ಶೀಘ್ರವೇ 'ಹಕ್ಕಿ' ಹಾರಾಟ ಬಂದ್: ಟ್ವಿಟ್ಟರ್​​ಗೆ ಹೊಸ ಲೋಗೋ ಲಾಂಚ್ ಮಾಡುವುದಾಗಿ ಘೋಷಿಸಿದ ಎಲಾನ್ ಮಸ್ಕ್

ಜಗತ್ತಿನ ಅತ್ಯಂತ ಶ್ರೀಮಂತರಲ್ಲಿ ಒಬ್ಬರಾದ ಎಲಾನ್ ಮಸ್ಕ್ ಪ್ರಮುಖ ಸಾಮಾಜಿಕ ಜಾಲತಾಣವಾದ ಟ್ವಿಟರ್​ ಖರೀದಿಸಿದಾಗಿನಿಂದಲೂ ಸುದ್ದಿಯಲ್ಲಿದ್ದು, ಶೀಘ್ರದಲ್ಲೇ ಟ್ವಿಟ್ಟರ್​ನ ಹೊಸ ಲೋಗೋ ಲಾಂಚ್ ಮಾಡುವುದಾಗಿ ಹೇಳಿದ್ದಾರೆ.

ಲಾಸ್ ಏಂಜಲೀಸ್ (ಅಮೆರಿಕ) : ಜಗತ್ತಿನ ಅತ್ಯಂತ ಸಿರಿವಂತರಲ್ಲಿ ಒಬ್ಬರಾದ ಹಾಗೂ ಟೆಸ್ಲಾ ಕಂಪನಿಯ ಸಿಇಒ ಎಲಾನ್ ಮಸ್ಕ್ ಟ್ವಿಟ್ಟರ್ ಸಂಸ್ಥೆಯನ್ನು ಖರೀದಿಸಿದ ಬಳಿಕ ಪ್ರಸಿದ್ಧ ಮೈಕ್ರೋಬ್ಲಾಗಿಂಗ್ ಪ್ಲಾಟ್‌ಫಾರ್ಮ್​ನಲ್ಲಿ ಒಂದಲ್ಲೊಂದು ರೀತಿಯ ಬದಲಾವಣೆ ಮಾಡುತ್ತಿದ್ದಾರೆ. ಇದೀಗ ಅಂತಹದೇ ಒಂದು ಹೊಸ ನಿರ್ಧಾರ ತೆಗೆದುಕೊಂಡಿದ್ದು, ಶೀಘ್ರದಲ್ಲೇ ಟ್ವಿಟ್ಟರ್​ನ ಹೊಸ ಲೋಗೋ ಲಾಂಚ್ ಮಾಡುವುದಾಗಿ ಘೋಷಣೆ ಮಾಡಿದ್ದಾರೆ.

ಈ ಕುರಿತು ಭಾನುವಾರ ಟ್ವೀಟ್ ಮಾಡಿರುವ ಎಲಾನ್ ಮಸ್ಕ್, ಟ್ವಿಟರ್ ಲೋಗೋವನ್ನು ಬದಲಾಯಿಸುವ ಉದ್ದೇಶವನ್ನು ಪ್ರಕಟಿಸಿದ್ದಾರೆ. "ಶೀಘ್ರದಲ್ಲಿಯೇ ಟ್ವಿಟ್ಟರ್ ಬ್ರ್ಯಾಂಡ್‌ಗೆ ಮತ್ತು ನೀಲಿ ಹಕ್ಕಿಗಳಿಗೆ ಕ್ರಮೇಣವಾಗಿ ನಾವು ವಿದಾಯ ಹೇಳಬೇಕಿದೆ" ಎಂದು ತಿಳಿಸಿದ್ದಾರೆ.

• And soon we shall bid adieu to the twitter brand and, gradually, all the birds

  — Elon Musk (@elonmusk) July 23, 2023 " class="align-text-top noRightClick twitterSection" data="

  And soon we shall bid adieu to the twitter brand and, gradually, all the birds

  — Elon Musk (@elonmusk) July 23, 2023

  ">

  And soon we shall bid adieu to the twitter brand and, gradually, all the birds

  — Elon Musk (@elonmusk) July 23, 2023

ಇದರ ಜೊತೆಗೆ, ತಮ್ಮ ಕನಸಿನ 'ಎಕ್ಸ್' ಆ್ಯಪ್ ಬಗ್ಗೆಯೂ ಕೂಡ ಪ್ರಸ್ತಾಪ ಮಾಡಿದ್ದಾರೆ. ಈ ಆ್ಯಪ್ ಅನ್ನು ಜನರು ತಮ್ಮ ಅನಿಸಿಕೆಗಳನ್ನು ಜಗತ್ತಿನ ಜತೆ ಹಂಚಿಕೊಳ್ಳಲು ಇರುವ ವೇದಿಕೆಗಳಿಗಿಂತಲೂ ವಿಭಿನ್ನ ಹಾಗೂ ದೊಡ್ಡದು ಎಂದು ಅವರು ಬಣ್ಣಿಸಿದ್ದಾರೆ. "ಇಂದು ರಾತ್ರಿ ಸಾಕಷ್ಟು ಉತ್ತಮ ಎನ್ನಬಹುದಾದ ‍X ಲೋಗೋ ದೊರೆತರೆ, ನಾಳೆಯೇ ನಾವು ಜಗತ್ತಿನಾದ್ಯಂತ ಲೈವ್ ಹೋಗಲಿದ್ದೇವೆ" ಎಂದು ಎಕ್ಸ್‌ ಆ್ಯಪ್ ಕಾರ್ಯಾಚರಣೆ ಶೀಘ್ರವೇ ನಡೆಸಲಿದೆ ಎಂಬುದಾಗಿ ಪ್ರಕಟಿಸಿದ್ದಾರೆ.

ಏಪ್ರಿಲ್‌ನಲ್ಲಿ ನಾಯಿಯ ಚಿತ್ರದೊಂದಿಗೆ ಟ್ವಿಟರ್‌ನ ಹಕ್ಕಿ ಚಿತ್ರವನ್ನು ತಾತ್ಕಾಲಿಕವಾಗಿ ಬದಲಿಸಲಾಗಿತ್ತು. ಬದಲಾದ ಲೋಗೋ ಡಾಗ್‌ಕಾಯಿನ್ ಕ್ರಿಪ್ಟೋಕರೆನ್ಸಿಯದ್ದಾಗಿತ್ತು. ವಿಚಿತ್ರವೆಂದರೆ, ಈ ಡಾಗಿ ಲೋಗೋ ಟ್ವಿಟ್ಟರ್​ನ ವೆಬ್​ನಲ್ಲಿ ಮಾತ್ರ ಗೋಚರಿಸುವಂತೆ ಮಾಡಲಾಗಿತ್ತು. ಹಾಗೆಯೇ, ಟ್ವಿಟ್ಟರ್ ತನ್ನ ಮುಖಪುಟದ ಲೋಗೋವನ್ನು ಡಾಗ್ ಚಿತ್ರವನ್ನಾಗಿ ಬದಲಾಯಿಸಿದ ನಂತರ ಡಾಗ್‌ಕಾಯಿನ್‌ನ ಕ್ರಿಪ್ಟೋಕರೆನ್ಸಿ ಮೌಲ್ಯ ಶೇ 30ರಷ್ಟು ಹೆಚ್ಚಾಗಿದೆ ಎಂದು ವರದಿಯಾಗಿತ್ತು.

ಇದನ್ನೂ ಓದಿ : ವೆರಿಫೈ ಆಗಿ, ಸಾವಿರಾರು ಡಾಲರ್ ರೊಕ್ಕ ಗಳಿಸಿ; Twitter ಬಳಕೆದಾರರಿಗೆ ಮಸ್ಕ್ ಕರೆ!

ಕಳೆದ ವರ್ಷ ಟ್ವಿಟ್ಟರ್​ ಅನ್ನು 44 ಬಿಲಿಯನ್​ ಡಾಲರ್​ಗೆ ಎಲಾನ್ ಮಸ್ಕ್ ಖರೀದಿಸಿದ್ದರು. ಇದರ ನಂತರದಿಂದ ಟ್ವಿಟ್ಟರ್​ ಉದ್ಯೋಗಿಗಳ ಬದಲಾವಣೆ ಮತ್ತು ಬ್ಲೂ ವೆರಿಫಿಕೇಶನ್​ ವಿಷಯವಾಗಿ ಮಸ್ಕ್‌ ಸಾಕಷ್ಟು ಸುದ್ದಿಯಲ್ಲಿದ್ದಾರೆ. ಕಳೆದ ಏಪ್ರಿಲ್ 1ರಿಂದ ಕಂಪನಿಯು ತನ್ನ ಹಳೆಯ ಪರಿಶೀಲಿಸಿದ (ವೆರಿಫೈಡ್​) ಖಾತೆಗಳಿಗೆ ಶುಲ್ಕ ವಿಧಿಸಲಾಗುವುದು ಎಂದು ತಿಳಿಸಿತ್ತು. ಬಳಕೆದಾರರು ನೀಲಿ ಚೆಕ್‌ಮಾರ್ಕ್‌ಗಳಿಗೆ ತಿಂಗಳಿಗೆ 8 ಡಾಲರ್​​ ಪಾವತಿಸಬೇಕಾಗುತ್ತದೆ ಎಂದು ಕಂಪನಿ ಹೇಳಿತ್ತು. ಶುಲ್ಕ ಪಾವತಿಸದ, ಪರಿಶೀಲಿಸಿದ ಖಾತೆಗಳ ಚೆಕ್‌ಮಾರ್ಕ್ ಅನ್ನು ತೆಗೆದು ಹಾಕಲಾಗಿದೆ.

ಇದನ್ನೂ ಓದಿ : ‘ದ್ವೇಷಪೂರಿತ, ಹಿಂಸಾತ್ಮಕ ಪೋಸ್ಟ್‌ಗಳು ಹೆಚ್ಚುತ್ತಿವೆ’.. ವರದಿ ತಳ್ಳಿಹಾಕಿದ ಟ್ವಿಟರ್​​​ ಸಿಇಒ

ಇನ್ನೊಂದೆಡೆ, ಎಲ್ಲ ಬಳಕೆದಾರರು ತಮ್ಮ ಟ್ವಿಟ್ಟರ್ ಖಾತೆಯನ್ನು ವೆರಿಫೈ ಮಾಡಿಸಿಕೊಂಡು, ಜಾಹೀರಾತು ಆದಾಯದಲ್ಲಿ ಪಾಲು ಪಡೆಯಲು ಪ್ರಯತ್ನಿಸಬೇಕೆಂದು ಎಲಾನ್ ಮಸ್ಕ್ ಕಳೆದ ಶನಿವಾರ ಕರೆ ನೀಡಿದ್ದರು.

ಇದನ್ನೂ ಓದಿ : ಟ್ವಿಟರ್​ ಲೋಗೋ ಬದಲಿಸಿದ ಮಸ್ಕ್​: ನೀಲಿ ಹಕ್ಕಿ ಜಾಗಕ್ಕೆ ಬಂತು ಈ ಪ್ರಾಣಿ?