾಷ್ಟ್ರಗಳು ಕಾಳಜಿ ತೋರಬೇಕಿದೆ. ಭಾರತವು ಇದರ ಭಾಗವಾಗಿ ಅಸಾಧಾರಣ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಅಫ್ಘಾನಿಸ್ತಾನಕ್ಕೆ 50,000 ಮೆಟ್ರಿಕ್ ಟನ್ ಗೋಧಿ ಮತ್ತು ಔಷಧಗಳು ಮತ್ತು ಲಸಿಕೆಗಳ ಬಹು ಭಾಗಗಳನ್ನು ಕಳುಹಿಸಿಕೊಡಲಾಗಿದೆ. ಇಂಧನ, ಅಗತ್ಯ ಸರಕುಗಳು ಮತ್ತು ವ್ಯಾಪಾರ ವಸಾಹತುಗಳಿಗಾಗಿ ಶ್ರೀಲಂಕಾಕ್ಕೆ 3.8 ಶತಕೋಟಿ ಡಾಲರ್‌ಗಳನ್ನು ನೀಡಲಾಗಿದೆ. ಕ್ರೆಡಿಟ್‌ಗಳನ್ನು ವಿಸ್ತರಿಸಿದಾಗ. ಮ್ಯಾನ್ಮಾರ್‌ಗೆ 10,000 ಮೆಟ್ರಿಕ್ ಟನ್‌ಗಳಷ್ಟು ಆಹಾರ ನೆರವು ಮತ್ತು ಲಸಿಕೆ ರವಾನೆ ಮಾಡಲಾಗಿದೆ ಎಂದು ಭಾರತ ತನ್ನ ನೆರೆಹೊರೆಯವರಿಗೆ ಒದಗಿಸಿದ ಸಹಾಯದ ಕುರಿತು ವಿವರಿಸಿದರು.
ಉಕ್ರೇನ್ ಸಂಘರ್ಷವನ್ನು ಉಲ್ಲೇಖಿಸಿದ ಜೈಶಂಕರ್, ವ್ಯಾಪಾರದ ಅಡೆತಡೆಗಳು ಜಾಗತಿಕ ಸಮಸ್ಯೆಗಳನ್ನು ಮತ್ತಷ್ಟು ಸಂಕೀರ್ಣಗೊಳಿಸಿದೆ. ಅಭಿವೃದ್ಧಿಶೀಲ ದೇಶಗಳ ಸಾಲದ ಪರಿಸ್ಥಿತಿ ಅನಿಶ್ಚಿತವಾಗಿದ್ದು, ಈಗ ವೆಚ್ಚಗಳು ಹೆಚ್ಚಾಗಿ, ಇಂಧನ, ಆಹಾರ ಮತ್ತು ರಸಗೊಬ್ಬರಗಳ ಲಭ್ಯತೆ ಕುಗ್ಗುತ್ತಿದೆ. ಉಕ್ರೇನ್ ಯುದ್ಧ ಇದೆಲ್ಲವುಗಳಿಗೆ ಒಮದಲ್ಲಾ ಒಂದು ರೀತಿಯಲ್ಲಿ ಕಾರಣವಾಗಿದೆ. ಇಂಡೋ-ಪೆಸಿಫಿಕ್ ರಾಷ್ಟ್ರಗಳ ಸ್ಥಿರತೆ ಮತ್ತು ಭದ್ರತೆ ತಾಜಾ ಸಾಕ್ಷಿಯಾಗಿದೆ ಎಂದರು.
ರಾಜಕೀಯ ಸಂಕೀರ್ಣತೆಯಿಂದ ಪರಿಹರಿಸಲಾಗದಂತಹ ಮಾನವೀಯ ಅಗತ್ಯಗಳನ್ನು ಪೂರೈಸಲು ಭಾರತ ಬಲವಾಗಿ ನಿಂತಿದೆ. ಅದು ವಿಪತ್ತಿನ ಸಂದರ್ಭವಾಗಿದ್ದರೂ ಭಾರತ ಸಹಾಯಹಸ್ತ ನೀಡಿದೆ. ಉಕ್ರೇನ್ ಸಂಘರ್ಷ ಆರ್ಥಿಕ ಒತ್ತಡವನ್ನು, ವಿಶೇಷವಾಗಿ ಆಹಾರ ಮತ್ತು ಶಕ್ತಿ ಮೇಲೆ ಒತ್ತಡವನ್ನು ಹೆಚ್ಚಿಸಿದೆ ಎಂದರು.
ಹವಾಮಾನದ ಪ್ರಭಾವದ ಕುರಿತು ಮಾತನಾಡಿದ ಜೈಶಂಕರ್, ಹವಾಮಾನ ಕ್ರಮ ಮತ್ತು ಹವಾಮಾನ ನ್ಯಾಯವು ಈ ವಿಷಯದಲ್ಲಿ ವಿಶೇಷವಾಗಿ ಗಮನಾರ್ಹವಾಗಿದೆ. ಅಂತಾರಾಷ್ಟ್ರೀಯ ಸೌರ ಒಕ್ಕೂಟ, ಒನ್ ಸನ್-ಒನ್ ವರ್ಲ್ಡ್-ಒನ್ ಗ್ರಿಡ್ ಕಾರ್ಯಕ್ರಮ ಮತ್ತು ವಿಪತ್ತು ಸ್ಥಿತಿಸ್ಥಾಪಕ ಮೂಲಸೌಕರ್ಯಗಳ ಒಕ್ಕೂಟದಲ್ಲಿ ಭಾರತವು ಪಾಲುದಾರರೊಂದಿಗೆ ಕೆಲಸ ಮಾಡಿದೆ. COP26 ರ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಗ್ಲಾಸ್ಗೋದಲ್ಲಿ ಘೋಷಿಸಿದ 'ಪರಿಸರಕ್ಕಾಗಿ ಜೀವನಶೈಲಿ' ಕಾರ್ಯಕ್ರಮನ್ನು ಪ್ರಸ್ತಾಪಿಸಿದ ವಿದೇಶಾಂಗ ಸಚಿವರು, ಇದು ಪ್ರಕೃತಿ ತಾಯಿಗೆ ಭಾರತದ ಗೌರವ. ಯುಎನ್‌ಎಫ್‌ಸಿಸಿಸಿ (ಯುನೈಟೆಡ್ ನೇಷನ್ಸ್ ಫ್ರೇಮ್‌ವರ್ಕ್ ಕನ್ವೆನ್ಷನ್ ಆನ್ ಕ್ಲೈಮೇಟ್ ಚೇಂಜ್) ಮತ್ತು ಪ್ಯಾರಿಸ್ ಒಪ್ಪಂದದ ಅಡಿಯಲ್ಲಿ ಭಾರತವು ಹವಾಮಾನ ಬದಲಾವಣೆಯ ವಿರುದ್ಧ ಹೋರಾಡಲು ಆಳವಾಗಿ ಬದ್ಧವಾಗಿದೆ ಎಂದು ಹೇಳಿದರು.
ಇದನ್ನೂ ಓದಿ: ರಷ್ಯಾ ಉಕ್ರೇನ್ ಮಧ್ಯೆ ಮೋದಿ ಮಾತ್ರ ಶಾಂತಿ ಸ್ಥಾಪಿಸಬಲ್ಲರು: ಮೆಕ್ಸಿಕೊ
